ആലപ്പുഴ:അന്താരാഷ്ട്ര യോഗദിനത്തോടനുബന്ധിച്ച് ഹൈസ്‌കൂൾ/ഹയർ സെക്കൻഡറി സ്‌കൂൾ/വൊക്കേഷണൽ ഹയർ സെക്കൻഡറി സ്‌കൂൾ വിവിധ സ്ഥാപനങ്ങൾ എന്നിവിടങ്ങളിൽ സ്വയം സന്നദ്ധരായി യോഗ പരിശീലനം നൽകുന്നതിന് തയ്യാറൂള്ള ബി.എൻ.വൈ.എസ്/എം.എസ്‌സി (യോഗ)/എം.ഫിൽ യോഗ/ യോഗയിൽ ഒരുവർഷ സർട്ടിഫിക്കറ്റ് കോഴ്‌സ്/ യോഗയിലുള്ള ഡിപ്ലോമ എന്നീ അംഗീകൃത യോഗ്യതയുള്ള വ്യക്തികളുടെ ഡാറ്റബേസ്  തയ്യാറാക്കുന്നു. താത്പര്യമുള്ളവർ ഭാരതീയ ചികിത്സ വകുപ്പിന്റെ ജില്ല മെഡിക്കൽ ഓഫീസിൽ രജിസ്റ്റർ ചെയ്യണം. ഫോൺ: 0477-2252965, 9447480098. ഇ-മെയിൽ: dmoismalpy@gmail.com.

ആലപ്പുഴ: പുന്നപ്ര മിൽമ മാർക്കറ്റിങ് സെല്ലിൽ ഇന്ന് (ജൂൺ 14) രാവിലെ 11ന് നടത്താനിരുന്ന മാർക്കറ്റ്  പ്രമോട്ടർമാരുടെ വാക്ക്-ഇൻ-ഇന്റർവ്യൂ ചില സാങ്കേതിക കാരണങ്ങളാൽ റദ്ദാക്കിയതായി മിൽമ മാർക്കറ്റിങ് മാനേജർ അറിയിച്ചു.

ദർഘാസ് ക്ഷണിച്ചു

ആലപ്പുഴ: വനിത ശിശു വികസന വകുപ്പിന്റെ കീഴിൽ സംയോജിത ശിശു സംരക്ഷണ പദ്ധതിയുടെ ഭാഗമായി പ്രവർത്തിക്കുന്ന ചേർത്തല മായിത്തറയിലുള്ള ചൈൽഡ് വെൽഫെയർ കമ്മറ്റിയിലേക്ക് അസിസ്റ്റന്റ് കം ഡേറ്റ എൻട്രി ഓപ്പറേറ്റർ തസ്തികയിലെ ഒരു ഒഴിവിലേക്ക് കരാർ അടിസ്ഥാനത്തിൽ നിയമനം നടത്തുന്നു.  അസിസ്റ്റന്റ് കം ഡേറ്റ എൻട്രി ഓപ്പറേറ്റർക്ക് പ്ല്‌സ് ടു അല്ലെങ്കിൽ തത്തുല്യം, മലയാളത്തിലും ഇംഗ്ലീഷിലും ഡാറ്റ എൻട്രി ജോലികൾ ചെയ്യുവാനുള്ള പ്രാവണ്യം എന്നിവ വേണം. അപേക്ഷ ഫോം യോഗ്യത, പ്രവർത്തിപരിചയം, ഫോട്ടോ, വയസ്, എന്നിവയുടെ  സ്വയം സാക്ഷ്യപ്പെടുത്തിയ പകർപ്പുകൾ സഹിതം അപേക്ഷിക്കണം.  19,280 രൂപ വേതനം ലഭിക്കും.

