ആലപ്പുഴ: വിഷരഹിത ജൈവ പച്ചക്കറികൾ, പഴ വർഗ്ഗങ്ങൾ, പച്ചക്കറി തൈകൾ, എന്നിവയുടെ വിപുലമായ വിപണിയൊരുക്കി മാതൃകയാവുകയാണ്  കളക്ടറേറ്റിലെ ഉദ്യോഗസ്ഥർ. കളക്ടറേറ്റിൽ പ്രവർത്തിക്കുന്ന വിവിധ സർക്കാർ വകുപ്പുകളിലെ ജീവനക്കാർ ചേർന്നാണ് ഇവിടേക്ക് ആവശ്യമുള്ള ജൈവ പച്ചക്കറികൾ, പഴങ്ങൾ എന്നിവ സ്വന്തം ഭവനങ്ങളിൽ ഉത്പാദിപ്പിച്ച് വിപണനത്തിനെത്തിച്ചിരിക്കുന്നത്.  എല്ലാ ബുധനാഴ്ച്ചകളിലും ഉച്ചക്ക് 1.30 മുതൽ രണ്ടു മണി വരെയാണ് പച്ചക്കറികളുടെ വിപണനം. ജോലി സമയത്തെ ബാധിക്കാതെ ഉച്ച ഭക്ഷണ സമയത്താണ് വിപണി ഒരുക്കിയിരിക്കുന്നത്.  

ആലപ്പുഴ : ലോക്സഭാ  തിരഞ്ഞെടുപ്പുമായി ബന്ധപ്പെട്ട്  107 ഹരിപ്പാട് മണ്ഡലത്തിലെ  വോട്ടവകാശമുള്ള മുഴുവൻ വോട്ടർമാരെയുംകൊണ്ട് വോട്ട് ചെയ്യിക്കുക എന്ന സന്ദേശവുമായി നങ്ങ്യാർകുളങ്ങര ടി.കെ.എം.എം കോളേജിൽ പോസ്റ്റർ  പ്രകാശനം ്,ഇ.വി.എം, വി.വിപാറ്റ് പരിചയപ്പെടുത്തൽ എന്നിവ നടന്നു.   കോളേജ് പ്രിൻസിപ്പാൾ ഡോ.ഷേർലി.പി.ആനന്ദിന്റെ അധ്യക്ഷതയിൽ നടന്ന ചടങ്ങിൽ ഡെപ്യൂട്ടി കളക്ടറും,ഹരിപ്പാട് എ.ആർ.ഒയുമായ  ഉഷാ കുമാരി ഉദ്ഘാടനം നിർവഹിച്ചു. 

ആലപ്പുഴ: പോളിങ് ജോലിക്ക് നിയമിച്ച ഉദ്യോഗസ്ഥരുടെ നിയമന തിരഞ്ഞെടുപ്പ് ജില്ലാ കളക്ടറുടെ അധ്യക്ഷതയിൽ നടന്നു. ബന്ധപ്പെട്ട ഉദ്യോഗസ്ഥർക്ക് ജോലി സംബന്ധിച്ച്  കത്ത് നൽകാനാണ് തീരുമാനം. അതിന് ശേഷം മാർച്ച് 30, ഒന്ന് , രണ്ട് തീയതികളിൽ ഉദ്യോഗസ്ഥർക്ക് പരിശീലനം നൽകും. അതത് അസി.റിട്ടേണിങ് ഓഫീസറുടെ നേതൃത്വത്തിലായിരിക്കും പരിശീലനം. 

