ജില്ലാ പഞ്ചായത്ത് പ്രസിഡൻ്റ് മനോജ് മൂത്തേടൻ ഉദ്ഘാടനം നിർവഹിക്കും

വിപണിയിൽ ലഭ്യമാകുന്ന പാലിൻ്റെ ഗുണമേന്മ, സമ്പുഷ്‌ടത, മായം ചേർക്കൽ നിരോധന നിയമം എന്നിവയെകുറിച്ച് ബോധവത്ക്കരണം നടത്തുന്നതിനായി ആഗസ്റ്റ് 26 ഉച്ചയ്ക്ക് രണ്ടിന് ഉപഭോക്തൃ മുഖാമുഖം പരിപാടി സംഘടിപ്പിക്കുന്നു.

വ്യവസായ നിക്ഷേപ സൗഹൃദ സംസ്ഥാനമായി അതിവേഗം മുന്നേറുന്ന സംസ്ഥാനത്തിന് ദേശീയ ആഗോള വ്യാവസായിക ഭൂപടത്തിൽ ഉറച്ച സ്ഥാനം നേടിക്കൊടുക്കാൻ അദാനി ലോജിസ്റ്റിക്സ് പാർക്ക് പോലെ വൻകിട പദ്ധതികൾക്കു കഴിയുമെന്ന് മുഖ്യമന്ത്രി പിണറായി വിജയൻ പറഞ്ഞു. 

 കളമശ്ശേരിയിൽ ലോജിസ്റ്റിക്സ് പാർക്കിൻ്റെ ശിലാസ്ഥാപനം നിർവഹിച്ചു സംസാരിക്കുകയായിരുന്നു മുഖ്യമന്ത്രി. 

കൊച്ചി: ചിട്ടി സംബന്ധമായ തർക്കങ്ങൾക്ക് ഉപഭോക്തൃ സംരക്ഷണ നിയമം പ്രകാരം ഉപഭോക്തൃ കോടതികളുടെ അധികാരപരിധിയിൽ വരുമെന്ന എറണാകുളം ജില്ലാ ഉപഭോക്തൃ കമ്മീഷൻ്റെ വിധി സംസ്ഥാന കമ്മീഷൻ ശരിവച്ചു. 

സിവിൽ കോടതിയിൽ മാത്രമല്ല, ഉപഭോക്തൃ തർക്ക പരിഹാര കോടതികളിലും ചിട്ടി സംബന്ധമായ കേസുകൾ ഫയൽ ചെയ്യാമെന്നും, ഇത്തരം പരാതികൾ ഉപഭോക്തൃ സംരക്ഷണ നിയമപ്രകാരം നിലനിൽക്കുമെന്നും സംസ്ഥാന ഉപഭോക്തൃ തർക്ക പരിഹാര കമ്മീഷൻ നിരീക്ഷിച്ചു. 

ഉപഭോക്തൃ സംരക്ഷണ നിയമത്തിലെ വ്യവസ്ഥകൾ നിലവിലുള്ള മറ്റ് നിയമങ്ങൾക്ക് പുറമെയുള്ള അധിക പരിഹാര മാർഗ്ഗമാണെന്നും ഉത്തരവിൽ ജില്ലാ കമ്മീഷൻ വ്യക്തമാക്കിയിരുന്നു. 

സപ്ലൈകോക്ക് വേണ്ടി കർഷകരിൽ നിന്നും നെല്ല് സംഭരിച്ച്, സംസ്കരിച്ച് അരിയാക്കാൻ താല്പര്യമുള്ള സംസ്ഥാനത്തെ മില്ലുടമകളിൽ നിന്ന് അപേക്ഷ ക്ഷണിച്ചു. ഈ രംഗത്ത് ചുരുങ്ങിയത് മൂന്നുവർഷത്തെ പ്രവർത്തിപരിചയം ഉള്ളവർക്ക് അപേക്ഷിക്കാം. ആഗസ്റ്റ് 25 മുതൽ നവംബർ 15 വരെ സപ്ലൈകോയുടെ കൊച്ചി കടവന്ത്ര കേന്ദ്രകാര്യാലയത്തിൽ മില്ലുടമകൾക്ക് അപേക്ഷ സമർപ്പിക്കാം. വിശദവിവരങ്ങൾക്ക് www.supplycopaddy.in

സപ്ലൈകോ വഴി നടപ്പാക്കുന്ന നെല്ല് സംവരണ പദ്ധതിയുടെ 2025-26 ഒന്നാം വിള സീസണിലെ ഓൺലൈൻ കർഷക രജിസ്ട്രേഷൻ ഓഗസ്റ്റ് 25 മുതൽ ആരംഭിക്കും. നെല്ല് സംഭരണവുമായി ബന്ധപ്പെട്ട വിശദാംശങ്ങൾക്കും കർഷക രജിസ്ട്രേഷനും www.supplycopaddy.in എന്ന വെബ്സൈറ്റ് സന്ദർശിക്കുക. 

മില്ലുടമകളിൽ നിന്നും അപേക്ഷ ക്ഷണിച്ചു 

കേരളം വികസനത്തിന്റെയും പുരോഗതിയുടെയും പുതിയ തലങ്ങളിലൂടെ മുന്നേറുകയാണെന്ന് മുഖ്യമന്ത്രി പിണറായി വിജയൻ പറഞ്ഞു. 

