ആലപ്പുഴ: ജില്ല എംപ്ലോയ്മെന്റ് എക്സ്ചേഞ്ചിനോടനുബന്ധിച്ച് പ്രവർത്തിക്കുന്ന എംപ്ലോയബിലിറ്റി സെന്ററിൽ പ്രമുഖ സ്വകാര്യ സ്ഥാപനങ്ങളിലേയ്ക്ക് പ്ലസ് ടൂവും അതിന് മുകളിലും  യോഗ്യതയുള്ള ഉദ്യോഗാർത്ഥികൾക്ക് വിവിധ തസ്തികകളിൽ  ജൂൺ 13ന്  രാവിലെ 10ന്  ജോലിക്ക് അഭിമുഖം നടക്കുന്നു. പ്രവർത്തി പരിചയം ഉള്ളവർക്ക് മുൻഗണന ലഭിക്കും.  ഫോൺ:0477 -2230624, 0477-2230626,  9656421872
 

ആലപ്പുഴ: കുടിശികയുള്ള അണ്ടർവാല്യുവേഷൻ കേസുകൾ (1986 മുതൽ 2017 മാർച്ച് 31 വരെ  രജിസ്റ്റർ ചെയ്തവ) തീർപ്പാക്കുന്നതിനായി ജൂൺ 13ന് രാവിലെ 11മുതൽ വൈകീട്ട് മൂന്നുവരെ ആലപ്പുഴ സബ് രജിസ്ട്രാർ ഓഫീസിൽ അദാലത്ത് നടത്തുന്നു. ഒറ്റത്തവണതീർപ്പാക്കൽ പദ്ധതി പ്രകാരം മുദ്രവിലയുടെ 30 ശതമാനം മാത്രം ഒടുക്കി അണ്ടർവാല്യുവേഷൻ നടപടികളിൽ നിന്ന് ഒഴിവാകാം. ഭാവിയിൽ നേരിടേണ്ടി വരുന്ന റവന്യൂ റിക്കവറി നടപടികളിൽ നിന്ന് ഒഴിവാകാൻ ഈ അവസരം പ്രയോജനപ്പെടുത്തണമെന്ന് സബ് രജിസ്ട്രാർ അറിയിച്ചു. 

ആലപ്പുഴ: മത്സ്യതൊഴിലാളികളുടെ ചികിത്സയ്ക്കും സഹായത്തിനും, മരണാനന്തര സഹായവുമായി മത്സ്യഫെഡ് നൽകുന്ന പ്രത്യേക ധനസഹായത്തിന്റെ വിതരണം ആലപ്പുഴ ജില്ലാ ഓഫീസിൽ മത്സ്യഫെഡ് ചെയർമാൻ പി.പി.ചിത്തരഞ്ജൻ നിർവ്വ ഹിച്ചു. 
സംസ്ഥാനത്ത് 17,45000 രൂപ ചികത്സാ സഹായമായും മരണാനന്തര സഹായമാ യി 10 ലക്ഷം രൂപയും ഈ മാസം വിതരണം ചെയ്യുന്നതായി ചെയർമാൻ പറഞ്ഞു. മത്സ്യഫെഡിന്റെ ലാഭവിഹിതത്തിൽ നിന്നാണ് ഈ പ്രത്യേക സഹായ പദ്ധതി ആവിഷ്‌കരി ച്ചിട്ടുള്ളത്. 

ആലപ്പുഴ:  സോഷ്യൽ ഫോറസ്ട്രി ഡിവിഷനിൽ  ആലപ്പുഴ  സോഷ്യൽ ഫോറസ്ട്രി റെയിഞ്ചിലെ  തോട്ടപ്പള്ളി സ്പിൽവേയുടെ അഴിമുഖത്ത് സാമൂഹ്യവനവൽകരണത്തിന്റെ ഭാഗമായി നട്ടുപിടിപ്പിച്ചിട്ടുള്ള കാറ്റാടിമരങ്ങളും മറ്റ് വിവിധ ഇനത്തിൽപ്പെട്ട മരങ്ങളും നീരൊഴുക്കിന്      തടസ്സമായി നിൽക്കുന്നതിനാൽ ദുരന്തനിവാരണ നിയമ പ്രകാരം മുറിച്ച് നീക്കം ചെയ്യുന്നതിന്  ഉത്തരവായിട്ടുള്ളതാണ്.  ഇതിന്റെ അടിസ്ഥാനത്തിൽ മേൽ പ്രദേശത്ത്  നിൽക്കുന്നതും മുറിച്ച് നീക്കം ചെയ്യുന്നതിനായി അടയാളപ്പെടുത്തിയിട്ടുള്ളതുമായ മരങ്ങൾ ജൂൺ 17-ാം തീയതി പകൽ          12 മണിയ്ക്ക് കൊമ്മാടിയിലുള്ള സോഷ്യൽ ഫോറസ്ട്രി ഡിവിഷൻ ഓഫീസിൽ അസി.