ആലപ്പുഴ: മാവേലിക്കര, ലോകസഭ  നിയോജക മണ്ഡലങ്ങളിലെ അസി. എക്‌സ്‌പെൻഡിച്ചർ ഒബ്‌സർവർമാർ, സ്റ്റാറ്റിക്ക്, സർവ്വലയൻസ്, ഫ്‌ളയിങ് സ്‌ക്വാഡ് എന്നിവരുടെ എക്‌സിക്യൂട്ടീവ് മജിസ്‌ട്രേറ്റുമാർ, വീഡിയോ സർവ്വലയൻസ്, വീഡിയോ വ്യൂവിങ്, അക്കൗണ്ടിങ് ടീമുകളുടെ ചാർജ്ജ് ഓഫീസർമാർ എന്നിവരുടെ യോഗം തിരഞ്ഞെടുപ്പ് ചെലവ് നിരീക്ഷകരുടെ സാന്നിധ്യത്തിൽ മാർച്ച് 29ന് രാവിലെ 10ന് ഡി.പി.ഒ ഹാളിൽ നടത്തും. യോഗത്തിൽ തിരഞ്ഞെടുപ്പ് ചെലവ് നീരീക്ഷകനും തിരഞ്ഞെടുപ്പ് ചെലവ് നോഡൽ ഓഫീസർ കൂടിയായ ജില്ല ഫിനാൻസ് ഓഫീസറും സംഘങ്ങൾക്ക് മാർഗ്ഗനിർദ്ദേശങ്ങൾ നൽകും.

ആലപ്പുഴ: മെയിൽ നടക്കുന്ന 109-ാമത് അഖിലേന്ത്യാ അപ്രന്റീസ്ഷിപ്പ് ട്രേഡ് ടെസ്റ്റിന് അപ്രന്റീസ് ട്രെയിനികളിൽ നിന്ന് നിശ്ചിത ഫോമിൽ അപേക്ഷ ക്ഷണിച്ചു. ജില്ലയിലെ വിവിധ സ്ഥാപനങ്ങളിൽ ആർ.ഐ. സെന്ററിൽ നിന്നും നിയോഗിച്ച് ഏപ്രിൽ 15 വരെ അപ്രന്റീസ്ഷിപ്പ് പൂർത്തിയാക്കുന്നവർക്ക് അപേക്ഷിക്കാം. 0230-ലേബർ ആൻഡ് എംപ്ലോയ്മെന്റ്-00-800-അദർ റസീപ്റ്റ്സ്-88-അദർ ഐറ്റംസ് എന്ന ശീർഷകത്തിൽ പരീക്ഷാഫീസ് ട്രഷറിയിൽ ചെലാൻ അടച്ച് ഒറിജിനൽ രസീത് അപേക്ഷയോടൊപ്പം സമർപ്പിക്കണം. ആദ്യമായി പരീക്ഷ എഴുതുന്നവർ 105 രൂപയും മുമ്പ് എഴുതി തോറ്റവർ 160 രൂപയും ഫീസടയ്ക്കണം. അപേക്ഷ സ്വീകരിക്കുന്ന അവസാന തീയതി ഏപ്രിൽ 12.

ആലപ്പുഴ: വാർഷിക സ്റ്റോക്കെടുപ്പ് പ്രമാണിച്ച് ജില്ല സ്റ്റേഷനറി സ്റ്റോറിൽ നിന്ന് ഏപ്രിൽ ഒന്ന്, രണ്ട് തീയതികളിൽ സ്റ്റേഷനറി വിതരണം ഉണ്ടായിരിക്കുന്നതല്ലായെന്ന് ജില്ല സ്റ്റേഷനറി ഓഫീസർ അറിയിച്ചു.

