ജൈവ വൈവിധ്യ സംരക്ഷണത്തിനു വേണ്ടി ഹരിത കേരളം മിഷന്‍ തദ്ദേശ സ്വയംഭരണ സ്ഥാപനങ്ങളുമായി ചേര്‍ന്ന് നടപ്പാക്കുന്ന പച്ചത്തുരുത്ത് പദ്ധതിക്ക് ജില്ലയില്‍ ഇന്ന് (ജൂണ്‍ 15) തുടക്കമാക്കും. കാഞ്ഞിരപ്പള്ളി അല്‍ഫീന്‍ പബ്ലിക് സ്കൂളില്‍ ഉച്ചയ്ക്ക് 1.45ന് ഹരിത കേരളം മിഷന്‍ എക്സിക്യൂട്ടീവ് വൈസ് ചെയര്‍പേഴ്സണ്‍ ഡോ. ടി. എന്‍ സീമ പദ്ധതി ഉദ്ഘാടനം ചെയ്യും. 

രക്തദാന ക്യാമ്പുകളും ബോധവത്കരണവും പ്രദര്‍ശനവും ഉള്‍പ്പെടെ വിപുലമായ പരിപാടികളോടെ കോട്ടയം ജില്ലയില്‍ ലോക രക്തദാന ദിനം ആചരിച്ചു.  ആരോഗ്യ വകുപ്പ്, ആരോഗ്യ കേരളം, പാലാ ബ്ലഡ് ഫോറം, ബ്ലഡ് ഡോണേഴ്സ് കേരള എന്നിവയുടെ ആഭിമുഖ്യത്തിലായിരുന്നു പരിപാടികള്‍.  

ആലപ്പുഴ: ആരോഗ്യവകുപ്പിന്റെ കീഴിൽ പ്രവർത്തിക്കുന്ന ജില്ല മാനസികാരോഗ്യ പദ്ധതിയിലേക്ക് ക്ലിനിക്കൽ സൈക്കോളജിസ്റ്റിനെയും ചെങ്ങന്നൂർ പ്രവർത്തിക്കുന്ന ഡീ അഡിക്ഷൻ സെന്ററായ വിമുക്തിയിലേക്കും മെഡിക്കൽ ഓഫീസർ എന്നിവരെ ഒരു വർഷത്തേയ്ക്ക് താൽക്കാലികമായി നിയമിക്കുന്നു. കരാർ അടിസ്ഥാനത്തിലാണ് നിയമനം. ഒരൊഴിവ്. ജൂൺ 19ന് രാവിലെ 11 മുതൽ ഉച്ചയ്ക്ക് ഒന്നുവരെയാണ് വാക്ക്-ഇൻ- ഇന്റർവ്യൂ. മെഡിക്കൽ ഓഫീസർക്ക്  എം.ബി.ബി.എസും സൈക്യാട്രിയിൽ പി.ജി അഭികാമ്യം. ക്ലിനിക്കൽ സൈക്കോളജിസ്റ്റിന് എം.ഫിൽ/ ക്ലിനിക്കൽ സൈക്കോളജിയിൽ പി.ജി ഡിപ്ലോമയും ആർസി.ഐ രജിസ്‌ട്രേഷനും.

ആലപ്പുഴ: ജലകൃഷി വികസന ഏജൻസി (അഡാക്ക്) ആയിരംതെങ്ങ് വഴി നടപ്പാക്കുന്ന പൊക്കാളി സംയോജിത മത്സ്യ-നെൽകൃഷി പദ്ധതിയിലേക്ക് ഗുണഭോക്താക്കളെ തിരഞ്ഞെടുക്കുന്നു. കർഷകർ, കർഷക തൊഴിലാളികൾ, മത്സ്യത്തൊഴിലാളികൾ എന്നിവരടങ്ങിയ അഞ്ചു പേരിൽ കുറയാത്ത അംഗങ്ങളുള്ള ഗ്രൂപ്പുകൾക്കോ സ്വയംസഹായ സംഘങ്ങൾക്കോ ആക്ടിവിറ്റി ഗ്രൂപ്പുകൾക്കോ അപേക്ഷിക്കാം. തിരഞ്ഞെടുക്കപ്പെടുന്ന ഓരോ ഗ്രൂപ്പും അഞ്ചു ഹെക്ടറിൽ കുറയാത്ത കൃഷിസ്ഥലം സ്വന്തമായോ പാട്ടവ്യവസ്ഥയിലോ കണ്ടെത്തണം. പാട്ടവ്യവസ്ഥയിൽ അഞ്ചു വർഷമെങ്കിലും സ്ഥലത്ത് കൃഷി ചെയ്യുന്നതിനുള്ള അവകാശം ഗ്രൂപ്പുകൾക്ക് ഉണ്ടായിരിക്കണം.

