വിവിധ തൊഴിലധിഷ്ഠിത കോഴ്‌സുകള്‍ സംബന്ധിച്ച് 17ന് മല്ലപ്പള്ളി കെല്‍ട്രോണ്‍ നോളജ് സെന്ററില്‍ സെമിനാര്‍ നടത്തും. സെമിനാറില്‍ ലോജിസ്റ്റിക്‌സ്  ആന്‍ഡ് സപ്ലൈ ചെയിന്‍ മാനേജ്‌മെന്റ്, ഫയര്‍ ആന്‍ഡ് സേഫ്റ്റി, പ്രീ സ്‌ക്കൂള്‍ ടീച്ചര്‍ ട്രെയിനിംഗ് എന്നിവയുടെ തൊഴില്‍ സാധ്യതകളും പഠനരീതികളും പരിചയപ്പെടുത്തും. ഫോണ്‍:  0469 2785525, 8078140525.        (പിഎന്‍പി 1405/19)

രസീതു വേണ്ട, ക്യു നില്‍ക്കേണ്ട, നിശ്ചിത ഫീസ് മതി. ജീവിതശൈലി രോഗനിര്‍ണയം ഇനി വീട്ടില്‍ തന്നെ. കേള്‍ക്കുമ്പോള്‍ അതിശയം തോന്നുമെങ്കിലും കുടുംബശ്രീ സാന്ത്വനം വോളണ്ടിയര്‍മാരിലൂടെ ഇത് യാഥാര്‍ഥ്യമാകുകയാണ്. കുടുംബശ്രീയുടെ നേതൃത്വത്തില്‍ പ്രവര്‍ത്തിക്കുന്ന സാന്ത്വനം വോളണ്ടിയര്‍മാരാണ് ഒരു ഫോണ്‍കോളില്‍ വീട്ടിലെത്തുന്നത്. പ്രഷര്‍, ഷുഗര്‍, കൊളസ്ട്രോള്‍, ബിഎംഎവൈ, ഹീമോഗ്ലോബിന്‍ തുടങ്ങിയ ജീവിതശൈലി രോഗനിര്‍ണയമാണ് ഇവര്‍ വീട്ടിലെത്തി ചെയ്തു നല്‍കുക. പ്രായമായവര്‍ക്കും, രോഗികള്‍ക്കും ഇത് പ്രയോജനപ്രദമാണ്. 

ഭാരതീയ ചികിത്സാ വകുപ്പിന്റെ ആഭിമുഖ്യത്തില്‍ ജില്ലയിലെ എട്ട് ബ്ലോക്കുകളിലും ഇന്ന് രാവിലെ 10 മുതല്‍ മെഡിക്കല്‍ ക്യാമ്പും ബോധവത്ക്കരണ ക്ലാസും നടത്തും. ക്യാമ്പുകളില്‍ വിദഗ്ദ്ധ ഡോക്ടര്‍മാരുടെ സേവനവും സൗജന്യ ഔഷധ വിതരണവും ഉണ്ടാകും. 

കേരള കള്ളുവ്യവസായ തൊഴിലാളി ക്ഷേമനിധി ബോര്‍ഡില്‍ നടപ്പാക്കിയ ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി 2019 ആഗസ്റ്റ് 22 വരെ ദീര്‍ഘിപ്പിച്ചു. ഇതിന്‍ പ്രകാരം ഒന്നില്‍ കൂടുതല്‍ ലൈസന്‍സികള്‍ ഉള്ളതും മരണപ്പെട്ടതുമായ കുടിശിക കേസുകള്‍ക്ക് പലിശയിനത്തില്‍ നിലവില്‍ അടയ്ക്കാനുള്ള തുകയുടെ 10 ശതമാനം ഒടുക്കി മുഴുവന്‍ തുകയും ഒറ്റത്തവണയായി അടച്ചുതീര്‍ക്കാമെന്ന് വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു.          (പിഎന്‍പി 1402/19)

കെല്‍ട്രോണ്‍ അടൂര്‍ നോളജ് സെന്ററില്‍ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, വേഡ് പ്രോസസിംഗ് ആന്‍ഡ് ഡാറ്റാ എന്‍ട്രി, ഡിപ്ലോമ ഇന്‍ കംപ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ് വിത്ത് ലാപ്‌ടോപ് ടെക്‌നോളജീസ് എന്നീ കോഴ്‌സുകളിലേക്ക് അപേക്ഷ ക്ഷണിച്ചു. ഫീസിളവ് ഉണ്ടായിരിക്കും. അപേക്ഷ സ്വീകരിക്കുന്ന അവസാന തീയതി ഈ മാസം 20. ഫോണ്‍: 9526229998, 04734 229998.         (പിഎന്‍പി 1401/19)

വടശേരിക്കര മോഡല്‍ റസിഡന്‍ഷ്യല്‍ സ്‌കൂളിലെ കുട്ടികളുടെ യൂണിഫോമും മറ്റും അലക്കി വൃത്തിയാക്കി കൊടുക്കുന്നതിന് സ്ഥാപനങ്ങള്‍ക്കും വ്യക്തികള്‍ക്കും ക്വട്ടേഷന്‍ നല്‍കാം. ക്വട്ടേഷന്‍ ഈ മാസം 20 വരെ സ്വീകരിക്കും.                    (പിഎന്‍പി 1400/19)

വൈദ്യുത അപകടങ്ങള്‍ ഒഴിവാക്കുന്നതിന് ജാഗ്രതാ മുന്നറിയിപ്പുമായി കെഎസ്ഇബി അധികൃതര്‍. ഇടിയും മിന്നലും മാത്രമല്ല, അശ്രദ്ധ, അറിവില്ലായ്മ എന്നിവ മൂലമാണ് കൂടുതല്‍ അപകടങ്ങളും ഉണ്ടാകുന്നത്. ജീവന്‍ അപകടത്തിലാകാതിരിക്കാന്‍ നിര്‍ദേശങ്ങള്‍ പാലിക്കുക.