ലോക ബാലവേല വിരുദ്ധ ദിനാചരണത്തിന്റെ ഭാഗമായി തൊഴില്‍ വകുപ്പിന്റെയും മലപ്പുറം ചൈല്‍ഡ് ലൈനിന്റെയും സംയുക്താഭിമുഖ്യത്തില്‍ ''സുരക്ഷിത ബാല്യം'' എന്ന വിഷയത്തില്‍  ഇന്ന് (ജൂണ്‍ 12) രാവിലെ 10.30-ന് മലപ്പുറം കോട്ടക്കുന്ന് റോഡിലുള്ള വ്യാപാര ഭവനില്‍ ബോധവത്കരണ ക്ലാസ് സംഘടിപ്പിക്കുന്നു.  ഹോട്ടല്‍, വ്യാപാര  മേഖലയുമായി  ബന്ധപ്പെട്ടവര്‍ക്കും  പൊതു ജനങ്ങള്‍ക്കും പങ്കെടുക്കാ വുന്നതാണ്.

ബേപ്പൂര്‍, നടുവട്ടത്തുളള ക്ഷീര വികസന വകുപ്പിന്റെ  പരിശീലന കേന്ദ്രത്തില്‍ സംരംഭകര്‍ക്കും ക്ഷീരസംഘങ്ങള്‍ക്കും ക്ഷീര കര്‍ഷകര്‍ക്കും വേണ്ടി  പത്തു ദിവസത്തെ പാലുല്പന്ന നിര്‍മ്മാണ പരിശീലനം സംഘടിപ്പിക്കുന്നു. ജൂണ്‍ 17 മുതല്‍ 27 വരെയാണ് പരിശീലനം.  പങ്കെടുക്കുവാന്‍ താല്‍പര്യമുളളവര്‍ ജൂണ്‍ 17ന് രാവിലെ 10ന് മുമ്പായി, ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം ക്ഷീര പരിശീലന കേന്ദ്രത്തില്‍ എത്തണം. പരിശീലനാര്‍ത്ഥികള്‍ രജിസ്‌ട്രേഷന്‍ ഫീസായി 135 രൂപ അടയ്ക്കണം. ഫോണ്‍-0495 2414579 .

ഇന്ന്(ജൂണ്‍12) നടത്താനിരുന്ന മലപ്പുറം ആര്‍.ട്ടി.എയുടെ  യോഗം ജൂണ്‍ 29 വൈകീട്ട് മൂന്നിന് കലക്ടറേറ്റ് കോണ്‍ഫറന്‍സ് ഹാളില്‍ നടത്തും.

ഐ.എച്ച്.ആര്‍.ഡിയുടെ കീഴില്‍ പ്രവര്‍ത്തിക്കുന്ന എട്ടു മോഡല്‍ പോളിടെക്‌നിക് കോളജുകളിð 2019-20 അധ്യയനവര്‍ഷത്തിð ഡിപ്ലോമ പ്രവേശനത്തിന് അപേക്ഷിക്കുവാനുള്ള  അവസാന തീയതി നീട്ടി. ജൂണ്‍ 15  വൈകീട്ട് നാലു വരെ ംംം.ശവൃറാുരേ.ീൃഴ എó അഡ്മിഷന്‍ പോര്‍ട്ടð വഴി അപേക്ഷകള്‍ സമര്‍പ്പിക്കാം. ഓണ്‍ലൈനായി സമര്‍പ്പിച്ച അപേക്ഷയുടെ പകര്‍പ്പ് മറ്റ് അനുബന്ധങ്ങള്‍ സഹിതം  ജൂണ്‍ 17 ന്     അഞ്ചിന്    മുമ്പായി പ്രവേശനം ആഗ്രഹിക്കുó കോളജ് പ്രിന്‍സിപ്പലിന് സമര്‍പ്പിക്കണം. വിശദവിവരങ്ങള്‍ അഡ്മിഷന്‍ പോര്‍ട്ടലിð ലഭിക്കും.

ചാലിയാര്‍ പുഴയില്‍ വെള്ളം വര്‍ധിച്ചു വരുന്നതിനാല്‍ വാഴക്കാട് കവണക്കല്ല് റഗുലേറ്റര്‍ കം ബ്രിഡ്ജിന്റെ ഷട്ടറുകള്‍ ഭാഗികമായോ പൂര്‍ണമായോ ഉടനെ തുറക്കും. പരിസരവാസികള്‍ ജാഗ്രത പുലര്‍ത്തണം.