ആലപ്പുഴ:  ആറ്റുമണൽ കടത്തിയതിനെ തുടർന്ന് മണ്ണഞ്ചേരി പൊലീസ് സ്റ്റേഷനിൽ കെ.എൽ 04-ഇസഡ് 8765 നമ്പർ വാഹനം ജൂൺ 29ന് രാവിലെ 11ന് മണ്ണഞ്ചേരി വില്ലേജ് ഓഫീസിൽ പരസ്യമായി ലേലം ചെയ്യും.
ആലപ്പുഴ: ആറ്റുമണൽ കടത്തിയതിനെ തുടർന്ന് മണ്ണഞ്ചേരി പൊലീസ് സ്റ്റേഷനിൽ കെ.എൽ 04-വൈ-8966 നമ്പർ വാഹനം ജൂൺ 29ന് രാവിലെ 11.30ന്  മണ്ണഞ്ചേരി വില്ലേജ് ഓഫീസിൽ പരസ്യമായി ലേലം ചെയ്യും. 
 

ആലപ്പുഴ:ഭാരതീയ ചികിത്സ വകുപ്പിലേക്ക്  ജില്ലയിൽ 2019-20 വാർഷിക പദ്ധതിയിൽ നടപ്പിലാക്കുന്ന വിവിധ പ്രോജക്ടുകളിലേക്ക് ദിവസ വേതനാടിസ്ഥാനത്തിൽ താൽക്കാലികമായി നിയമിക്കുന്നതിന് മെഡിക്കൽ ഓഫീസർ(മാനസികം), ആയുർവേദ തെറാപ്പിസ്റ്റ്, കെയർ ടേക്കർ  എന്നീ ഉദ്യോഗാർഥികളെ കൂടിക്കാഴ്ചയ്ക്ക് ക്ഷണിച്ചു.  വിദ്യാഭ്യാസ യോഗ്യത: മെഡിക്കൽ ഓഫീസർ-ബി.എ.എം.എസ്.ബിരുദം, മാനസികയിൽ എം.ഡി. റ്റി.സി.എം.സി. രജിസ്‌ട്രേഷനും ഉണ്ടായിരിക്കണം. ആയുർവേദ തെറാപ്പിസ്റ്റ് തസ്തികയിലേക്ക് എസ.്എസ്.എൽ.സി, ആയുർവേദ മെഡിക്കൽ വിദ്യാഭ്യാസ ഡയറക്ടർ നടത്തുന്ന ഒരു വർഷത്തെ തെറാപ്പിസ്റ്റ് കോഴ്സ് സർട്ടിഫിക്കറ്റും  പ്രവൃത്തിപരിചയവും.

ആലപ്പുഴ:  സർക്കാരിന്റെ വായന ദിനാഘോഷവും വായനപക്ഷാചരണവും ജൂൺ 19 മുതൽ ജൂലൈ ഏഴുവരെ ജില്ലയിൽ നടക്കും. ജില്ലാതല വായനപക്ഷാചരണത്തിന്റെ ഉദ്ഘാടനം 19ന് രാവിലെ 10ന് കലവൂർ ഗവ. ഹൈസ്‌കൂളിൽ നടത്താൻ കളക്ടറേറ്റിൽ കൂടിയ ജില്ലാതല സംഘാടക സമിതി യോഗം തീരുമാനിച്ചു. എല്ല മേഖലയിലുള്ളവരെയും വായനയുടെ ലോകത്തേക്ക് ആകർഷിക്കുന്ന വിധം വകുപ്പുകൾ ഏകോപനത്തോടെ പ്രവർത്തിക്കണമെന്ന് സംഘാടക സമിതിയോഗം ഉദ്ഘാടനം ചെയ്ത എ.ഡി.എം .ഇൻ ചാർജ് അതുൽ എസ്. നാഥ് പറഞ്ഞു. ചുനക്കര ജനാർദ്ദനൻ നായർ  ചടങ്ങിൽ അധ്യക്ഷത വഹിച്ചു. ആലപ്പുഴ നേരിട്ട പ്രളയത്തിന്റെ പശ്ചാത്തലത്തിൽ ഒ.എൻ.വി.

ആലപ്പുഴ: ഹരിപ്പാട് റവന്യൂ ടവറും പൊലീസ് പാർപ്പിട സമുച്ചയത്തിന്റെ താക്കോൽദാനവും ജൂൺ 21ന്   വെള്ളിയാഴ്ച പകൽ മൂന്നിന് റവന്യൂ ടവർ അങ്കണത്തിൽ മുഖ്യമന്ത്രി പിണറായി വിജയൻ നിർവഹിക്കും. ഇതോടെ താലൂക്കിന്റെ വിവിധ പ്രദേശങ്ങളിൽ വാടക കെട്ടിടങ്ങളിൽ പ്രവർത്തിക്കുന്ന 23 സർക്കാർ സ്ഥാപനങ്ങൾ ഒരൊറ്റ കൂടക്കീഴിലേക്ക് മാറും. പ്രതിപക്ഷ നേതാവ്  രമേശ് ചെന്നിത്തല ചടങ്ങിൽ അധ്യക്ഷത വഹിക്കും. പുതുതായി നിർമ്മിച്ച താലൂക്ക് ഓഫീസ് കെട്ടിടത്തിന്റെ പ്രവർത്തന ഉദ്ഘാടനം റവന്യൂമന്ത്രി ഇ. ചന്ദ്രശേഖരനും തിരഞ്ഞെടുപ്പ് വിഭാഗം കെട്ടിടത്തിന്റെ ഉദ്ഘാടനം പൊതുമരാമത്ത് മന്ത്രി ജി. സുധാകരനും നിർവഹിക്കും.