കൊച്ചി പോർട്ട് ട്രസ്റ്റിൻ്റെ മുന്‍ ചെയര്‍മാനും റിട്ടയേഡ് ഐപിഎസ് ഉദ്യോഗസ്ഥനുമായ എന്‍ രാമചന്ദ്രന്‍ രചിച്ച "വില്ലിംഗ്ടണ്‍ ഐലന്‍ഡില്‍ നിന്നുള്ള കുറിപ്പുകള്‍"(നോട്‌സ് ഫ്രം വില്ലിംഗ് ടണ്‍ ഐലന്റ്) എന്ന പുസ്തകത്തിന്റെ പ്രകാശനം എറണാകുളം ടിഡിഎം ഹാളിൽ ചേർന്ന ചടങ്ങിൽ നിര്‍വഹിച്ചു സംസാരിക്കുകയായിരുന്നു അദ്ദേഹം.

ഗദ്ദിക 2025 മേളയുമായി ബന്ധപ്പെട്ട പ്രവർത്തനങ്ങൾ ഏകോപിപ്പിക്കുന്നതിനായി സജ്ജീകരിച്ചിട്ടുള്ള സ്വാഗത സംഘം ഓഫീസിൻ്റെ ഉദ്ഘാടനം ടി.ജെ വിനോദ് എം.എൽ.എ നിർവഹിച്ചു. എറണാകുളം ട്രൈബൽ കോംപ്ലക്സിൽ മേളയുമായി ബന്ധപ്പെട്ട് മികച്ച സജ്ജീകരണങ്ങളാണ് ഒരുക്കിയിട്ടുള്ളത്.

ഗദ്ദിക ഇക്കുറി വിപുലമായ രീതിയിൽ നടത്താനാണ് സർക്കാർ ലക്ഷ്യമിടുന്നത്. 

പാലക്കുഴ ഗവ. മോഡൽ ഹയർസെക്കൻഡറി സ്കൂളിൽ പൂർത്തികരിച്ച വിവിധ പദ്ധതികളുടെ ഉദ്ഘാടനം നിർവഹിച്ചു

പുതിയ തലമുറയിലെ കുട്ടികൾ ലക്ഷ്യബോധമുള്ളവരായി വളരണമെന്ന് ജില്ലാ കളക്ടർ ജി പ്രിയങ്ക പറഞ്ഞു. പാലക്കുഴ ഗവ. മോഡൽ ഹയർസെക്കൻഡറി സ്കൂളിൽ ജില്ലാ പഞ്ചായത്ത് ഫണ്ട്‌ ഉപയോഗിച്ച് പൂർത്തികരിച്ച വിവിധ പദ്ധതികളുടെ ഉദ്ഘാടനവും ശിലാസ്ഥാപനവും നിർവഹിച്ചു സംസാരിക്കുകയായിരുന്നു കളക്ടർ.

ഇപ്പോഴുള്ള സാഹചര്യത്തിൽ ഹാർഡ് വർക്കിനും സ്മാർട്ട്‌ വർക്കിനും തുല്യ പ്രാധാന്യമുണ്ട്. മികച്ച ലക്ഷ്യബോധമുള്ള തലമുറ വളർന്നുവരേണ്ടത് കാലഘട്ടത്തിന്റെ അനിവര്യതയാണെന്നും കളക്ടർ പറഞ്ഞു.

പിറവം നഗരസഭയിലെ ഹരിത കർമസേനയെ സംരംഭകരാക്കുക എന്ന ലക്ഷ്യത്തോടെ റെന്റൽ സർവ്വീസ് യൂണിറ്റ് ആരംഭിക്കുന്നു. നഗരസഭയിൽ ഗ്രീൻപ്രോട്ടോകോൾ അനുസരിച്ച് ചടങ്ങുകൾ സംഘടിപ്പിക്കൽ

, നഗരസഭ പരിധിയിൽ പൊതു പരിപാടികൾക്ക് ഗ്രീൻപ്രോട്ടോകോൾ അനുസരിച്ച് ആവശ്യമായ സാധനങ്ങൾ വാടകയ്ക്കു നൽകൽ, ഇനോക്കുലം (സൂഷ്മാണു മിശ്രിതം) വിൽപ്പനയുമാണ് ഹരിതകർമസേന ഈ പദ്ധതിയിലൂടെ ഏറ്റെടുത്തിട്ടുള്ളത്. 11.25 ലക്ഷം രൂപയാണ് പദ്ധതിയ്ക്കായി വകയിരുത്തിയിട്ടുള്ളത്. കേരള ഖര മാലിന്യ പരിപാലന പദ്ധതിയിൽ ഉൾപ്പെടുത്തിയാണ് സാമ്പത്തിക പിന്തുണയും, പരിശീലനവും നൽകുന്നത്. 

വ്യാവസായിക പരിശീലന വകുപ്പിനു കീഴിൽ പ്രവർത്തിക്കുന്ന കഴക്കൂട്ടം ഗവ. വനിതാ ഐ.ടി.ഐയിൽ ഒഴിവുള്ള ട്രേഡുകളിലേക്ക് സ്പോട്ട് അഡ്മിഷന് അപേക്ഷ ക്ഷണിച്ചു. ആഗസ്റ്റ് 25 മുതൽ 30 ഉച്ചയ്ക്ക് 12.30 വരെ അപേക്ഷ സമർപ്പിക്കാം. അപേക്ഷയോടൊപ്പം യോഗ്യത തെളിയിക്കുന്ന അസൽ സർട്ടിഫിക്കറ്റുകളും പകർപ്പുകളും ഹാജരാക്കണം. അപേക്ഷാഫീസ് 100 രൂപ.