വ്യവസായ വകുപ്പ് മന്ത്രി പി രാജീവ് ഉദ്ഘാടനം നിർവഹിക്കും

സപ്ലൈകോയുടെ ജില്ലാ ഓണം ഫെയർ ആഗസ്റ്റ് 26 മുതൽ സെപ്റ്റംബർ നാലുവരെ കലൂർ ജവഹർലാൽ നെഹ്റു ഇൻ്റർനാഷണൽ സ്റ്റേഡിയം ഹെലിപാഡ് ഗ്രൗണ്ടിൽ നടക്കും. ആഗസ്റ്റ് 26 രാവിലെ 10.30 ന് വ്യവസായി വകുപ്പ് മന്ത്രി പി രാജീവ് ഉദ്ഘാടനം ചെയ്യും. ഉമാ തോമസ് എംഎൽഎ അധ്യക്ഷത വഹിക്കുന്ന പരിപാടിയിൽ ഹൈബി ഈഡൻ എംപി മുഖ്യപ്രഭാഷണം നടത്തും. കൊച്ചി കോർപ്പറേഷൻ മേയർ അഡ്വ എം അനിൽകുമാർ ആദ്യ വില്പന നിർവഹിക്കും. 

കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 17-ാമത് അന്താരാഷ്ട്ര ഡോക്യുമെന്ററി ഹ്രസ്വചിത്രമേളയുടെ രണ്ടാം ദിനത്തിൽ പ്രേക്ഷക പ്രീതി നേടി മേളയിലെ ഡോക്യുമെന്ററി വിഭാഗത്തിലെ വിവിധ ചിത്രങ്ങൾ.

പതിനേഴാമത് ഐഡിഎസ്എഫ്എഫ്‌കെയുടെ ഭാഗമായി സംഘടിപ്പിച്ച 'മീറ്റ് ദി ഡയറക്ടർസ്' 

കേരളത്തിലെ മികച്ച കലാലയ മാഗസിനുകൾക്ക മുഖ്യമന്ത്രിയുടെ ട്രോഫി സമ്മാനിക്കുന്ന കേരള മീഡിയ അക്കാദി കോളേജ് മാഗസിന്‍ പുരസ്‌കാര സമര്‍പ്പണം 2025 ആഗസ്റ്റ് 25 തിങ്കളാഴ്ച രാവിലെ 11ന് പാലക്കാട് ഗവ. വിക്ടോറിയ കോളേജില്‍ നടക്കും. തദ്ദേശ സ്വയംഭരണ-എക്സൈസ് വകുപ്പ് മന്ത്രി എം.ബി രാജേഷ് പുരസ്‌കാരം സമ്മാനിക്കും. 2023-24 വര്‍ഷത്തിലെ മുഖ്യമന്ത്രിയുടെ ട്രോഫിയും 25,000 രൂപയും അടങ്ങുന്ന ഒന്നാംസമ്മാനത്തിന് അര്‍ഹമായത് പാലക്കാട് ഗവ. വിക്ടോറിയ കോളേജ് പ്രസിദ്ധീകരിച്ച 'തുരുത്ത്' ' എന്ന മാസികയാണ്.

സർക്കാർ സ്ഥാപനമായ ഐഎച്ച്ആർഡിയുടെ കീഴിലുള്ള കോളേജ് ഓഫ് അപ്ലൈഡ് സയൻസ് മാവേലിക്കരയിൽ 2025-26 അധ്യയനവർഷത്തിലേക്ക് താത്കാലിക കായിക പരിശീലന അദ്ധ്യാപകൻ്റെ ഒഴിവിലേക്ക് അപേക്ഷ ക്ഷണിച്ചു.

 വിദ്യാഭ്യാസ യോഗ്യത 55% മാർക്കോടുകൂടിയ ബി.പി.ഇ.ഡ്. താത്പര്യമുള്ളവർ കോളജിൽ ആഗസ്റ്റ് 27 രാവിലെ 11ന് നടക്കുന്ന അഭിമുഖത്തിൽ പങ്കെടുക്കേണ്ടതാണ്. 

