ആഴക്കടൽ മത്സ്യബന്ധന യാനങ്ങള്‍ വിതരണം ചെയ്യുന്ന പി എം എം എസ് വൈ (2023-24) പദ്ധതിക്ക് അപേക്ഷ ക്ഷണിച്ചു. വ്യക്തികൾ, ഗ്രൂപ്പുകൾ, സഹകരണ സംഘങ്ങൾ എന്നിവർക്ക് അപേക്ഷിക്കാം. 1.20 കോടി രൂപയാണ് പദ്ധതിയുടെ യൂണിറ്റ് ചെലവ്. ഇതില്‍ 40 ശതമാനം (48 ലക്ഷം രൂപ) സർക്കാർ സബ്സിഡിയും ബാക്കി 60 ശതമാനം (72 ലക്ഷം രൂപ) ഗുണഭോക്തൃ വിഹിതവുമാണ്.

പുനർഗേഹം പദ്ധതിയുടെ ഭാഗമായി പുറക്കാട് മണ്ണുംപുറത്ത് നിർമ്മിക്കുന്ന ഫ്ലാറ്റുകളുടെ അവശേഷിക്കുന്ന പണികൾ ഉടൻ പൂർത്തിയാക്കി ഗുണഭോക്താക്കൾക്ക് കൈമാറാനുള്ള നടപടികൾ സ്വീകരിക്കണമെന്ന് ജില്ലാ വികസന സമിതി യോഗം ഉദ്യോഗസ്ഥർക്ക് നിർദ്ദേശം നൽകി. നവംബർ ഒന്നിന് അതിദാരിദ്ര്യമുക്ത കേരളം പ്രഖ്യാപനത്തിന് മുന്നോടിയായി ജില്ലയിലെ അതിദാരിദ്ര്യ വിഭാഗത്തിൽപ്പെട്ടവരെ കണ്ടെത്തി അവരെയും പുനർഗേഹം ഫ്ലാറ്റിന്റെ ഗുണഭോക്തൃ പട്ടികയിൽ ഉൾപ്പെടുത്തി ഫ്ലാറ്റുകൾ കൈമാറണമെന്നും വികസന സമിതി യോഗം നിർദ്ദേശം നൽകി. 

ജില്ല കളക്ടർ അലക്സ് വർഗീസിന്റെ അധ്യക്ഷതയിലാണ് വികസന സമിതി യോഗം ചേർന്നത്.

ആഗസ്റ്റ് 30ന് പുന്നമടക്കായലില്‍ നടക്കുന്ന 71-ാമത് ട്രോഫി സ്വന്തമാക്കുന്ന ചുണ്ടന്‍ വള്ളത്തിന്റെ പേര് പ്രവചിച്ച് സമ്മാനം നേടാം. നെഹ്‌റു ട്രോഫി പബ്ലിസിറ്റി കമ്മിറ്റിയാണ് മത്സരം സംഘടിപ്പിക്കുന്നത്. വിജയിക്ക് ആലപ്പുഴ പാലത്ര ഫാഷന്‍ ജ്വല്ലറി സ്‌പോണ്‍സര്‍ ചെയ്യുന്ന പി.ടി. ചെറിയാന്‍ സ്മാരക കാഷ് അവാര്‍ഡ് (10001 രൂപ) സമ്മാനമായി ലഭിക്കും. ചുണ്ടന്‍ വള്ളങ്ങളുടെ ഫൈനലില്‍ ഒന്നാമത് ഫിനിഷ് ചെയ്ത് നെഹ്‌റു ട്രോഫി സ്വന്തമാക്കുന്ന ചുണ്ടന്റെ പേര്, എന്‍ട്രി അയയ്ക്കുന്നയാളുടെ പേര്, വിലാസം, ഫോണ്‍ നമ്പര്‍ എന്നിവ തപാൽ കാർഡിൽ എഴുതിയാണ് അയക്കേണ്ടത്. ഒരാള്‍ക്ക് ഒരു വള്ളത്തിന്റെ പേര് മാത്രമേ പ്രവചിക്കാനാകൂ.

