കാലവര്‍ഷം മൂലം അണക്കെട്ടുകള്‍ തുറന്നു വിടുന്ന സാഹചര്യത്തില്‍ ഓരോ വകുപ്പുകളും ശ്രദ്ധിക്കേണ്ട മുന്‍കരുതലുകള്‍, പ്രവര്‍ത്തനങ്ങള്‍ എന്നിവ ഊര്‍ജിതപ്പെടുത്തുമെന്നും, അടിയന്തര കര്‍മ പദ്ധതി തയാറാക്കിയതിലൂടെ അപകടങ്ങള്‍ ഒഴിവാക്കാന്‍ കഴിയുമെന്നും ജില്ലാ കളക്ടര്‍ പി.ബി നൂഹ് പറഞ്ഞു. കളക്ടറേറ്റ് കോണ്‍ഫറന്‍സ് ഹാളില്‍ ബന്ധപ്പെട്ട വകുപ്പുകളിലെ ഉദ്യോഗസ്ഥര്‍ക്ക് അടിയന്തര കര്‍മ പദ്ധതി പരിചപ്പെടുത്തുന്ന യോഗത്തില്‍ സംസാരിക്കുകയായിരുന്നു ജില്ലാ കളക്ടര്‍. സമഗ്രമായ കര്‍മ പദ്ധതി തയാറാക്കിയതിലൂടെ ദുരന്തത്തിന്റെ വ്യാപ്തി ഒരു പരിധി വരെ കുറയ്ക്കാനാകുമെന്നും കളക്ടര്‍ പറഞ്ഞു.

കൈപ്പട്ടൂര്‍ ഗവണ്‍മെന്റ് ഹൈസ്‌കൂളില്‍ എല്‍പിഎസ്എയുടെ താത്ക്കാലിക ഒഴിവിലേക്ക് ഈ മാസം 14ന് രാവിലെ 10ന് കൂടിക്കാഴ്ച നടത്തും. യോഗ്യരായവര്‍ അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.          (പിഎന്‍പി 1354/19)

നാഷണല്‍ ആയുഷ് മിഷന്റെ ആയുഷ്ഗ്രാം പദ്ധതിയിലേക്ക് മള്‍ട്ടിപര്‍പ്പസ് വര്‍ക്കര്‍/ ഹെല്‍പ്പര്‍ തസ്തികയില്‍ നിലവിലുള്ള ഒരു താത്ക്കാലിക ഒഴിവിലേക്ക് ദിവസ വേതന അടിസ്ഥാനത്തില്‍ നിയമിക്കുന്നതിന് ഭാരതീയ ചികിത്സാ വകുപ്പിന്റെ ജില്ലാ മെഡിക്കല്‍ ഓഫീസില്‍ നാളെ (12) രാവിലെ 11.30ന് ഇന്റര്‍വ്യൂ നടത്തും. എസ്എസ്എല്‍സി പാസായതും കായികക്ഷമതയുള്ളവരുമായവര്‍ക്ക് പങ്കെടുക്കാം. പ്രായം 40ന് താഴെയായിരിക്കണം. താത്പര്യമുള്ളവര്‍ ബന്ധപ്പെട്ട രേഖകകളുടെ അസലും സാക്ഷ്യപ്പെടുത്തിയ പകര്‍പ്പും സഹിതം ഹാജരാകണം. ഫോണ്‍: 0468 2324337.                      (പിഎന്‍പി 1351/19)

 പത്തനംതിട്ട ജില്ലയില്‍ എക്‌സൈസ് വകുപ്പിലെ ഡ്രൈവര്‍ (കാറ്റഗറി നമ്പര്‍  659/17) തസ്തികയുടെ 2019 മാര്‍ച്ച് 28ന് പ്രാബല്യത്തില്‍ വന്ന ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കായുള്ള ശാരീരിക അളവെടുപ്പും ഡ്രൈവിംഗ് പ്രയോഗിക പരീക്ഷയും

പത്തനംതിട്ട ജില്ലയില്‍ പഞ്ചായത്ത് വകുപ്പില്‍ ലൈബ്രേറിയന്‍ ഗ്രേഡ് നാല് (കാറ്റഗറി നമ്പര്‍. 539/16) തസ്തികയ്ക്ക് അപേക്ഷ സമര്‍പ്പിച്ച ഉദ്യോഗാര്‍ഥികള്‍ക്ക് കൊല്ലം ജില്ലാ പി.എസ്.സി ഓഫീസില്‍ ജൂണ്‍ 13,14 തീയതികളില്‍ അഭിമുഖം നടത്തും. എസ്എംഎസ്, പ്രൊഫൈല്‍ മെസേജ് എന്നിവ മുഖേന ഉദ്യോഗാര്‍ഥികള്‍ക്ക്  അറിയിപ്പ് നല്‍കിയിട്ടുണ്ട്. വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ്, വ്യക്തിവിവരക്കുറിപ്പ് എന്നിവ സഹിതം അഭിമുഖത്തിന് ഹാജരാകണം. ഫോണ്‍: 0468 2222665.          (പിഎന്‍പി 1349/19)