പുത്തനുടപ്പും വര്‍ണക്കുടകളും പുസ്തകങ്ങളുമായി കുട്ടികള്‍ സ്‌കൂളില്‍ പോകാന്‍ തുടങ്ങിയപ്പോള്‍ പ്രകൃതിയിലേക്കൊരു തൈ നട്ടാണ് കണ്ണാടി ബഡ്സ് റീഹാബിലിറ്റേഷന്‍ സെന്ററിലെ കുട്ടികള്‍ അധ്യയന വര്‍ഷം ആരംഭിച്ചത്. പരിസ്ഥിതി ദിനാചരണത്തിന്റെ ഭാഗമായി കണ്ണാടി പഞ്ചായത്തിനു കീഴില്‍ പ്രവര്‍ത്തിക്കുന്ന ബഡ്സ് റീഹാബിലിറ്റേഷന്‍ സെന്ററില്‍ നടന്ന വൃക്ഷതൈ നടല്‍ പഞ്ചായത്തംഗം വി.കുഞ്ചപ്പന്‍ ഉദ്ഘാടനം ചെയ്തു. തൊഴിലുറപ്പ് പദ്ധതി അക്രഡിറ്റഡ് എന്‍ജിനീയര്‍ സുധ അധ്യക്ഷയായി. തൊഴിലുറപ്പ് പദ്ധതിയിലുള്‍പ്പെടുത്തിയാണ് സെന്ററില്‍ തൈകള്‍ നട്ടത്.

മുന്‍വര്‍ഷങ്ങളില്‍ നിന്ന് വ്യത്യസ്തമായി  തോരാത്ത   മഴയും മാതാപിതാക്കളെ പിരിയുന്ന കരച്ചിലും ഇല്ലാതെ ഉത്സവാന്തരീക്ഷത്തില്‍ തന്നെ ജില്ലയിലെ കുരുന്നുകള്‍ ആദ്യദിനം സ്‌കൂളുകളില്‍ എത്തി. പല വര്‍ണ്ണങ്ങളിലുള്ള  ഉടുപ്പുകളണിഞ്ഞ്  പുത്തന്‍ ബാഗും കുടകളുമായി സ്‌കൂളുകളില്‍ എത്തിയ കുട്ടികളെ  ബലൂണുകളും തൊപ്പികളും പൂക്കളും  മധുര പലഹാരങ്ങളും നല്‍കിയാണ് അധ്യാപകര്‍ വരവേറ്റത്. കാര്‍ട്ടൂണ്‍ കഥാപാത്രങ്ങള്‍, പൂക്കള്‍, മൃഗങ്ങള്‍, എന്നിവയൊക്കെ വരച്ചുചേര്‍ത്ത  ചുമരുകളും  നിറയെ കളിപ്പാട്ടങ്ങളും ഉള്ള  ക്ലാസ് മുറികളാണ് നവാഗതരെ  കാത്തിരുന്നത് .

പ്രകൃതിസംരക്ഷണത്തിന് മുഖ്യപരിഗണനയാണ് സര്‍ക്കാര്‍ നല്‍കുന്നതെന്ന് തൊഴില്‍-എക്‌സൈസ് മന്ത്രി ടി. പി രാമകൃഷ്ണന്‍ പറഞ്ഞു. അതിജീവനത്തിനായി ചെറുവനങ്ങള്‍ എന്ന ലക്ഷ്യത്തോടെ ഹരിത കേരളം ജില്ലാ മിഷനും കോഴിക്കോട് ബ്ലോക്ക് പഞ്ചായത്തും നടപ്പാക്കുന്ന 'പച്ചത്തുരുത്ത്' പദ്ധതിയുടെ ജില്ലാതല ഉദ്ഘാടനം മലബാര്‍ ബൊട്ടാണിക്കല്‍ ഗാര്‍ഡന്‍ ആന്റ് പ്ലാന്റ് സയന്‍സില്‍ നിര്‍വഹിക്കുകയായിരുന്നു അദ്ദേഹം. നഷ്ടപ്പെടുത്തിയ പ്രകൃതിയെ വീണ്ടെടുക്കേണ്ടതുണ്ട്. അതിന് ജനങ്ങള്‍ ഒന്നിച്ച് നില്‍ക്കണം. ഒന്നിച്ച് നിന്നാല്‍ നേടാന്‍ പറ്റാത്തതായി ഒന്നുമില്ലെന്ന് പ്രളയവും നിപ കാലവും തെളിയിച്ചതാണ്.

