1982 ലെ കേന്ദ്ര ചിട്ടി നിയമം സംസ്ഥാനത്ത്  നിലവിലുള്ളതിനാല്‍ ഈ നിയമമനുസരിച്ചുള്ള മുന്‍കൂര്‍ അനുമതി ലഭിച്ച ചിട്ടികള്‍ക്കു മാത്രമേ നിലവില്‍ നിയമ പ്രാബല്യമുള്ളൂ.

 മൈലാട്ടി 220 കെ.വി.സബ് സ്റ്റേഷനിലെ 110 കെ.വി.മൈലാട്ടി-കാഞ്ഞങ്ങാട് ഫീഡറില്‍ അടിയന്തിര അറ്റകുറ്റപ്പണികള്‍ നടക്കുന്നതിനാല്‍ നാളെ (21) രാവിലെ എട്ടു മുതല്‍ വൈകുന്നേരം അഞ്ചു വരെ 220 കെ.വി.സബ് സ്റ്റേഷന്‍ മൈലാട്ടി, 110 കെ.വി സബ് സ്റ്റേഷനുകളായ കാഞ്ഞങ്ങാട്, ചെറുവത്തൂര്‍ എന്നിവിടങ്ങളില്‍ നിന്നുമുളള 11 കെ.വി ഫീഡറുകളില്‍ വൈദ്യൂതി വിതരണം ഭാഗികമായി തടസ്സപ്പെടും.

കൊച്ചി: ശങ്കരകുറുപ്പിനോടൊപ്പം സൂര്യകാന്തിയും  എം ടിയോടൊപ്പം നിളയും , മുകുന്ദനോടൊപ്പം മയ്യഴിയും , മാധവിക്കുട്ടിയോടൊപ്പം നീർമാതളവും ഒരുമിച്ചു ചേർത്തുള്ള ചിത്ര പ്രദർശനം കുറുമശ്ശേരിയിലെ  വായനാ പക്ഷാചരണ  ഉദ്ഘാടന നഗരിയിൽ ഒരുക്കിയത് ആസ്വാദനത്തിന്‍റെ വ്യത്യസ്തതലം. ഇഷ്ടപ്പെട്ട കഥാകാരന്മാരോടൊപ്പം പ്രിയപ്പെട്ട കഥാപാത്രങ്ങളും എത്തിയപ്പോൾ ബേബി മാഷെന്ന റിട്ടയേർഡ് മലയാളം അധ്യാപകൻ വരയുടെ ലോകത്ത് വ്യത്യസ്ത നായി. ഇത്തരത്തിൽ 43 പ്രധാന കഥാകാരന്മാരെയും  അവരുടെ കഥാപാത്രങ്ങളെയും പരിചയപ്പെടാനുള്ള അവസരം യുവതലമുറക്ക് വായനാ ദിനത്തിൽ കൈവന്ന ഭാഗ്യവുമായി . 

വായനാ പക്ഷാചരണത്തിന് പ്രൗഢ ഗൗഭീര തുടക്കം
കൊച്ചി: യുവതലമുറയ്ക്ക്  അക്ഷരവെളിച്ചം പകർന്ന്, വായിച്ചു വളരുകയെന്ന സന്ദേശവുമായി വായനാപക്ഷാചരണത്തിന് ജില്ലയില്‍ തുടക്കം. ജില്ലാ ലൈബ്രറി കൗണ്‍സില്‍, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, വിദ്യാഭ്യാസ വകുപ്പ്, എന്‍.എസ്.എസ് തദ്ദേശ സ്വയംഭരണ വകുപ്പ് എന്നിവയുടെ ആഭിമുഖ്യത്തില്‍ സാംസ്കാരികജാഥയും സമ്മേളനവുമൊരുക്കി കുറുമശ്ശേരിയിലാണ് വായനാപക്ഷാചരണത്തിന്‍റെ ജില്ലാതല ഉദ്ഘാടനം നടന്നത്. 

മാലിന്യ സംസ്‌കരണത്തില്‍ പുതിയ വിപ്ലവം തീര്‍ക്കുകയാണു കൂളിയാട് ഗവ.ഹൈസ്‌കൂള്‍. കേരള പരിസ്ഥിതി കാലാവസ്ഥ വ്യതിയാന വകുപ്പിന്റെ സഹകരണത്തോടെ സ്‌കൂളില്‍ നടക്കുന്ന പ്രവര്‍ത്തനങ്ങള്‍ സംസ്ഥാനത്തുതന്നെ മാതൃകയാവുകയാണ്.  