കരണി സഹകരണ പരിശീലന കേന്ദ്രത്തില്‍ ജെ.ഡി.സി. 2019-20 ബാച്ചില്‍ പട്ടികജാതി പട്ടികവര്‍ഗ്ഗ വിഭാഗക്കാര്‍ക്ക് സംവരണം ചെയ്തിട്ടുള്ള സീറ്റുകളിലേക്ക് സ്‌പോട്ട് അഡ്മിഷന്‍ നടത്തുന്നു. കോഴ്‌സ് കാലാവധി പത്ത് മാസം.  യോഗ്യത പത്താംതരം. യോഗ്യരായവര്‍ ജൂണ്‍ 12ന് രാവിലെ 10നകം കരണിയിലുള്ള പരിശീലന കേന്ദ്രത്തില്‍ എസ്.എസ്.എല്‍.സി. ബുക്ക്, ടി.സി, സ്വഭാവ സര്‍ട്ടിഫിക്കറ്റ്, രണ്ട് പാസ്‌പോര്‍ട്ട് സൈസ് ഫോട്ടോ എന്നിവ സഹിതം ഹാജരാകണം.  പ്രവേശനം ലഭിക്കുന്നവര്‍ അന്ന് തന്നെ 1330 രൂപ ഫീസ് അടക്കണം. ഫോണ്‍ 04936 289725.

പനമരം എല്‍.പി.സ്‌കൂള്‍-നീരട്ടാടി-വിളമ്പുകണ്ടം റോഡ് പുനരുദ്ധാരണ പ്രവൃത്തി നടക്കുന്നതിനാല്‍ ജൂണ്‍ 12 മുതല്‍ 15 വരെ പനമരം എല്‍.പി.സ്‌കൂള്‍ മുതല്‍ നീരട്ടാടി വരെ  ഗതാഗതം നിരോധിച്ചു.വാഹനങ്ങള്‍ കരുമ്പുമ്മല്‍ സ്റ്റേഡിയം-നീരട്ടാടി വഴി തിരിഞ്ഞു പോകണം.

നാല്‍പത് ശതമാനത്തിന് മുകളില്‍ ഭിന്നശേഷിക്കാരായ മാതാപിതാക്കളുടെ മക്കള്‍ക്ക് വിദ്യാഭ്യാസ ധനസഹായം നല്‍കുന്നതിനുള്ള വിദ്യാകിരണം പദ്ധതിയിലേക്ക് സാമൂഹ്യനീതിവകുപ്പ് അപേക്ഷ ക്ഷണിച്ചു. സര്‍ക്കാര്‍ /എയിഡഡ് വിദ്യാഭ്യാസസ്ഥാപനങ്ങളില്‍ ഒന്നാം ക്ലാസ്സ് മുതല്‍ പി.ജി.  വരെ പഠിക്കുന്ന വിദ്യാര്‍ത്ഥികള്‍ക്കാണ് ധനസഹായം നല്‍കുന്നത്. അപേക്ഷാ ഫോറം ജില്ലാ സാമൂഹ്യനീതി ഓഫീസില്‍ നിന്നും സാമൂഹ്യനീതിവകുപ്പിന്റെ www.swd.kerala.gov.inവെബ്‌സൈറ്റിലും ലഭിക്കും.  ഫോണ്‍; 04936-205307.
 

വിദ്യാജേ്യാതി പദ്ധതി പ്രകാരം സര്‍ക്കാര്‍ /എയിഡഡ് വിദ്യാഭ്യാസ സ്ഥാപനങ്ങളില്‍ പഠിക്കുന്ന 40 ശതമാനമോ അതിന് മുകളിലോ ഭിന്നശേഷിയുള്ള വിദ്യാര്‍ത്ഥികള്‍ക്ക് യൂണിഫോം,പഠനോപകരണങ്ങള്‍ എന്നിവ വാങ്ങുന്നതിന് സാമൂഹ്യനീതി വകുപ്പ് അപേക്ഷ ക്ഷണിച്ചു. 9-ാം ക്ലാസ്സു മുതല്‍ ഡിഗ്രിതലം വരെ പഠിക്കുന്ന വിദ്യാര്‍ത്ഥികള്‍ക്കാണ് ധനസഹായം  നല്‍കുന്നത്. അപേക്ഷാ ഫോറം ജില്ലാ സാമൂഹ്യനീതി ഓഫീസില്‍ നിന്നും സാമൂഹ്യനീതിവകുപ്പിന്റെ www.swd.kerala.gov.in വെബ്‌സൈറ്റിലും ലഭിക്കും.  ഫോണ്‍;04936-205307.
 

  ആനപ്പാറ ഗവ.ഹയര്‍ സെക്കന്ററി സ്‌കൂളില്‍ എച്ച്.എസ്.എസ്.ടി. (ജൂനിയര്‍ കൊമേഴ്‌സ്) അധ്യാപക നിയമനത്തിനുള്ള കൂടിക്കാഴ്ച ജൂണ്‍ 12ന് രാവിലെ 10 ന് സ്‌കൂളില്‍ നടക്കും.
കാക്കവയല്‍ ഗവ.ഹയര്‍ സെക്കന്ററി സ്‌കൂളില്‍ ഹൈസ്‌കൂള്‍ വിഭാഗം ഹിന്ദി അധ്യാപക നിയമനത്തിനുള്ള കൂടിക്കാഴ്ച ജൂണ്‍ 12ന് രാവിലെ 11 ന് സ്‌കൂളില്‍ നടക്കും.