സംസ്ഥാന സർക്കാർ സ്ഥാപനമായ ഐ.എച്ച്.ആർ.ഡിയുടെ കീഴിലുള്ള ധനുവച്ചപുരം കോളേജ് ഓഫ് അപ്ലൈഡ് സയൻസിൽ ഒന്നാം സെമസ്റ്റർ എം.എസ്‌സി കമ്പ്യൂട്ടർ സയൻസ്, ഇലക്‌ട്രോണിക്‌സ് ക്ലാസുകളിൽ പ്രവേശനത്തിന് അപേക്ഷിക്കാം.  അപേക്ഷാഫോം കോളേജ് ഓഫീസിൽ ലഭിക്കും.  അപേക്ഷാഫോമും പ്രോസ്‌പെക്ടസും www.ihrd.ac.in ൽ നിന്ന് ഡൗൺലോഡ് ചെയ്യാം.  അപേക്ഷാഫീസ് 500 രൂപ.  ഫോൺ: 0471-2234374, 8547005065.

പി.എൻ.എക്സ്.1805/19

'ലിറ്റിൽ കൈറ്റ്‌സ്' ഐടി ക്ലബ്ബുകളിൽ അടുത്ത വർഷത്തേക്കുള്ള അംഗത്വം ലഭിക്കുന്നതിന് തിരഞ്ഞെടുത്തിട്ടുള്ള 2060 ഹൈസ്‌കൂളുകളിലെ എട്ടാം ക്ലാസിൽ പഠിക്കുന്ന കൂട്ടികൾക്ക് അതത് സ്‌കൂളുകളിൽ ജൂൺ 24 വരെ അപേക്ഷ സമർപ്പിക്കാം. ഹാർഡ്‌വെയർ, അനിമേഷൻ, ഇലക്ട്രോണിക്‌സ്, മലയാളം കംപ്യൂട്ടിങ്, സൈബർ സുരക്ഷാ മേഖലകൾക്കുപുറമെ മൊബൈൽ ആപ്പ് നിർമാണം, പ്രോഗ്രാമിങ്, റോബോട്ടിക്‌സ്, ഇ കൊമേഴ്‌സ്, ഇ ഗവേണൻസ്, വീഡിയോ ഡോക്യുമെന്റേഷൻ, വെബ് ടിവി തുടങ്ങിയ നിരവധി മേഖലകൾ അടങ്ങുന്നതാണ് ലിറ്റിൽ കെറ്റ്‌സ് ക്ലബ്ബുകളുടെ പ്രവർത്തനം.

ഇന്ത്യൻ നഴ്‌സിംഗ് കൗൺസിൽ സംസ്ഥാനത്തെ മുഴുവൻ നഴ്‌സുമാർക്കും വേണ്ടി വിതരണം ചെയ്യുവാനുദ്ദേശിക്കുന്ന ഏകീകൃത തിരിച്ചറിയൽ കാർഡിനുള്ള (എൻ.യു.ഐ.ഡി) വിവരശേഖരണം നടത്തിയ അവസരത്തിൽ പങ്കെടുക്കാത്തവർ www.nursingcouncil.kerala.gov.in സന്ദർശിച്ച് അതിൽ പറയുന്ന ഏതെങ്കിലും ഒരു കേന്ദ്രത്തിൽ നേരിട്ട് വിവരങ്ങൾ നൽകണമെന്ന് രജിസ്ട്രാർ അറിയിച്ചു.

പി.എൻ.എക്സ്.1803/19

തൃശൂർ സീതാറാം ടെക്‌സ്റ്റൈൽ ലിമിറ്റഡ് ചെയർമാനായി പി. മുഹമ്മദ് യൂസഫിനെ നിയമിച്ച് ഉത്തരവായി.
പി.എൻ.എക്സ്.1802/19

വിജയതിലകം ജൂണ്‍ 15 ന്; 
മന്ത്രി എ സി മൊയ്തീന്‍ ഉദ്ഘാടനം ചെയ്യും
എസ്എസ്എല്‍സി, പ്ലസ്ടു പരീക്ഷകളില്‍ മികച്ച വിജയം നേടിയ കണ്ണൂര്‍ മണ്ഡലത്തിലെ വിദ്യാര്‍ഥികളെയും സ്‌കൂളുകളെയും അനുമോദിക്കുന്നതിന് മണ്ഡലം വികസനസമിതി സംഘടിപ്പിക്കുന്ന വിജയ തിലകം പരിപാടി ജൂണ്‍ 15 ന് നടക്കും. റബ്‌കോ ഓഡിറ്റോറിയത്തില്‍ രാവിലെ ഒമ്പത് മണിക്ക് തദ്ദേശ സ്വയംഭരണ വകുപ്പ് മന്ത്രി എ സി മൊയ്തീന്‍ ഉദ്ഘാടനം ചെയ്യും. തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ചടങ്ങില്‍ അധ്യക്ഷത വഹിക്കും.
തുടര്‍ച്ചയായ മൂന്നാം തവണയാണ് പരിപാടി സംഘടിപ്പിക്കുന്നത്.
പി എന്‍ സി/1975/2019 

