മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ മൃഗസംരക്ഷണ   പരിശീലനകേന്ദ്രത്തില്‍ ജൂണ്‍ 13, 14   തിയ്യതികളില്‍ സൗജന്യ എരുമ/പോത്ത് വളര്‍ത്തല്‍ പരിശീലനം  സംഘടിപ്പിക്കുന്നു.   താല്‍പര്യമുളളവര്‍  നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം. ഫോണ്‍ 04912815454.

 
വിജയഭേരി പദ്ധതിയുടെ ഭാഗമായി ഏറ്റെടുക്കേണ്ട  പ്രവര്‍ത്തനങ്ങളെക്കുറിച്ച് ആലോചിക്കുന്നതിനും കഴിഞ്ഞ വര്‍ഷത്തെ റിസള്‍ട്ട് അവലോകനം ചെയ്യുന്നതിനുമായി ഹൈസ്‌കൂള്‍ വിജയഭേരി കോഡിനേറ്റര്‍മാരുടെ (പത്താം ക്ലാസ്സ്)  ഏകദിന പരിശീലന യോഗം ജൂണ്‍ 18 രാവിലെ 10ന്   ജില്ലാ പഞ്ചായത്ത് ഹാളില്‍ ചേരും.

അരീക്കോട് അഡീഷണല്‍ ഐ.സി.ഡി.എസ് പ്രൊജക്റ്റിലെ ഔദ്യോഗിക ആവശ്യത്തിന് ജീപ്പ് / കാര്‍ വാടകക്ക് ഓടാന്‍ തയ്യാറുള്ളവരില്‍ നിന്നും ടെണ്ടര്‍ ക്ഷണിച്ചു.  ടെണ്ടര്‍ ജൂണ്‍ 17ന് വൈകുന്നേരം മൂന്നിനകം  ഓഫീസില്‍ ലഭിക്കണം.  ഫോണ്‍ 0483 2757275.

എല്‍.ബി.എസ്. സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ പരപ്പനങ്ങാടിയിലെ  മോഡല്‍ ഡിഗ്രി കോളേജില്‍  ബി.എസ്.സി കംപ്യൂട്ടര്‍ സയന്‍സ്, ബി.സി.എ, ബി. കോം കംപ്യൂട്ടര്‍ അപ്ലിക്കേഷന്‍ എന്നീ ഡിഗ്രി കോഴ്‌സുകളിലേക്ക്  അപേക്ഷ ക്ഷണിച്ചു.
കൂടുതല്‍ വിവരങ്ങള്‍ക്ക് പരപ്പനങ്ങാടിയിലെ താനൂര്‍ റോഡില്‍, എന്‍.സി.സി. റോഡ് ജംങ്ഷനില്‍ പ്രവര്‍ത്തിക്കുന്ന കോളേജ് ഓഫീസുമായി ബന്ധപ്പെടാം.  ഫോണ്‍: 04942410135

പൊന്നാനി ഗവ.റീജനല്‍ ഫിഷറീസ് ടെക്‌നിക്കല്‍ ഹൈസ്‌ക്കൂളില്‍  കെയര്‍ടേക്കര്‍  ഒഴിവുണ്ട്.  താത്പര്യമുള്ളവര്‍ ജൂണ്‍ 14 രാവിലെ 10.30ന് പൊന്നാനി ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ എത്തണം.  യോഗ്യത ഏതെങ്കിലും  ഒരു വിഷയത്തില്‍ ഡിഗ്രിയും ബിഎഡും ഉണ്ടായിരിക്കണം. ഫോണ്‍ 9567805702, 0494-2666428