ജില്ലയില്‍  ഗ്രാമപഞ്ചായത്തുകളിലെ 21 കേന്ദ്രങ്ങളില്‍ അക്ഷയ കേന്ദ്രങ്ങള്‍ ആരംഭിയ്ക്കുന്നതിന് അപേക്ഷ ക്ഷണിച്ചു. ജൂണ്‍ 25വരെ വരെ ഓണ്‍ലൈനായി അപേക്ഷിയ്ക്കാം.

അടിമാലി ഗ്രാമ പഞ്ചായത്തിലെ വിവിധ റോഡരികുകളില്‍ അനുമതിയില്ലാതെ സ്ഥാപിച്ചിട്ടുള്ള പരസ്യ ബോര്‍ഡുകളും അഭിനന്ദന ബോര്‍ഡുകളും ഹോള്‍ഡിംഗ്‌സുകളും  ജൂണ്‍ 13നകം നീക്കം ചെയ്യേണ്ടതാണന്ന് സെക്രട്ടറി അറിയിച്ചു. ബോര്‍ഡുകളും പരസ്യങ്ങളും നിലനിര്‍ത്തണമെന്ന് ആഗ്രഹിക്കുന്നവര്‍ സ്ഥല ഉടമയുമായുള്ള കരാറും ഇന്‍ഷ്വറന്‍സും ഉറപ്പും സംബന്ധിച്ച രേഖകളും മറ്റും ഹാജരാക്കി ഈ തീയതിക്കുള്ളില്‍ ആധികാരികമാക്കേണ്ടതാണ്. 13ന് ശേഷം പൊതു നിരത്തുകളില്‍ സ്ഥാപിച്ചിട്ടുള്ളതും അനുമതി ഇല്ലാത്തുമായ പരസ്യങ്ങളും ബോര്‍ഡുകളും മറ്റ് എടുപ്പുകളും ബന്ധപ്പെട്ടവരുടെ ചെലവില്‍ പഞ്ചായത്ത് നീക്കം ചെയ്യുന്നതായിരിക്കും.         

മൂന്നിയൂര്‍ പഞ്ചായത്തിലെ മുഴുവന്‍ കുടുംബങ്ങള്‍ക്കും ശുദ്ധജലമെത്തിക്കാന്‍ ലക്ഷ്യമിട്ട് നടപ്പാക്കുന്ന ജലനിധി പദ്ധതിയുടെ ഒന്നാംഘട്ട പ്രവൃത്തികള്‍ക്ക് തുടക്കമായി. മണ്ണട്ടംപാറയിലുള്ള ഉപകിണറിന്റെയും അവിടെ നിന്നും ചേളാരിയിലെ ടാങ്കിലേക്കുള്ള ലൈനിന്റെയും പ്രവൃത്തികളാണ് ആരംഭിച്ചത്. 2.89 കോടിയുടെ പ്രവൃത്തിയാണ് നിലവില്‍ പുരോഗമിക്കുന്നതെങ്കിലും 21.40 കോടിയുടെ പദ്ധതിയാണ് പഞ്ചായത്തില്‍ നടപ്പാക്കുന്നത്. ലോകബാങ്കിന്റെ അനുമതിയും ആവശ്യമായ ഭൂമിയും ലഭിക്കാത്തതിനാല്‍ പ്രതിസന്ധിയിലായിരുന്ന പദ്ധതിയ്ക്കാണ് നടപടികളായിരിക്കുന്നത്.

ഡി.എല്‍.എഡ്(ടി.ടി.സി) ഗവ/ എയ്ഡഡ്, സ്വാശ്രയം(മെറിറ്റ്) അപേക്ഷകള്‍ നിശ്ചിത ഫോറത്തില്‍  വിദ്യാഭ്യാസ ഉപഡയറക്ടറുടെ ഓഫീസില്‍ ജൂണ്‍ 12 വൈകീട്ട് അഞ്ചുമണി വരെ അപേക്ഷിക്കാം.

കെല്‍ട്രോണിന്റെ എടപ്പാള്‍ സെന്ററില്‍ നടത്തുന്ന ഒരു വര്‍ഷത്തെ പ്രീ പ്രൈമറി ടീച്ചേഴ്‌സ് ട്രെയിനിങ് കോഴ്‌സിന് അപേക്ഷ ക്ഷണിച്ചു. എസ് എസ് എല്‍ സി / പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. ഫോണ്‍: 9895355155

ജില്ലാ ആസൂത്രണ സമിതി യോഗം ജൂണ്‍ 15ന് വൈകുന്നേരം മൂന്നിന് ജില്ലാ ആസൂത്രണ സമിതി സെക്രട്ടേറിയറ്റ് സമ്മേളന ഹാളില്‍ ചേരും.

വിവിധ യൂണിവേഴ്‌സിറ്റി അസിസ്റ്റന്റ് തസ്തികയിലേക്കുള്ള ഒ.എം.ആര്‍ പരീക്ഷ ജൂണ്‍ 15ന് ഉച്ചക്ക് 1.30 മുതല്‍ 3.15 വരെ ജില്ലയിലെ 183 കേന്ദ്രങ്ങളില്‍ നടത്തും.  ഉദ്യോഗാര്‍ഥികള്‍ അഡ്മിഷന്‍ ടിക്കറ്റും തിരിച്ചറിയല്‍ കാര്‍ഡും സഹിതം അതത് കേന്ദ്രത്തില്‍ എത്തണം.

കര്‍ഷക ക്ഷേമ ബോര്‍ഡ് ഡിവിഷണല്‍ ഓഫീസര്‍ അംശാദായം സ്വീകരിക്കുന്നതിനും പുതിയ അംഗങ്ങളെ ചേര്‍ക്കുന്നതിനുമായി വിവിധ പഞ്ചായത്തുകളില്‍ ക്യാമ്പ് ചെയ്യും.  ജൂലൈ ഏഴിന് പെരിന്തല്‍മണ്ണ നഗരസഭ, 11ന് താഴെക്കോട് ഗ്രാമ പഞ്ചായത്ത്, ജൂലൈ 15ന് കീഴാറ്റൂര്‍ ഗ്രാമ പഞ്ചായത്ത്, 17ന് വെട്ടത്തൂര്‍ ഗ്രാമ പഞ്ചായത്ത് ഓഫീസ്, 22ന് എടപ്പറ്റ ഗ്രാമ പഞ്ചായത്ത് ഓഫീസ്, 25ന് ആലിപ്പറമ്പ് ഗ്രാമ പഞ്ചായത്ത് ഓഫീസ്, 29ന് ഏലംകുളം ഗ്രാമ പഞ്ചായത്ത് ഓഫീസ് എന്നിവിടങ്ങളിലാണ് ക്യാമ്പ്.

തിരൂര്‍ താലുക്ക് പരിധിയിലെ വയോജനങ്ങള്‍ക്കും മുതിര്‍ന്ന പൗര•ാര്‍ക്കുമായി ഇന്ന് (ജുണ്‍ 11) തിരൂര്‍ വാഗണ്‍ ട്രാജഡി ടൗണ്‍ ഹാളില്‍ നടത്താന്‍ നിശ്ചയിരുന്ന മെഡിക്കല്‍ ക്യാമ്പ് മാറ്റിയതായി തിരൂര്‍ ആര്‍.ഡി.ഒ പി.സി. സുനിലാല്‍ അറിയിച്ചു.