വസ്ത്രവാണിജ്യ സ്ഥാപനങ്ങളിൽ തൊഴിലാളികൾക്ക് ഇരിപ്പിട സൗകര്യം ലഭ്യമാക്കണമെന്ന തൊഴിൽ വകുപ്പ് മന്ത്രിയുടെ ഉത്തരവ് നടപ്പിലാക്കുന്നത് പരിശോധിക്കുന്നതിനായി പരിശോധന നടത്തി. ലേബർ കമ്മീഷണറുടെ നിർദ്ദേശാനുസരണം ജില്ലാ ലേബർ ഓഫീസ (എൻഫോഴ്‌സ്‌മെന്റ്) റുടെ നേതൃത്വത്തിൽ വസ്ത്ര വിൽപ്പനശാലകളിലും ജ്യൂവല്ലറികളിലുമായിരുന്നു പരിശോധന. ജീവനക്കാർക്ക് ഇരിപ്പിട സൗകര്യം നൽകാത്ത തൊഴിലുടമകൾക്ക് കർശന നിർദ്ദേശവും അപാകതകൾ പരിഹരിക്കുന്നതിന് ഉത്തരവും നൽകി. കണ്ടെത്തിയ അപാകതകൾ പരിഹരിക്കാത്ത പക്ഷം തൊഴിലുടമകൾക്കെതിരെ പ്രോസിക്യൂഷൻ ഉൾപ്പെടെയുളള നടപടികൾ സ്വീകരിക്കുമെന്ന് ജില്ലാ ലേബർ ഓഫീസർ (എൻഫോഴ്‌സ്‌മെന്റ്) അറിയിച്ചു.

കൊടുങ്ങല്ലൂർ കോട്ടപ്പുറം ചന്തയിൽ നഗരസഭ നിർമ്മിച്ച കായച്ചന്ത ജനങ്ങൾക്ക് തുറന്നു കൊടുത്തു. ഒരു ദശാബ്ദത്തിലേറെയുള്ള ജനങ്ങളുടെ ആവശ്യമാണ് ഇതിലൂടെ യാഥാർത്ഥ്യമായത്. ചന്തയുടെ കിഴക്കുഭാഗത്ത് ഇറച്ചി, ഉണക്കമീൻ കച്ചവടങ്ങൾ നടന്നിരുന്ന ഭാഗത്താണ് ചന്ത നിർമ്മിച്ചിട്ടുള്ളത്. മേത്തല പഞ്ചായത്ത് ഉണ്ടായിരുന്ന കാലത്ത് വാങ്ങിയ 25 സെന്റ് സ്ഥലവും ഇവിടെ ഉണ്ടായിരുന്ന 30 സെന്റ് സ്ഥലവും ചേർത്ത് 60 സെന്റ് സ്ഥലത്താണ് കായച്ചന്ത. ചന്തയ്ക്ക് ചുറ്റും സംരക്ഷണഭിത്തികൾ കെട്ടി വലിയ വാഹനങ്ങൾക്ക് വരാവുന്ന വിധത്തിൽ മെറ്റലും കരിങ്കൽ പൊടിയും അടിച്ച് ഉറപ്പിച്ചിട്ടുണ്ട്.

കേരള കളള് വ്യവസായ തൊഴിലാളി ക്ഷേമനിധി ബോർഡിൽ ക്ഷേമനിധി കുടിശ്ശിക ഒടുക്കുന്നതിനുളള ഒറ്റത്തവണ തീർപ്പാക്കൽ പദ്ധതിയുടെ കാലാവധി 2019 ഫെബ്രുവരി 23 മുതൽ ആഗസ്റ്റ് 22 വരെ ആറു മാസത്തേക്ക് കൂടി ദീർഘിപ്പിച്ചു കൊണ്ട് കേരള സർക്കാർ ഉത്തരവായി. എല്ലാ തൊഴിലുടമകളും നിശ്ചിത സമയപരിധിക്കുളളിൽ ജില്ലാ ഓഫീസിൽ അപേക്ഷ സമർപ്പിച്ച് കുടിശ്ശിക ഒടുക്കി അവസരം പരമാവധി പ്രയോജനപ്പെടുത്തണമെന്ന് വെൽഫെയർ ഫണ്ട് ഇൻസ്‌പെക്ടർ അറിയിച്ചു. ഫോൺ : 0487-2364900.