ജൂൺ ഒൻപതോടുകൂടി കേരള-കർണാടക തീരത്തോട് ചേർന്നുള്ള മധ്യ-കിഴക്കൻ അറബിക്കടലിൽ ന്യൂനമർദം രൂപപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. തെക്ക് പടിഞ്ഞാറൻ കാലവർഷത്തിന് അനുയോജ്യമായ ഘടകങ്ങൾ അറബിക്കടലിലും അന്തരീക്ഷത്തിലും രൂപപ്പെട്ട് കൊണ്ടിരിക്കുന്നതിനാൽ അടുത്ത 48 മണിക്കൂറിൽ തെക്ക് പടിഞ്ഞാറൻ കാലവർഷം കേരളത്തിലെത്തുമെന്നും കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു.

മൃഗസംരക്ഷണവകുപ്പിലെ അസിസ്റ്റ്ൻറ് ഡയറക്ടർ തസ്തികയിലെ 2018 ഡിസംബർ അനുസരിച്ചുള്ള താൽക്കാലിക മുൻഗണനാ പട്ടികയും 2019 മാർച്ച് നിലവച്ചുളള ഫീൽഡ് ഓഫീസർ തസ്തികയിലെ താല്കാലിക മുൻഗണനാ പട്ടികയും വകുപ്പിലെ ഔദ്യോഗിക വെബ് സൈറ്റായ  www.ahdkerala.gov.in ൽ പ്രസിദ്ധീകരിച്ചിട്ടുണ്ട്. പട്ടികയിൽ മേൽ ആക്ഷേപങ്ങളോ, അഭിപ്രായങ്ങളോ ഉണ്ടെങ്കിൽ ബന്ധപ്പെട്ട രേഖകൾ സഹിതം നിശ്ചിത മാതൃകയിൽ പൂരിപ്പിച്ച അപേക്ഷ 30 ദിവസത്തിനകം മൃഗസംരക്ഷണവകുപ്പ് ഡയറക്ടർക്ക് ലഭ്യമാക്കണം. വൈകി ലഭിക്കുന്ന പരാതികൾ പരിഗണിക്കില്ല.

പി.എൻ.എക്സ്.1678/19

2018 ലെ ദേശീയ അധ്യാപക അവാർഡിനുളള നാമനിർദേശം നൽകാൻ താത്പര്യമുളള സർക്കാർ, സർക്കാർ എയ്ഡഡ് സ്‌കൂളുകളിലെ അധ്യാപകർക്കും, പ്രഥമാധ്യാപകർക്കും www.mhrd.gov.in  ൽ നേരിട്ട് നാമനിർദേശം അപ്‌ലോഡ് ചെയ്യാം. നോമിനേഷൻ ഫയൽ ചെയ്യേണ്ട അവസാന തിയതി ജൂൺ 15.
പി.എൻ.എക്സ്.1677/19

സംസ്ഥാന തിരഞ്ഞെടുപ്പ് കമ്മീഷനിൽ ഓഫീസ് അറ്റൻഡന്റിന്റെ ഒരു ഒഴിവിലേയ്ക്ക് സർക്കാർ വകുപ്പുകളിൽ നിന്നും ഡെപ്യൂട്ടേഷൻ വ്യവസ്ഥയിൽ നിയമിക്കുന്നതിന് അപേക്ഷ ക്ഷണിച്ചു. സെക്രട്ടേറിയറ്റിലും മറ്റ് സർക്കാർ വകുപ്പുകളിലും ഓഫീസ് അറ്റൻഡന്റിന്റെ തസ്തികകയിൽ ജോലി ചെയ്യുന്നവർ ഉചിത മാർഗേണ ജൂൺ 15നകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ് സമുച്ചയം, എൽ.എം.എസ് ജംഗ്ഷൻ, തിരുവനന്തപുരം - 695633 എന്ന വിലാസത്തിൽ അപേക്ഷിക്കണം.
പി.എൻ.എക്സ്.1676/19