മീനടം ഗവണ്‍മെന്‍റ് ആയുര്‍വേദ ആശുപത്രി മുഖേന വയോജനങ്ങള്‍ക്കായി ഭാരതീയ ചികിത്സാ വകുപ്പ് നടപ്പാക്കുന്ന സൗജന്യ ചികിത്സാ പദ്ധതിയില്‍ രജിസ്ട്രേഷന്‍ ആരംഭിച്ചു. ബിപിഎല്‍ വിഭാഗത്തില്‍പ്പെട്ട  60 വയസ്സ് പൂര്‍ത്തിയായ വാര്‍ദ്ധക്യ സഹജമായ രോഗങ്ങളുളളവര്‍ക്ക്  രജിസ്റ്റര്‍ ചെയ്യാം. 

ഭാരതീയ ചികിത്സാ വകുപ്പില്‍ ഡാറ്റാ എന്‍ട്രി ഓപ്പറേറ്റര്‍, തെറാപ്പിസ്റ്റ്, അറ്റന്‍ഡര്‍ തസ്തികകളില്‍ താത്കാലിക നിയമനത്തിന് ജൂണ്‍ 24ന് രാവിലെ 11ന് ജില്ലാ മെഡിക്കല്‍ ഓഫീസില്‍ വാക്-ഇന്‍-ഇന്‍റര്‍വ്യൂ നടക്കും.  

ജില്ലയിലെ തദ്ദേശ സ്ഥാപന വാര്‍ഡുകളില്‍ ജൂണ്‍ 27ന് നടക്കുന്ന ഉപതിരഞ്ഞെടുപ്പില്‍ വോട്ട് രേഖപ്പെടുത്തുന്നവരുടെ ഇടതു കൈയിലെ നടുവിരലിലാണ് മഷി പുരട്ടേണ്ടതെന്ന് തിരഞ്ഞെടുപ്പ് കമ്മീഷന്‍ അറിയിച്ചു. 

കാലത്തിനൊത്ത് വളരുന്ന വായനയുടെ സാധ്യതകള്‍ പ്രയോജനപ്പെടുത്താന്‍ വിദ്യാര്‍ഥികള്‍ പരിശ്രമിക്കണമെന്ന് ജില്ലാ കളക്ടര്‍ പി.കെ. സുധീര്‍ ബാബു നിര്‍ദേശിച്ചു. തിരുവഞ്ചൂര്‍ ഗവണ്‍മെന്‍റ് ചില്‍ഡ്രണ്‍സ് ഹോമില്‍ വായനാ പക്ഷാചരണത്തിന്‍റെ ജില്ലാതല ഉദ്ഘാടനം നിര്‍വഹിക്കുകയായിരുന്നു അദ്ദേഹം.

* ഗവർണർ ഉദ്ഘാടനം ചെയ്യും; 'സെൽഫി' ഉദ്ഘാടനചിത്രം
കേരള സംസ്ഥാന ചലച്ചിത്ര അക്കാദമി ജൂൺ 21 മുതൽ 26 വരെ തിരുവനന്തപുരത്ത് സംഘടിപ്പിക്കുന്ന പന്ത്രണ്ടാമത് രാജ്യാന്തര ഡോക്യൂമെൻററി, ഹ്രസ്വചലച്ചിത്രമേള (ഐ.ഡി.എസ്.എഫ്.എഫ്.കെ) ഗവർണർ പി.സദാശിവം  ഉദ്ഘാടനം ചെയ്യും.  കൈരളി തിയേറ്ററിൽ ജൂൺ 21ന് വൈകിട്ട് ആറിനാണ് ഉദ്ഘാടനച്ചടങ്ങ്.
ഇത്തവണത്തെ ലൈഫ് ടൈം അച്ചീവ്‌മെൻറ് പുരസ്‌കാരം പ്രമുഖ ഡോക്യുമെൻററി സംവിധായിക മധുശ്രീ ദത്തയ്ക്ക് ജൂൺ 26ന് നടക്കുന്ന സമാപനച്ചടങ്ങിൽ മുഖ്യമന്ത്രി പിണറായി വിജയൻ സമ്മാനിക്കും. രണ്ടു ലക്ഷം രൂപയും ശിൽപ്പവും അടങ്ങുന്നതാണ് അവാർഡ്. 