വ്യോമയാന ചരിത്രത്തിലെ ഒരു പുതിയ അധ്യായമായി സിയാലിന്റെ നേതൃത്വത്തിൽ സംഘടിപ്പിച്ച കേരള വ്യോമയാന ഉച്ചകോടി മാറുമെന്ന് റവന്യൂ വകുപ്പ് മന്ത്രി കെ. രാജൻ പറഞ്ഞു. ചടങ്ങിൽ വിശിഷ്ടാതിഥിയായി പങ്കെടുത്ത് സംസാരിക്കുകയായിരുന്നു അദ്ദേഹം. രാജ്യത്തെ വ്യോമയാന മേഖല അതിവേഗം വളരുകയാണ്. ഈ സാഹചര്യത്തിൽ കേരളത്തെ ദേശീയ, പ്രാദേശിക വ്യോമയാന മേഖലകളുടെ ഒരു പ്രധാന കേന്ദ്രമായി മാറ്റുകയാണ് ലക്ഷ്യം. തീർത്ഥാടന കേന്ദ്രങ്ങളിലേക്കും ടൂറിസം കേന്ദ്രങ്ങളിലേക്കും വ്യോമയാന ബന്ധം സ്ഥാപിക്കുന്നതിന് സീ പ്ലെയിനുകളും ഹെലികോപ്റ്ററുകളും ഉപയോഗപ്പെടുത്തുന്നതിനുള്ള സാധ്യതകൾ ഉൾപ്പെടെ ഉച്ചകോടിയിൽ ചർച്ചയാകുന്നുണ്ട്.

വ്യോമയാന ഉച്ചകോടി പുതിയ നിക്ഷേപ സാധ്യതകൾ തുറന്നു നൽകുമെന്ന് വ്യവസായ വകുപ്പ് മന്ത്രി പി.രാജീവ് പറഞ്ഞു. ഫിക്കിയുടെ സഹകരണത്തോടെ സിയാലിന്റെ നേതൃത്വത്തിൽ കൊച്ചിയിൽ സംഘടിപ്പിച്ച വ്യോമയാന ഉച്ചകോടിയുടെ ഉദ്ഘാടന ചടങ്ങിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

ഈ സ്വഭാവത്തിലുള്ള ഇന്ത്യയിലെ ആദ്യത്തെ ഉച്ചകോടിയാണിത്. പ്രവർത്തനക്ഷമമായ നാല് അന്താരാഷ്ട്ര വിമാനത്താവളങ്ങൾ ഉള്ള സംസ്ഥാനമാണ് കേരളം. ഏറ്റവും കൂടുതൽ പഞ്ചനക്ഷത്ര ഹോട്ടലുകൾ ഉള്ള സംസ്ഥാനവും കേരളമാണ്. ഈ സാധ്യതകളെല്ലാം ഉപയോഗിച്ചുകൊണ്ട് കൂടുതൽ നിക്ഷേപങ്ങൾ ആകർഷിക്കാൻ ആണ് സംസ്ഥാനം ശ്രമിച്ചുകൊണ്ടിരിക്കുന്നതെന്നും അദ്ദേഹം കൂട്ടിച്ചേർത്തു.

പ്രഥമ കേരള വ്യോമയാന ഉച്ചകോടി ഉദ്ഘാടനം ചെയ്തു 

വ്യോമയാന വ്യവസായരംഗത്തെ കുതിപ്പ് കേരളത്തിന്റെ മൊത്തം വളർച്ചയിലേക്ക് നയിക്കുന്ന രീതിയിലുള്ള ഇടപെടലുകൾ നടത്താനാണ് സംസ്ഥാന സർക്കാർ ഉദ്ദേശിക്കുന്നതെന്ന് മുഖ്യമന്ത്രി പിണറായി വിജയൻ. 

ഫെഡറേഷൻ ഓഫ് ഇന്ത്യൻ ചേംബേഴ്സ് ഓഫ് കൊമേഴ്‌സ് ആന്റ് ഇൻഡസ്ട്രിയുമായി (ഫിക്കി) സഹകരിച്ച് കൊച്ചി അന്താരാഷ്ട്ര വിമാനത്താവള ലിമിറ്റഡ് (സിയാൽ) സംഘടിപ്പിച്ച പ്രഥമ കേരള വ്യോമയാന ഉച്ചകോടിയും (കേരള ഏവിയേഷൻ സമ്മിറ്റ് 2025) വിമാനത്താവളത്തിലെ പുതിയ എയർപോർട്ട് ഹെൽത്ത് ഓഫീസ് (എ.പി.എച്ച്.ഒ) കെട്ടിടവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

