മോഡല്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് (കിക്മ) എം.ബി.എ കോളേജിന്റെയും ആഭിമുഖ്യത്തില്‍ നെയ്യാര്‍ഡാമിലെ കിക്മ ക്യാമ്പസ്സില്‍ നിയുക്തി മിനി ജോബ് ഫെയര്‍ സംഘടിപ്പിച്ചു.

സി.കെ ഹരീന്ദ്രന്‍ എംഎല്‍എ ഉദ്ഘാടനം ചെയ്തു. തിരുവനന്തപുരം മോഡല്‍ ജില്ലാ എംപ്ലോയ്‌മെന്റ് ഓഫീസര്‍ ആനി ഐസക് അധ്യക്ഷത വഹിച്ചു.

22 പ്രമുഖ സ്ഥാപനങ്ങളും 753 ഉദ്യോഗാര്‍ത്ഥികളും പങ്കെടുത്തു. വിവിധ കമ്പനികളിലായി 62 പേര്‍ക്ക് സെലക്ഷന്‍ ലഭിച്ചു. 459 പേര്‍ ചുരുക്കപ്പട്ടികയില്‍ ഇടം നേടി.

കെല്‍ട്രോണിന്റെ നോളേജ് സെന്ററുകളില്‍ ഡിപ്ലോമ ഇന്‍ മോണ്ടിസോറി ടീച്ചര്‍ (പ്ലസ്ടു), പ്രൊഫഷണല്‍ ഡിപ്ലോമ ഇന്‍ പ്രീ സ്‌കൂള്‍ ടീച്ചര്‍ ട്രെയ്‌നിംഗ് (എസ്എസ്എല്‍സി) എന്നീ തൊഴിലധിഷ്ഠിത കോഴ്‌സുകളിലേക്ക് വനിതകളില്‍ നിന്ന് അപേക്ഷ ക്ഷണിച്ചു. കേരളത്തിലെ വിവിധ ജില്ലകളില്‍ പഠനകേന്ദ്രങ്ങള്‍ ലഭ്യമാണ്.

മികച്ച തൊഴില്‍ സാധ്യതയുള്ള കോഴ്‌സുകളിലേക്ക് ഓരോ ബാച്ചിലും 30 വീതം വിദ്യാര്‍ത്ഥികള്‍ക്ക് അവസരം ലഭിക്കും. അവസാന തീയതി ആഗസ്റ്റ് 30.

കൂടുതല്‍ വിവരങ്ങള്‍ക്ക്: 9072592416

കഴക്കൂട്ടം ഗവ വനിതാ ഐടിഐയില്‍ ഒഴിവുള്ള ട്രേഡുകളിലേക്ക് സ്‌പോട്ട് അഡ്മിഷന്‍ നടത്തുന്നു. ആഗസ്റ്റ് 25 മുതല്‍ 30 വരെ അപേക്ഷ നല്‍കാം. അപേക്ഷയോടൊപ്പം യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളും പകര്‍പ്പുകളും ഹാജരാക്കേണ്ടതാണ്. അപേക്ഷാ ഫീസ് 100 രൂപ. ഫോണ്‍:  9744900536.

സാമൂഹ്യനീതി വകുപ്പ് വയോസേവന അവാര്‍ഡിന് നാമനിർദ്ദേശം ക്ഷണിച്ചു. വയോജനങ്ങളുടെ ക്ഷേമവും സംരക്ഷണവും ഉറപ്പുവരുത്തുന്ന വിവിധ പദ്ധതികളും പ്രവര്‍ത്തനങ്ങളും നടപ്പിലാക്കുന്ന സര്‍ക്കാര്‍/സര്‍ക്കാരിതര വിഭാഗങ്ങള്‍ക്കും വിവിധ കലാകായിക സാംസ്‌കാരിക മേഖലകളില്‍ മികവ് തെളിയിച്ച മുതിര്‍ന്ന പൗരന്മാര്‍ക്കും തദ്ദേശ സ്വയംഭരണ സ്ഥാപനങ്ങള്‍ക്കും നാമനിര്‍ദ്ദേശങ്ങള്‍ സമര്‍പ്പിക്കാം.

ഓരോ വിഭാഗത്തിലുമുള്ള നിര്‍ദ്ദിഷ്ട മാനദണ്ഡപ്രകാരമാണ് പേര് നിര്‍ദ്ദേശിക്കേണ്ടത്. അപേക്ഷ സമര്‍പ്പിക്കാനുള്ള അവസാന തീയതി സെപ്റ്റംബര്‍ 12. അപേക്ഷാ ഫോം സാമൂഹ്യ നീതി വകുപ്പിന്റെ വെബ്‌സൈറ്റില്‍ ലഭ്യമാണ്.