മത്സ്യതൊഴിലാളികളുടെ മക്കള്‍ക്ക് സൗജന്യ റെസിഡന്‍ഷ്യല്‍ ബാങ്ക് പരിശീലനം നല്‍കുന്നു. ബിരുദ തലത്തില്‍ 60 ശതമാനം മാര്‍ക്ക് നേടിയ മത്സ്യതൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത തൊഴിലാളികളുടെ മക്കള്‍ക്കാണ് അവസരം. ഒരു വിദ്യാര്‍ഥിക്ക് ഒരുതവണ മാത്രമെ ആനുകൂല്യത്തിന് അര്‍ഹതയുള്ളൂ. അപേക്ഷാ ഫോമും വിശദവിവരങ്ങളും ജില്ലാ ഫിഷറീസ് ഓഫീസുകളില്‍ ലഭിക്കും. പൂരിപ്പിച്ച അപേക്ഷ ജൂണ്‍ 15നകം ജില്ലാ ഫിഷറീസ് ഓഫീസില്‍ നല്‍കണം. ഫോണ്‍: 0491-2815245.

മത്സ്യതൊഴിലാളികളുടെ മക്കള്‍ക്ക് സൗജന്യ പി.എസ്.സി പരിശീലനത്തിന് അപേക്ഷിക്കാം. ബിരുദ തലത്തില്‍ 50 ശതമാനം മാര്‍ക്കോടെ വിജയിച്ച മത്സ്യതൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത തൊഴിലാളികളുടെ മക്കള്‍ക്കാണ് അവസരം. ഒരു വിദ്യാര്‍ഥിക്ക് ഒരുതവണ മാത്രമെ ആനുകൂല്യത്തിന് അര്‍ഹതയുള്ളൂ. അപേക്ഷാ ഫോമും വിശദവിവരങ്ങളും ജില്ലാ ഫിഷറീസ് ഓഫീസില്‍ ലഭിക്കും. പൂരിപ്പിച്ച അപേക്ഷ ജൂണ്‍ 15നകം ജില്ലാ ഫിഷറീസ് ഓഫീസില്‍ നല്‍കണം. ഫോണ്‍: 0491-2815245.

അകത്തേത്തറ കൃഷിഭവന്‍ പരിധിയിലുള്ള കേരകര്‍ഷകരുടെ രോഗം വന്നതും പ്രായം ചെന്നതുമായ തെങ്ങുകള്‍ വെട്ടിമാറ്റുന്നതിന് കോക്കനട്ട് ഡെവലപ്മെന്റ് ബോര്‍ഡ് ധനസഹായം നല്‍കുന്നു. അതിനു പുറമെ പച്ചക്കറി വികസന പദ്ധതിപ്രകാരം മിനിമം 10 സെന്റിലെങ്കിലും പച്ചക്കറി കൃഷി ചെയ്യുന്ന കര്‍ഷകര്‍ക്കും ആനുകൂല്യം ലഭിക്കുമെന്ന് കൃഷി ഓഫീസര്‍ അറിയിച്ചു. ഫോണ്‍: 0491 2555632

സാമൂഹ്യനീതി വകുപ്പിന്റെ ആഭിമുഖ്യത്തില്‍ വയോജനങ്ങള്‍ക്കെതിരെയുള്ള അതിക്രമങ്ങള്‍, അവഗണന, വര്‍ദ്ധിക്കുന്ന സാഹചര്യത്തില്‍  അധിക്ഷേപ നിരോധന ദിനത്തിന്റെ ഭാഗമായുളള ബോധവത്കരണ സെമിനാറിന്റെ  ഉദ്ഘാടനം ജൂണ്‍ 15 ന് രാവിലെ 9.30 ന് ഹോട്ടല്‍ ഗസാലയില്‍ ജില്ലാ പഞ്ചായത്ത് പ്രസിഡന്റ് അഡ്വ.കെ.ശാന്തകുമാരി നിര്‍വ്വഹിക്കും. ജൂണ്‍ 17 ന് വൈകിട്ട് മൂന്നിന് നെന്മാറ ബസ് സ്റ്റാന്റ് പരിസരത്ത് നടക്കുന്ന വാഹന പ്രചരണ ജാഥ നെന്മാറ ബ്ലോക്ക് പഞ്ചായത്ത് പ്രസിഡന്റ്  പി.വി. രാമകൃഷ്ണന്‍  ഫല്‍ഗ് ഓഫ് ചെയ്യും.  പരിപാടിയോടനുബന്ധിച്ച് ഫല്‍ഷ് മോബ്, തെരുവുനാടകം എന്നിവ നടക്കുമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.