അദ്ധ്യാപകൻ താന്‍ പഠിപ്പിക്കുന്ന  കുട്ടികളുടെ മനസ്സറിയണമെന്ന് തൊഴില്‍ എക്സൈസ് വകുപ്പ് മന്ത്രി ടി.പി.രാമകൃഷ്ണൻ. ഓരോ കുട്ടിയുടേയും ഗാര്‍ഹിക പശ്ചാത്തലം കൂടി മനസ്സിലാക്കി പഠിപ്പിച്ചാലേ വിദ്യാഭ്യാസത്തിന്‍റെ ലക്ഷ്യം പൂര്‍ണ്ണമാകൂ.  നടുവണ്ണൂര്‍ ഹയര്‍സെക്കണ്ടറി സ്കൂളിൽ ജില്ലാതല സ്കൂള്‍ പ്രവേശനോത്സവം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.

തൊടുപുഴ : ഹരിതകേരളം മിഷന്‍ വിഭാവനം ചെയ്യുന്ന ആദ്യ പച്ചത്തുരുത്തിന്റെ ഉദ്ഘാടനം കുടയത്തൂര്‍ ഗ്രാമപ്പഞ്ചായത്തിലെ  യ്പ ജംഗ്ഷനില്‍ എംവിഐപി വിട്ടു നല്‍കിയ സ്ഥലത്ത് ഗ്രാമപ്പഞ്ചായത്ത് പ്രസിഡന്റ് പുഷ്പാ വിജയന്‍ നിര്‍ഹഹിച്ചു.വാര്‍ഡ്മെംബര്‍ പി കെ ശശിയുടെ അധ്യക്ഷതയില്‍ നടന്ന ചടങ്ങില്‍ വൃക്ഷത്തൈ നട്ടുകൊണ്ടാണ് പ്രസിഡന്റ് പദ്ധതിയുടെ ഉദ്ഘാടനം നിര്‍വഹിച്ചത്.ഹരിതകേരളം ജില്ലാ കോര്‍ഡിനേറ്റര്‍ ഡോ. ജി എസ് മധു പദ്ധതി വിശദീകരണം നടത്തി.സ്റ്റാന്റിംഗ് കമ്മിറ്റി ചെയര്‍മാന്‍ കെ കെ മുരളീധരന്‍,ബ്ലോക്ക് മെബര്‍ സുജ,എംവിഐപി അസി.എന്‍ജിനീയര്‍ സിബി, വാര്‍ഡ് മെംബര്‍മാര്‍ തുടങ്ങിയവര്‍ ആശംസകളര്‍പ്പിച്ചു.

അടിമാലി ഗ്രാമ പഞ്ചായത്തിലെ വിശാലമായ ടൂറിസം സാദ്ധ്യതകള്‍ (ട്രക്കിംഗ്, അഗ്രിക്കള്‍ച്ചര്‍ ടൂറിസം, ഹോംസ്റ്റേ, സര്‍വ്വീസ് വില്ലകള്‍) കണ്ടെത്തി സമഗ്രമായ  ടൂറിസം മാസ്റ്റര്‍ പ്ലാന്‍ തയ്യാറാക്കുന്നതിനെക്കുറിച്ചും  അടിമാലി ടൗണിന് അനുയോജ്യമായ ടൗണ്‍ മാസ്റ്റര്‍ പ്ലാന്‍ രൂപപ്പെടുത്തുന്നതിനെക്കുറിച്ചും അടിമാലി ടൗണില്‍ð സി സി റ്റി വി ശൃംഗല സ്ഥാപിക്കുന്നതിനെ കുറിച്ചും ആലോചി ക്കുന്നതിന് ബന്ധപ്പെട്ടവരുടെ യോഗം ജൂണ്‍ 7 ഉച്ചക്ക്  2 ന് പഞ്ചായത്ത് ഹാളില്‍ð ചേരും. 
 