ജൂൺ 22,29 തിയതികളിൽ നടക്കുന്ന കേരള ടീച്ചേഴ്‌സ് എലിജിബിലിറ്റി ടെസ്റ്റിന്റെ (കെ-ടെറ്റ്) ഹാൾടിക്കറ്റുകൾ ലഭ്യമാകാത്തവർക്ക് വിജ്ഞാപന പ്രകാരമുളള ഫോട്ടോ അപ്‌ലോഡ് ചെയ്ത് 20 വരെ പ്രിന്റ് ഔട്ട് എടുക്കാം.(ktet.kerala.gov.in)    
പി.എൻ.എക്സ്.1897/19

ഗ്രാമവികസന കമ്മീഷണറേറ്റിൽ പി.എം.എ.വൈ (ജി) സ്റ്റേറ്റ് പ്രോജക്ട് മാനേജ്‌മെന്റ് യൂണിറ്റിലേക്ക് ഐ.ടി പ്രൊഫഷണലിനെ ആവശ്യമുണ്ട്. ഐ.ടി/കംമ്പ്യൂട്ടർ സയൻസ് വിഷയങ്ങളിലെ ബിടെക്/എം.സി.എ യോഗ്യതയും, കേന്ദ്രാവിഷ്‌കൃത പദ്ധതികളുമായി ബന്ധപ്പെട്ട് ഇതേതരത്തിലുളള ജോലികൾ കൈകാര്യം ചെയ്ത് അഞ്ച് വർഷമെങ്കിലും പ്രവൃത്തി പരിചയമുളളവർക്കും അപേക്ഷിക്കാം. വിശദ വിവരങ്ങൾ www.rdd.kerala.gov.in  വെബ്‌സൈറ്റിൽ ലഭ്യമാണ്. അപേക്ഷകൾ ജൂൺ 26 അഞ്ചിനു മുമ്പ് തിരുവനന്തപുരം നന്തൻകോട് സ്വരാജ് ഭവനിലെ ഗ്രാമവികസന കമ്മീഷണറേറ്റിൽ ലഭ്യമാക്കണം.
പി.എൻ.എക്സ്.1896/19

ഭാഗ്യക്കുറി ടിക്കറ്റുകളിലെ സുരക്ഷാ സംവിധാനങ്ങളെക്കുറിച്ച് ജില്ലയിലെ ഭാഗ്യക്കുറി വിൽപ്പനക്കാർക്കും ഏജന്റുമാർക്കും പരിശീലനം നൽകുന്നതിനായി 21ന് പഴയ ജില്ലാ ഭാഗ്യക്കുറി ഓഫീസിലും (പുളിമൂട്) 22ന് ആറ്റിങ്ങൽ ഭാഗ്യക്കുറി സബ് ഓഫീസിലും 26ന് നെയ്യാറ്റിൻകര ഭാഗ്യക്കുറി സബ് ഓഫീസിലും വൈകുന്നേരം മൂന്ന് മണിക്ക് പരിശീലന പരിപാടികൾ സംഘടിപ്പിക്കും. എല്ലാ ഭാഗ്യക്കുറി ഏജന്റുമാരും വിൽപ്പനക്കാരും പരിശീലന പരിപാടിയിൽ പങ്കെടുക്കണമെന്ന് ജില്ലാ ഭാഗ്യക്കുറി ക്ഷേമനിധി ഓഫീസർ അറിയിച്ചു. വിശദവിവരങ്ങൾക്ക് 0471-2325582.
പി.എൻ.എക്സ്.1895/19