സാമൂഹ്യനീതി വകുപ്പിന്റെ കീഴിലുളള കൊടകര അഡീഷണൽ ഐസിഡിഎസ് പ്രോജക്ടിൽ 2019-20 സാമ്പത്തിക വർഷം ഓഫീസ് ആവശ്യത്തിന് കരാർ വ്യവസ്ഥയിൽ വാഹനം ഓടിക്കുന്നതിന് ദർഘാസ് ക്ഷണിച്ചു. ദർഘാസ് സ്വീകരിക്കുന്ന അവസാന തീയതി ജൂൺ 18 ഉച്ച 2. കൂടുതൽ വിവരങ്ങൾക്ക് ഫോൺ : 0480-2727990.
 

ജില്ലയിൽ സർക്കാർ, എയ്ഡഡ് സ്‌കൂളിലെ കുട്ടികൾക്ക് 2,85, 616 ലക്ഷം മീറ്റർ സൗജന്യ കൈത്തറി യൂണിഫോം തുണി വിതരണം ചെയ്തതായി ജില്ലാ വ്യവസായ കേന്ദ്രം അറിയിച്ചു. 526 സ്‌കൂളുകളിലെ കുട്ടികൾക്കാണ് സൗജന്യമായി യൂണിഫോം തുണി വിതരണം ചെയ്തത്. ഗവ. സ്‌കൂളുകളിൽ ഒന്നു മുതൽ ഏഴുവരെ ക്ലാസുകളിലുള്ളവർക്കും എയ്ഡഡ് സ്‌കൂളുകളിൽ ഒന്നു മുതൽ നാലുവരെ ക്ലാസുകളിലുള്ളവർക്കുമാണ് സൗജന്യ യൂണിഫോം തുണി നൽകിയത്. ജില്ലകളിലെ 12 ഉപജില്ലകൾ വഴിയാണ് യൂണിഫോം വിതരണം നടത്തിയത്. ജില്ലയിൽ 12 കൈത്തറി സംഘങ്ങൾ 81 തറികളിലായാണ് തുണികൾ നെയ്‌തെടുത്തത്.

തൃശൂർ കോർപ്പറേഷൻ പരിധിയിലെ ആയുഷ്മാൻ ഭാരത് / കാരുണ്യ ആരോഗ്യ സുരക്ഷാ പദ്ധതിയുടെ എൻറോൾമെന്റ് ക്യാമ്പ് നാല് കേന്ദ്രങ്ങളിലായി നടക്കും. 2018-19 വർഷം വരെ സാധുതയുളള ആർഎസ്ബിവൈ കാർഡുളളവര്ക്കും ആയുഷ്മാൻ ഭാരത് പദ്ധതിയിൽ ഉൾപ്പെടുത്തിയ പ്രധാനമന്ത്രിയുടെ കത്ത് ലഭിച്ചവർക്കും ക്യാമ്പിൽ എൻറോൾ ചെയ്യാം. പദ്ധതിയിൽ എൻറോൾ ചെയ്യാൻ എത്തുന്ന കുടുംബത്തിലെ ഒരംഗം അവരുടെ റേഷൻ കാർഡ്, ആധാർ കാർഡ്, 2018-19 വർഷം വരെ സാധുതയുളള ആരോഗ്യ ഇൻഷൂറൻസ് കാർഡ്, രജിസ്‌ട്രേഷൻ ഫീസായ 50 രൂപ എന്നിവയുമായി കേന്ദ്രത്തിൽ എത്തേണ്ടതാണ്. കൂടുതൽ വിവരങ്ങൾക്ക് കോർപ്പറേഷനിലെ കുടുംബശ്രീയുമായി ബന്ധപ്പെടണം. എൻറോൾമെന്റ് കേന്ദ്രം, തീയതി യഥാക്രമം.