വായനാപക്ഷാചരണം സംഘാടക സമിതിയായി. സംസ്ഥാന സര്‍ക്കാര്‍, ലൈബ്രറി കൗണ്‍സില്‍, പിഎന്‍ പണിക്കര്‍ ഫൗണ്ടേഷന്‍ എന്നിവ വിവിധ വകുപ്പുകളുടെ സഹകരണത്തോടെയാണ് വായനാ പക്ഷാചരണം നടത്തുന്നത്.

ലോക രക്തദാത ദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ വി സുമേഷ് നിര്‍വ്വഹിച്ചു. രക്തദാനത്തിനെതിരെ നേരത്തെ നിരവധി അന്ധവിശ്വാസങ്ങള്‍ സമൂഹത്തില്‍ നിലനിന്നിരുന്നതായും എന്നാല്‍ അപരിഷ്‌കൃതമായ ഇത്തരം ചിന്തകള്‍ക്ക്  ഇന്ന്് മാറ്റം വന്നുവെന്നും അദ്ദേഹം പറഞ്ഞു. രക്തദാനത്തിന്റെ പ്രാധാന്യം മനസിലാക്കി എല്ലാവരും രക്തദാനത്തിനായി മുന്നോട്ടുവരുന്നുണ്ടെന്നും ഈ മാറ്റം ഏറെ പ്രശംസാര്‍ഹമാണെന്നും അദ്ദേഹം അഭിപ്രായപ്പെട്ടു. ജില്ലാ ആശുപത്രി രക്തബാങ്കിന്റെ നേതൃത്വത്തില്‍ നടത്തിയ ക്യാമ്പില്‍ പ്രസിഡന്റും രക്തദാനം ചെയ്ത് മാതൃകയായി. 

ടെന്‍ഡര്‍ ക്ഷണിച്ചു

കൊച്ചി: വനിതാ ശിശു വികസന വകുപ്പിന്റെ  കീഴില്‍ പ്രവര്‍ത്തിക്കുന്ന കോതമംഗലം അഡീഷണല്‍ ഐ.സി.ഡി.എസ് പ്രോജക്ടിലേക്ക് 2020 മാര്‍ച്ച് 31 വരെ ജീപ്പ്/കാര്‍ വാടകയ്ക്ക് നല്‍കുന്നതിന് തയാറുളള വ്യക്തികള്‍/സ്ഥാപനങ്ങള്‍ നിന്നും മുദ്രവച്ച ടെന്‍ഡറുകള്‍ ക്ഷണിച്ചു. ടെന്‍ഡറുകള്‍ ജൂണ്‍ 27-ന് ഉച്ചയ്ക്ക് രണ്ടുവരെ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍ 0485-2859161.

വിവിധ സൗജന്യ തൊഴിലധിഷ്ഠിത കോഴ്‌സുകളിലേക്ക് 
അപേക്ഷകള്‍ ക്ഷണിക്കുന്നു

പന്തളം എന്‍എസ്എസ് പോളിടെക്‌നിക് കോളജില്‍ ഇലക്‌ട്രോണിക്‌സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിംഗ് വിഭാഗത്തില്‍ ലക്ചറര്‍, ഡെമോണ്‍സ്‌ട്രേറ്റര്‍ തസ്തികയിലേക്കും കംപ്യൂട്ടര്‍ എന്‍ജിനീയറിംഗ് വിഭാഗത്തില്‍ ലക്ചറര്‍ തസ്തികയിലേക്കും അപേക്ഷിക്കാം. ദിവസ വേതനാടിസ്ഥാനത്തിലാണ് നിയമനം. ലക്ചറര്‍ തസ്തികയിലേക്ക് ബി.ടെക് ഫസ്റ്റ് ക്ലാസ്/തത്തുല്യ യോഗ്യതയും ഡെമോണ്‍സ്‌ട്രേറ്റര്‍ തസ്തികയിലേക്ക് ഡിപ്ലോമയുമാണ് യോഗ്യത. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകളും ബയോഡേറ്റവും സഹിതം 17ന് രാവിലെ 10.30ന് ഓഫീസില്‍ നേരിട്ട് ഹാജരാകണം. ഫോണ്‍: 04734 259634. 

        (പിഎന്‍പി 1412/19)