ഫോൺ - 85470 05046, 0479 2304494

തൃപ്പൂണിത്തുറ ഗവൺമെൻറ് ആയുർവേദ കോളേജ് ആശുപത്രിയിൽ, ആശുപത്രി വികസന സൊസൈറ്റിയുടെ കീഴിലുള്ള അക്കൌണ്ടൻറ് തസ്തികയിൽ ദിവസ വേതനാടിസ്ഥാനത്തിൽ നിയമനം നടത്തും. സെപ്റ്റംബർ 8 രാവിലെ 11ന് വാക്ക്-ഇൻ-ഇൻ്റർവ്യൂ നടക്കും. ബി.കോം, ടാലി പ്രൈം ആണ് അടിസ്ഥാനയോഗ്യത. പ്രവൃത്തി പരിചയം അഭിലഷണീയം.

ഉദ്യോഗാർത്ഥികൾ സെപ്റ്റംബർ 8-ന് രാവിലെ 10.15 ന് വിദ്യാഭ്യാസ യോഗ്യതകൾ തെളിയിക്കുന്ന സർട്ടിഫിക്കറ്റ്, എക്സ്പീരിയൻസ് സർട്ടിഫിക്കറ്റ്, ആധാർ കാർഡ് എന്നിവയുടെ അസ്സൽ, ബയോഡാറ്റ എന്നിവ സഹിതം ഹാജരാകേണ്ടതാണ്. 

ഫോൺ - 04842777489 

സപ്ലൈകോ എറണാകുളം ജില്ല ഓണം ഫെയറിന്റെ ഉദ്ഘാടനം ഓഗസ്റ്റ് 26 രാവിലെ 10. 30 ന് വ്യവസായ മന്ത്രി പി രാജീവ് കലൂർ ജവഹർലാൽ നെഹ്റു ഇൻറർനാഷണൽ സ്റ്റേഡിയം ഹെലിപാഡ് ഗ്രൗണ്ടിൽ നിർവഹിക്കും. ഉമ തോമസ് എംഎൽഎ അധ്യക്ഷ ആകുന്ന ചടങ്ങിൽ നഗരസഭ മേയർ അഡ്വ. എം അനിൽകുമാർ ആദ്യ വില്പന നടത്തും. ഹൈബി ഈഡൻ എംപി മുഖ്യപ്രഭാഷണം നിർവഹിക്കും.

കൊല്ലം താലൂക്ക് വ്യവസായ ഓഫീസിന്റെ ആഭിമുഖ്യത്തില്‍  ഓഗസ്റ്റ് 27 ന് രാവിലെ 10   മുതല്‍ ആശ്രാമം കെ.എസ്.എസ്.ഐ.എ ഹാളില്‍ താലൂക്ക്തല നിക്ഷേപക സംഗമം സംഘടിപ്പിക്കും.  വ്യവസായ, ചരക്ക് സേവന നികുതി, ബാങ്കിംഗ് മേഖലകളിലെ വിദഗ്ധര്‍ ക്ലാസ് എടുക്കും. കൊല്ലം താലൂക്ക് പരിധിയിലെ സംരംഭകര്‍ക്കും, സംരംഭകരാകാന്‍ താല്പര്യമുള്ളവര്‍ക്കും പങ്കെടുക്കാം. ഫോണ്‍: 9446701409, 8848149500.
 

തട്ടാമല സര്‍ക്കാര്‍ എച്ച് എസ്, കോയിക്കല്‍ സര്‍ക്കാര്‍ എച്ച്.എസ് സ്‌കൂളുകളിലേക്ക് വാട്ടര്‍ ടെസ്റ്റിംഗ് കെമിക്കല്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ഫോണ്‍ - 0474-2792957.
 

  ന്യൂനപക്ഷ വിഭാഗത്തില്‍പ്പെട്ട വിധവകള്‍ /വിവാഹ ബന്ധം വേര്‍പ്പെടുത്തിയ /ഉപേക്ഷിക്കപ്പെട്ട സ്ത്രീകള്‍ക്ക് ഇമ്പിച്ചിബാവ ഭവന പുനരുദ്ധാരണ പദ്ധതി   ധനസഹായത്തിന് അപേക്ഷിക്കാനുളള തീയതി സെപ്തംബര്‍ ഒന്ന് വരെ നീട്ടി. ഫോണ്‍: 0474 2793473.