ഗുണമേന്മയുള്ളതും കമ്പോള വിലയേക്കാള്‍ കുറഞ്ഞ നിരക്കിലും മൂന്നു വര്‍ഷം ഗാരന്റിയുള്ള എല്‍.ഇ.ഡി ബള്‍ബുകള്‍ കെ.എസ്.ഇ.ബി യിലൂടെ വിതരണം ചെയ്യുന്നു.  തൊട്ടടുത്തുള്ള കെ.എസ്.ഇ.ബി ഓഫീസുമായോ റീഡിംഗ് എടുക്കാന്‍ വരുന്ന മീറ്റര്‍ റീഡര്‍ മുഖാന്തിരമോ അല്ലെങ്കില്‍ കെ.എസ്.ഇ.ബി വെബ് സൈറ്റിലൂടെയോ (www.kseb.in) രജിസ്റ്റര്‍ ചെയ്യാം. രജിസ്‌ട്രേഷന്‍ ജൂണ്‍ 30 വരെ മാത്രം.

വായന പക്ഷാചരണത്തിന്റെ ഭാഗമായി ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ ജില്ലാതല വായന പക്ഷാചരണ സംഘാടക സമിതിയുമായി ചേര്‍ന്ന് കാവ്യോത്സവം-കവിതാലാപന മത്സരം സംഘടിപ്പിക്കുന്നു. വയലാര്‍-പി ഭാസ്‌ക്കരന്‍- ഒ എന്‍ വി എന്നീ വിഖ്യാത കവികളുടെ കവിതകള്‍ അവതരിപ്പിക്കാം. സര്‍ക്കാര്‍ ജീവനക്കാര്‍,  കോളേജ് വിദ്യാര്‍ത്ഥികള്‍, എന്നിവര്‍ക്കായി ഈ മാസം 26 ന് ഉച്ചയ്ക്ക് 1.30 ന് കാസര്‍കോട് കളക്ടറേറ്റ് കോണ്‍ഫറന്‍സ് ഹാളിലാണ് മത്സരം.

അങ്കമാലി: മൂക്കന്നൂര്‍ വിജ്ഞാനമിത്ര സംവാദവേദിയുടെ നേതൃത്വത്തില്‍  വായനാദിനാഘോഷവും സെമിനാറും സംഘടിപ്പിക്കുന്നു. നാളെ (21-6-19 വെള്ളിയാഴ്ച) വൈകീട്ട് 6 ന് മര്‍ച്ചന്റ്‌സ് അസ്സോസിയേഷന്‍ ഹാളില്‍ നടക്കുന്ന വായനാദിനാഘോഷം  ഗ്രാമപഞ്ചായത്ത് പ്രസിഡന്റ് ജയരാധാകൃഷ്ണന്‍ ഉദ്ഘാടനം ചെയ്യും. വി. പത്മനാഭന്‍ മാസ്റ്റര്‍ അദ്ധ്യക്ഷത വഹിക്കും. റിട്ട. ട്രഷറി ഓഫീസര്‍ എം. പി. സഹദേവന്‍ പി. എന്‍. പണിക്കര്‍ അനുസ്മരണ പ്രഭാഷണം നടത്തും. മഹാകവി കുമാരനാശന്റെ കാവ്യലോകം എന്ന വിഷയത്തെക്കുറിച്ച് എം. ജി. സര്‍വ്വകലാശാല മലയാള ബിരുദ പരീക്ഷയില്‍ രണ്ടാം റാങ്ക് കരസ്ഥമാക്കിയ അബീന  പ്രകാശ് പ്രബന്ധം അവതരിപ്പിക്കും.