സംസ്ഥാന വനിതാ കമ്മീഷന്‍ അദാലത്ത് കോഴിക്കോട് ടൗണ്‍ ഹാളില്‍ ഇന്ന് (ജൂണ്‍ 14) രാവിലെ 10 മണി മുതല്‍ നടത്തും. 

വാഹനം ആവശ്യമുണ്ട്

പേരാമ്പ്ര ഐ.സി.ഡി.എസ് ഓഫീസിലേക്ക് ഏഴ് വര്‍ഷത്തില്‍ കൂടുതല്‍ പഴക്കമില്ലാത്ത ജീപ്പ്/കാര്‍ ഡ്രൈവറുള്‍പ്പെടെ വാടകയ്ക്ക് ആവശ്യമുണ്ട്. ടെണ്ടര്‍ സ്വീകരിക്കുന്ന അവസാന തീയതി ജൂണ്‍ 28. കുടുതല്‍ വിവരങ്ങള്‍ക്ക് 0496 2612477.

ലോട്ടറി ടിക്കറ്റുകളുടെ സുരക്ഷ : പരിശീലന പരിപാടി

ജൂൺ 17, 18 തീയതികളിൽ തൃശൂർ കളക്ടറേറ്റിൽ നടത്തുവാൻ നിശ്ചയിച്ച ജില്ലാ പോലീസ് പരാതി അതോറിറ്റിയുടെ സിറ്റിങ് മറ്റൊരു തീയതിയിലേക്ക് മാറ്റി വെച്ചു. മാറ്റി വെച്ച തീയതി പിന്നീടറിയിക്കും.

വിവിധ കമ്പനി/ബോർഡ്/കോർപ്പറേഷനുകളിലെ എൽജിഎസ് (കാറ്റഗറി നമ്പർ 113/17) തസ്തികയിലേക്ക് 2019 ഏപ്രിൽ 20 ന് പ്രസിദ്ധീകരിച്ച സാധ്യതാപട്ടികയിൽ ഉൾപ്പെട്ട തൃശൂർ ജില്ലക്കാരായ പുരുഷ ഉദ്യോഗാർത്ഥികളുടെ സൈക്ലിങ് ടെസ്റ്റ് ജൂൺ 18, 19 തീയതികളിൽ രാവിലെ 7.30 ന് തൃശൂർ ടൗൺഹാൾ കോമ്പൗണ്ടിലും തുടർന്ന് പ്രമാണ പരിശോധന തൃശൂർ പിഎസ്‌സി ഓഫീസിലും നടത്തും. ഉദ്യോഗാർത്ഥികൾ ഇത് സംബന്ധിച്ച് മെസേജ്, പ്രൊഫൈൽ മെസേജ് എന്നിവ അയച്ചിട്ടുണ്ട്. ഉദ്യോഗാർത്ഥികൾ അഡ്മിഷൻ ടിക്കറ്റ് ഡൗൺലോഡ് ചെയ്ത് ബന്ധപ്പെട്ട സർട്ടിഫിക്കറ്റുകൾ സഹിതം ഹാജരാകേണ്ടതാണ്.

ജില്ലയില്‍ കനത്ത മഴ തുടരുകയാണ്. കാലവര്‍ഷക്കെടുതിയെത്തുടര്‍ന്ന് കോഴിക്കോട് താലൂക്കില്‍ വിവിധ ഇടങ്ങളിലായി പതിനഞ്ച് വീടുകള്‍ക്ക് ഭാഗിക തകരാര്‍ സംഭവിച്ചു. മള്‍ട്ടി ഡിസിപ്ലിനറി സ്‌പെഷ്യല്‍ സ്‌കൂളിലെ ക്യാമ്പില്‍ നിലവില്‍ 42 പേരാണ് ഉള്ളത്.  അടിയന്തിര സാഹചര്യമുണ്ടായാല്‍ കൂടുതല്‍ ക്യാമ്പുകള്‍ തുറക്കാന്‍ സജ്ജമാണെന്ന് തഹസില്‍ദാര്‍ എന്‍.പ്രേമചന്ദ്രന്‍ അറിയിച്ചു.