വ്യാജ ഭാഗ്യക്കുറി ടിക്കറ്റുകള്‍ വ്യാപകമായി പ്രചരിക്കുന്ന സാഹചര്യത്തില്‍ ഭാഗ്യക്കുറി ഏജന്റുമാര്‍ക്കും വില്‍പ്പനകാര്‍ക്കും അവബോധം നല്‍കുന്നതിനായി ജൂണ്‍ 26ന് വൈകീട്ട് മൂന്നിന് സംസ്ഥാന ഭാഗ്യക്കുറി ടിക്കറ്റുകളുടെ സുരക്ഷാ സംവിധാനങ്ങളെ കുറിച്ചുള്ള പരിശീലന പരിപാടി കലക്ടറേറ്റ് സമ്മേളന ഹാളില്‍ നടത്തും.

നിലമ്പൂര്‍ ഗവ. കോളജില്‍ ജേര്‍ണലിസം, സ്റ്റാറ്റിസ്റ്റിക്‌സ് വിഷയങ്ങളില്‍ ഗസ്റ്റ് അധ്യാപകരെ നിയമിക്കുന്നു.  കോളജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ രജിസ്റ്റര്‍ ചെയ്തിട്ടുള്ളവര്‍ക്ക് ജൂണ്‍ 14ന് രാവിലെ 11ന് അസ്സല്‍ രേഖകളുമായി കൂടിക്കാഴ്ചക്കായി പങ്കെടുക്കാം.

താനാളൂര്‍ പഞ്ചായത്തില്‍ ആരോഗ്യ ഇന്‍ഷുറന്‍സ് കാര്‍ഡ് പുതുക്കുന്നതിന് തുടക്കമായി. 2018-19 വര്‍ഷത്തില്‍ ഇന്‍ഷുറന്‍സ് നിലവിലുള്ളവര്‍ക്ക് പഞ്ചായത്ത് ഓഫീസ് കേന്ദ്രീകരിച്ചായിരുന്നു ആദ്യദിനത്തിലെ കാര്‍ഡ് പുതുക്കല്‍. ജൂണ്‍ 12 - അരീക്കാട് മദ്രസ,  ജൂണ്‍ 13 - പട്ടരു പറമ്പ് മദ്രസ, ജൂണ്‍ 14 - എസ്.എം.യു.പി  സ്‌കൂള്‍, ജൂണ്‍ 15 - വട്ടത്താണി സ്‌ക്കൂള്‍, ജൂണ്‍ 16 മീനടത്തൂര്‍ ഹൈസ്‌കൂള്‍, ജൂണ്‍ 17 - പകര മദ്രസ, ജൂണ്‍ 18 പഞ്ചായത്ത് ഓഫീസ് എന്നിവിടങ്ങളിലാണ് കാര്‍ഡ് പുതുക്കല്‍ ക്യാമ്പ്. രാവിലെ 10  മുതല്‍ വൈകീട്ട് അഞ്ച് വരെയാണ് കാര്‍ഡ് പുതുക്കി നല്‍കുന്നതിനുള്ള സമയം.  

കെല്‍ട്രോണ്‍ നടത്തുന്ന പോസ്റ്റ് ഗ്രാജുവേറ്റ് ഡിപ്ലോമ ഇന്‍ ടെലിവിഷന്‍ ജേണലിസം (ഒരു വര്‍ഷം) കോഴ്‌സിലേക്ക് കോഴിക്കോട് സെന്ററില്‍ അപേക്ഷ ക്ഷണിച്ചു. ഏതെങ്കിലും  വിഷയത്തില്‍ അംഗീകൃത ബിരുദം നേടിയവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. പ്രായ പരിധി ഇല്ല. പഠന കാലയളവില്‍ ചാനലുകളില്‍ പരിശീലനം, ഇന്റേണ്‍ഷിപ്പ്  എന്നിവക്കുള്ള അവസരം ഉണ്ടായിരിക്കും. പ്ലേസ്‌മെന്റ് സഹായവും നിബന്ധനകള്‍ക്ക് വിധേയമായി ലഭിക്കും. സഴെ.സലഹൃേീി.ശി ല്‍ വിവരങ്ങള്‍ ലഭിക്കും.