തിരുവനന്തപുരം

ക്ഷേമ പെൻഷൻ ഗുണഭോക്താക്കളുടെ വാർഷിക മസ്‌റ്ററിങ്ങിനുള്ള സമയപരിധി സെപ്‌തംബർ 10 വരെ നീട്ടിയതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. ഞായറാഴ്‌ച അവസാനിക്കുന്ന സമയപരിധി നീട്ടിനൽകണമെന്ന ആവശ്യം പരിഗണിച്ചാണ്‌ തീരുമാനം. സാമുഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക്‌ സമയപരിധിക്കുള്ളിൽ അക്ഷയ കേന്ദ്രങ്ങൾ വഴി മസ്‌റ്ററിങ്ങ്‌ നടത്താനാകും

കേരള പ്രവാസി ക്ഷേമ ബോർഡ് പ്രവാസി ക്ഷേമനിധി അംഗത്വ കാമ്പയിനും കുടിശ്ശിക നിവാരണവും സംഘടിപ്പിക്കുന്നു. ആഗസ്റ്റ് 25 ന് രാവിലെ 10 മുതൽ വൈകിട്ട് 5 വരെ സിവിൽ സ്റ്റേഷനിൽ ജില്ലാ ആസൂത്രണ സമിതി ഹാളിലാണ് പരിപാടി.

18 നും 60 നും ഇടയിൽ പ്രായമുള്ള നിലവിൽ വിദേശത്തോ കേരളത്തിന് പുറത്ത് അന്യസംസ്ഥാനത്തോ ജോലി ചെയ്യുന്നവർക്കും കുറഞ്ഞത് രണ്ടു വർഷക്കാലം വിദേശത്ത് ജോലി ചെയ്ത് കേരളത്തിൽ സ്ഥിരം താമസമാക്കിയവർക്കും പ്രവാസി ക്ഷേമനിധിയിൽ അംഗത്വമെടുക്കാം.

പുതുതായി അംഗത്വമെടുക്കാൻ ആവശ്യമായ രേഖകൾ കരുതേണ്ടതാണ്.

നേച്ചർ ഉണ്ടെങ്കിലേ നമ്മൾക്ക് ഫ്യൂച്ചർ ഉള്ളൂ' എന്ന സന്ദേശം നെഞ്ചിലേറ്റി, പ്രകൃതിയും മനുഷ്യനും തമ്മിലുള്ള ആഴത്തിലുള്ള ബന്ധം വിളിച്ചുപറഞ്ഞുകൊണ്ട് കടമ്പൻ മൂത്താൻ ആലങ്ങാടിന്റെ പാടങ്ങളിലും പൊതുവഴികളിലും ഉറഞ്ഞുതുള്ളി. കൃഷിയെ കേവലം ഒരു തൊഴിലായി കാണാതെ, പ്രകൃതിയുമായുള്ള കൊടുക്കൽ വാങ്ങലായി ആഘോഷിക്കുന്ന ഒരു കലാപ്രവർത്തനമായിരുന്നു ഇത്. കുട്ടികളും പ്രദേശവാസികളും ഒരേപോലെ ആവേശത്തോടെയാണ് ഈ കാർഷിക കലാപരിപാടികളെ വരവേറ്റത്.

 രാവിലെ ഏഴിന് ആലങ്ങാട് കരിമ്പിൻ തോട്ടത്തിലും കരിമ്പ് ഫാക്ടറിയിലുമായിരുന്നു പരിപാടിയുടെ തുടക്കം. 

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലെ തൊഴിലാളികൾക്കായി രൂപീകരിച്ചിട്ടുള്ള തൊഴിലുറപ്പ് ക്ഷേമനിധി ബോർഡിന്റെ നേതൃത്വത്തിൽ, തൊഴിലുറപ്പ് ക്ഷേമനിധി അംഗത്വ രജിസ്ട്രേഷൻ ആരംഭിച്ചു. അംഗത്വ രജിസ്ട്രേഷനുമായി ബന്ധപ്പെട്ട ജില്ലാ പ്ലാനിംഗ് ഹാളിൽ നടന്ന ശില്പശാല ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ ഉദ്ഘാടനം ചെയ്തു.

ക്ഷേമനിധി ബോർഡ് ചെയർമാൻ എസ് രാജേന്ദ്രൻ അധ്യക്ഷത വഹിച്ചു. പഞ്ചായത്ത് അസോസിയേഷൻ സംസ്ഥാന സെക്രട്ടറി കെ ആർ ജയകുമാർ, സി എൻ ഫ്രാൻസിസ്, പി എച്ച് ഷൈൻ എന്നിവർ പ്രസംഗിച്ചു.