Press bulletin 19.6.19
Nipah Control Room 5 
നിപ ബാധിച്ച യുവാവിന്റെ ചികിത്സ പുരോഗമിക്കുന്നു. യുവാവിന്റെ ആരോഗ്യ നില തൃപ്തികരമായി തുടരുന്നു.
രോഗിയുമായി സമ്പർക്കം ഉണ്ടായ 330 പേരുടെ പട്ടികയിൽ നിലവിൽ 256 പേരാണ് ഉള്ളത്. നിരീക്ഷണ കാലയളവ് അവസാനിച്ചതിനെ തുടർന്ന്   ഇന്ന് സമ്പർക്ക പട്ടികയിൽ നിന്ന് 13 പേരെക്കൂടി ഒഴിവാക്കി. ഇവരെല്ലാവരും എറണാകുളത്ത് നിന്ന് ഉള്ളവരാണ്. മറ്റുള്ളവരുടെ ആരോഗ്യനില നിരീക്ഷിച്ചു വരികയാണ്. 

കോഴിക്കോട് കലക്ടറേറ്റ് കോണ്‍ഫറന്‍സ്ഹാളില്‍ ജൂണ്‍ 20,21 തീയതികളില്‍ ലോകായുക്ത സിറ്റിംഗ് നടത്തും. 20 -ന്  ലോകായുക്ത ജസ്റ്റിസ് സിറിയക് ജോസഫും ഉപലോകായുക്ത ജസ്റ്റിസ് എ കെ ബഷീറും അടങ്ങുന്ന ഡിവിഷന്‍ ബെഞ്ച് സിറ്റിങ് ആണ് നടക്കുക. നേരത്തെ  21-ന് കേള്‍ക്കാനിരുന്ന ഡിവിഷന്‍ ബെഞ്ചിനു കീഴിലെ കേസുകളും 20-ന് പരിഗണിക്കും. 

ഉപലോകായുക്ത ജസ്റ്റിസ് എ കെ ബഷീറിന്റെ സിംഗിള്‍ ബഞ്ച് സിറ്റിങ്  ജൂണ്‍ 21-ന് നടത്തും. നേരത്തെ 20-ന്  കേള്‍ക്കാനിരുന്ന സിംഗിള്‍ ബഞ്ചിന്റെ പരിഗണനയിലുള്ള കേസുകളും ജൂണ്‍ 21-ലേക്ക് മാറ്റിയിട്ടുണ്ട്.

കൊച്ചി: പറവൂർ ബ്ലോക്ക് പഞ്ചായത്ത് സാക്ഷരതാ കേന്ദ്രങ്ങളുടെ ആഭിമുഖ്യത്തിൽ ജൂൺ 19 വായനാ ദിനാചരണം നടത്തി. വായനാ ദിനാചരണവും വായന മത്സരവും ബ്ലോക്ക് പഞ്ചായത്ത് പ്രസിഡന്റ് അഡ്വ. യേശുദാസ് പറപ്പള്ളി ഉദ്ഘാടനം ചെയ്തു. വൈസ് പ്രസിഡന്റ് രമാ ശിവശങ്കരൻ ചടങ്ങിന് അധ്യക്ഷത വഹിച്ചു.
 

പട്‌ള ഗവ.ഹയര്‍ സെക്കന്ററി സ്‌ക്കൂളില്‍ വായനാദിനചരണവും പഠനോപകരണ വിതരണവും നടത്തി. വായനയുടെയും സേവനത്തിന്റേയും മഹത്വം വിളംബരം ചെയ്യുന്നതായിരുന്നു പരിപാടി. ജില്ലാ ഇന്‍ഫര്‍മേഷന്‍ ഓഫീസര്‍ എം.മധുസൂദനന്‍ ഉദ്ഘാടനം ചെയ്തു.സ്‌കൂള്‍ വികസന സമിതി ചെയര്‍മാന്‍ സി.എച്ച് അബൂബക്കര്‍ അധ്യക്ഷത വഹിച്ചു. ഹെഡ്മാസ്റ്റര്‍  കെ പ്രശാന്ത് സുന്ദര്‍, റസാഖ് സഖാഫി കോട്ടക്കുന്ന്,  സ്റ്റാഫ് കൗണ്‍സില്‍ സെക്രട്ടറി യു.പ്രദീപ് കുമാര്‍, അധ്യാപകരായ എ.പവിത്രന്‍, രാമചന്ദ്രന്‍ വേട്ടറാഡി എന്നിവര്‍ സംസാരിച്ചു. തുടര്‍ന്ന് സന്നദ്ധ സംഘടന സ്‌കൂളിന് നല്‍കിയ പഠനോപകരണങ്ങളുടെ വിതരണം ജില്ലാ ഇന്‍ഫര്‍മേഷന്‍ ഓഫീസര്‍ എം.മധുസൂദനന്‍ നിര്‍വഹിച്ചു.