നെടുങ്കണ്ടം താലൂക്ക് ആശുപത്രി ലാബിലേക്ക് ആവശ്യമായ കെമിക്കല്‍സ് 2019 ജൂലൈ 1  മുതല്‍ 2020 മാര്‍ച്ച് 31 വരെ വിതരണം ചെയ്യുവാന്‍ താല്‍പ്പര്യമുള്ളവരില്‍ നിന്ന് മുദ്രവച്ച ടെണ്ടര്‍ ക്ഷണിച്ചു. ടെണ്ടര്‍ഫോം ജൂണ്‍ 8 ഉച്ചക്ക് ഒരുമണിവരെ ലഭിക്കും. ജൂണ്‍ 10ന് 12 മണിവരെ സ്വീകരിക്കും. അന്നേ ദിവസം മൂന്നിന് തുറക്കും. കൂടുതല്‍ വിവരങ്ങള്‍ പ്രവൃത്തി ദിവസങ്ങളില്‍ ആശുപത്രി ഓഫീസില്‍ നിന്നും ലഭിക്കും. 

അസാപ്പ് തൊടുപുഴ നൈപുണ്യ വികസന കേന്ദ്രത്തിന്റെ കീഴില്‍ ജനറല്‍ ഡ്യൂട്ടി അസിസ്റ്റന്റ് കോഴ്‌സ് ചെയ്ത സെന്റ് ജോര്‍ജ്ജ് എച്ച്.എസ്.എസ് കലയന്താനിയിലെ വിദ്യാര്‍ത്ഥികള്‍  സ്‌കില്‍ ട്രെയിനര്‍ റോസ്‌മേരിയുടെ നേതൃത്വത്തില്‍ ഏകദിന  മെഡിക്കല്‍ ക്യാമ്പും മെഡിക്കല്‍ എക്‌സിബിഷനും സംഘടിപ്പിച്ചു. സ്‌കൂള്‍ പ്രിന്‍സിപ്പാള്‍ മേന്‍സന്‍ മെഡിക്കല്‍ ക്യാമ്പ് ഉദ്ഘാടനം ചെയ്തു. ഹെഡ്മാസ്റ്റര്‍ ജോഷി മാത്യു, അസാപ് പ്രോഗ്രാം മാനേജര്‍ അനുപോള്‍, കോര്‍ഡിനേറ്റര്‍ ജോബിന്‍ എന്നിവര്‍ സംസാരിച്ചു. മെഡിക്കല്‍ ക്യാമ്പ് സന്ദര്‍ശിച്ചവരുടെ പ്രഷര്‍, ഷുഗര്‍, ബി.എം.ഐ പള്‍സ് എന്നിവ പരിശോധിച്ച് മാര്‍ഗ്ഗനിര്‍ദ്ദേശങ്ങള്‍ നല്‍കി. 
 

2019-20 അദ്ധ്യയന വര്‍ഷത്തേക്കുള്ള പ്ലസ് വണ്‍ സ്‌പോര്‍ട്‌സ് ക്വാട്ടാ സപ്ലിമെന്ററി രജിസ്‌ട്രേഷന്‍ ജൂണ്‍ 6 വരെ നിര്‍വ്വഹിക്കാം. മുന്‍പ് രജിസ്‌ട്രേഷന്‍ ചെയ്യാത്തവര്‍ അടിയന്തിരമായി ജില്ലാ സ്‌പോര്‍ട്‌സ് കൗണ്‍സിലില്‍ രജിസ്റ്റര്‍ ചെയ്യേണ്ടതാണ്. സ്‌പോര്‍ട്‌സ് ക്വാട്ട അഡ്മിഷന് വേണ്ടണ്‍ി 2017 ഏപ്രില്‍ 1 മുതല്‍ 2019 മാര്‍ച്ച് 31 വരെയുള്ള സ്‌പോര്‍ട്‌സ് സര്‍ട്ടിഫിക്കറ്റുകളാണ് പരിഗണിക്കുന്നത്.  ഫോണ്‍-04862-223236, 9495158083, 8547575248