*മാന്നാർ പഞ്ചായത്തിലെ കളിക്കനത്തൂർ - പുത്തൻകുളങ്ങര റോഡ് ഉദ്ഘാടനം ചെയ്തു

71-ാമത് നെഹ്രുട്രോഫി ജലോത്സവത്തിന് മുന്നോടിയായി ആലപ്പുഴ നഗരസഭയും, ജില്ലാ ഭരണകൂടവും, കേരള ടൂറിസവും, ജില്ലാ ടൂറിസം പ്രമോഷന്‍ കൗണ്‍സിലും ചേര്‍ന്ന് സംഘടിപ്പിക്കുന്ന 

-നിറം കൊടുത്ത് ഉദ്ഘാടനം നിര്‍വഹിച്ച് പി പി ചിത്തരഞ്ജന്‍ എംഎല്‍എ

വള്ളംകളിയുടെ ആഘോഷം ക്യാന്‍വാസുകളിലേക്ക് അവാഹിച്ച് കുരുന്നു കലാകാരന്‍മാര്‍. നെഹ്‌റുട്രോഫി വള്ളം കളിക്ക് മുന്നോടിയായി നെഹ്‌റുട്രോഫി പബ്ലിസിറ്റി കമ്മിറ്റി സംഘടിപ്പിച്ച നിറച്ചാര്‍ത്ത് മത്സര വേദിയിലാണ് വിദ്യാര്‍ഥികള്‍ ആവേശത്തിന്റെ നിറം ചാലിച്ച് ക്യാന്‍വാസില്‍ പ്രതിഭ വിരിയിച്ചത്. ആലപ്പുഴ സെന്റ് ജോസഫ്‌സ് ഗേള്‍സ് സ്‌കൂള്‍ മുറ്റത്തായിരുന്നു കുട്ടികളുടെ കലാവേദി. ആഗസ്റ്റ് 30ന് പുന്നമടക്കായലില്‍ നടക്കുന്ന 71-ാമത് നെഹ്റു ട്രോഫി വള്ളംകളിയുടെ ഭാഗമായാണ് നിറച്ചാര്‍ത്ത് മത്സരം സംഘടിപ്പിച്ചത്.

കോഴിക്കോട് നടന്ന സംസ്ഥാനതല ട്രാൻസ്ജെൻഡർ കലോത്സവത്തിൽ ആലപ്പുഴ ജില്ലയിൽ നിന്നും പങ്കെടുത്ത ജാനകി രാജ് കലാരത്ന പുരസ്കാരം കരസ്ഥമാക്കി. സംസ്ഥാനത്തെ എല്ലാ ജില്ലയിൽ നിന്നുമുള്ള ട്രാൻസ്ജെൻഡർ വ്യക്തികൾ പങ്കെടുത്ത സംസ്ഥാന തല കലോത്സവത്തിൽ ഇഞ്ചോടിഞ്ച് പോരാട്ടത്തിനൊടുവിലാണ് കലാരത്ന ജാനകിരാജ് പിടിച്ചെടുത്തത്. സെമി ക്ലാസിക്കൽ നൃത്തം, കവിത പാരായണം, കുച്ചിപ്പുടി ഭരതനാട്യം, നാടോടി നൃത്തം എന്നീ ഇനങ്ങളിൽ മത്സരിച്ച ജാനകിരാജ് എല്ലാ ഇനങ്ങളിലും എ ഗ്രേഡ് നേടി.

മൂന്നു ദിവസമായി നടന്നു വരുന്ന കലോത്സവത്തിനായി സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ളവര്‍ കോഴിക്കോട് എത്തി. 

കടമക്കുടി ടൂറിസം വികസനത്തിനു വേണ്ടി മാസ്റ്റർ പ്ലാൻ തയ്യാറാക്കുന്നതിൻ്റെ ഭാഗമായി ഭൂവുടമകളുടെയും വിവിധ വകുപ്പ് ഉദ്യേഗസ്ഥരുടെയും യോഗം ഇന്ന് (25) നടക്കുമെന്ന് പദ്ധതിക്കു നേതൃത്വം നൽകുന്ന കെ എൻ ഉണ്ണിക്കൃഷ്ണൻ എംഎൽഎ അറിയിച്ചു. കടമക്കുടി ജോൺസ് ഹാവെനിൽ രാവിലെ 11 നാണ് യോഗം ആരംഭിക്കുന്നത്. 

കോതാട് നിഹാര റിസോർട്ടിനു എതിർ വശത്തെ ബോട്ട് ജെട്ടിയിൽ നിന്ന് രാവിലെ 10.30 ന് ബോട്ട് സർവീസുണ്ടായിരിക്കും. അടിയന്തര മാസ്റ്റർ പ്ലാൻ തയ്യാറാക്കുന്നത് സംബന്ധിച്ച് ടൂറിസം, വ്യവസായ മന്ത്രിമാർ 'കടമക്കുടി കാഴ്ചകൾ' ടൂറിസം മേളയിൽ അഭിപ്രയപ്പെട്ട സാഹചര്യത്തിലാണ് യോഗം. താൽപര്യമുള്ള വർക്ക് പങ്കെടുക്കാം.

തൊഴിലുറപ്പ് തൊഴിലാളികളുടെ സംഗമം നടന്നു 

കൃഷിക്ക് ഒപ്പം കളമശ്ശേരിയുടെ എല്ലാ പ്രവർത്തനങ്ങളിലും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി വഴി നിർലോഭമായ സഹകരണം ലഭിച്ചിട്ടുണ്ടെന്ന് വ്യവസായ വകുപ്പ് മന്ത്രി പി രാജീവ്.

കളമശ്ശേരി മണ്ഡലത്തിൻ്റെ സ്വയം പര്യാപ്തത ലക്ഷ്യമിട്ട് വ്യവസായ മന്ത്രി പി രാജീവ് നടപ്പിലാക്കുന്ന സമഗ്ര കാർഷിക വികസന പദ്ധതിയായ കൃഷിക്കൊപ്പം കളമശ്ശേരിയുടെ ഭാഗമായി നടന്ന തൊഴിലുറപ്പ് തൊഴിലാളി സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.