ആലപ്പുഴ: ജില്ലയിലെ പാചക വാതക വിതരണ രംഗത്തെ പരാതികൾ പരിഹരിക്കുന്നതിനായി എൽ.പി.ജി. കമ്പനി അധികൃതരേയും ജില്ലയിലെ മുഴുവൻ പാചക വാതക വിതരണ ഏജൻസികളേയും ജനപ്രതിനിധികളേയും പൊതുജനങ്ങളേയും സിവിൽ സപ്ലൈസ് വകുപ്പ് ജീവനക്കാരെയും പങ്കെടുപ്പിച്ചുകൊണ്ട് ഏപ്രിൽ രണ്ടിന്  നടത്താൻ നിശ്ചയിച്ചിരുന്ന എൽ.പി.ജി.അദാലത്ത്, ലോക്‌സഭ തിരഞ്ഞെടുപ്പ് തീയതി നിശ്ചയിച്ചിട്ടുളളതിനാൽ മാറ്റിവെച്ചു. പൂതുക്കിയ തീയതി പിന്നീട് അറിയിക്കും. 

ലോക്സഭാ തെരഞ്ഞെടുപ്പിനോടനുബന്ധിച്ച് രാഷ്ട്രീയ പാര്‍ട്ടികളും സ്ഥാനാര്‍ത്ഥികളും  വിവിധ മാധ്യമങ്ങളില്‍ പ്രസിദ്ധപ്പെടുത്തുന്ന പരസ്യങ്ങള്‍ക്കുള്ള മുന്‍കൂര്‍ അനുമതി  ലഭ്യമാക്കുന്നതിനുള്ള 
ജില്ലാതല മീഡിയ സര്‍ട്ടിഫിക്കേഷന്‍ ആന്റ് മോണിട്ടറിംഗ് കമ്മിറ്റി (എം.സി.എം.സി) കളക്ടറേറ്റില്‍ പ്രവര്‍ത്തനമാരംഭിച്ചു.   ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തിലുള്ള മീഡിയ സെന്ററില്‍ അപേക്ഷ സ്വീകരിക്കും.

കമ്മറ്റിക്ക് സമര്‍പ്പിച്ച് അംഗീകാരം നേടിയ പരസ്യങ്ങള്‍ മാത്രമേ  ലോക്‌സഭാ തിരഞ്ഞെടുപ്പു പ്രചാരണവുമായി ബന്ധപ്പെട്ട്  മാധ്യമങ്ങള്‍ക്ക് നല്‍കാവൂ.

കോഴിക്കോട് ലേബര്‍ കോടതിയുടെ ഓഫീസ് ആവശ്യങ്ങള്‍ക്കായും ക്യാമ്പ് സിറ്റിംഗിനായും ഡ്രൈവര്‍ സഹിതം പുതിയ കാര്‍ അഞ്ച് വര്‍ഷത്തേക്ക് മാസ വാടക വ്യവസ്ഥയില്‍ ആവശ്യമുണ്ട്. വാഹനം നല്‍കാന്‍ ആഗ്രഹിക്കുന്ന വ്യക്തികള്‍/സ്ഥാപനങ്ങള്‍ നിശ്ചിത ഫോറത്തില്‍ തയ്യാറാക്കിയ സീല്‍ ചെയ്ത ക്വട്ടേഷനുകള്‍ ഏപ്രില്‍ 20 ന് അഞ്ച് മണിക്കകം കോഴിക്കോട് ലേബര്‍ കോടതിയില്‍ എത്തിക്കണം. 
 

 പൈമ്പാലുശ്ശേരി - മടവൂര്‍ മുക്ക് റോഡില്‍ പൈമ്പാലുശ്ശേരി അങ്ങാടി മുതല്‍ ഇടനിലാവില്‍ റോഡ് വരെ കലുങ്ക്/ഓടയുടെ പ്രവൃത്തികള്‍ നടക്കുന്നതിനാല്‍ ഇന്ന് (മാര്‍ച്ച് 28) മുതല്‍ പ്രവൃത്തി തീരുന്നതുവരെ ഈ റോഡിലൂടെയുളള വാഹന ഗതാഗതം ഭാഗികമായി നിരോധിച്ചു. പൈമ്പാലുശ്ശേരിയില്‍ നിന്നും കൊടുവളളി/മടവൂര്‍ മുക്ക് ഭാഗത്തേക്ക് പോകേണ്ട വാഹനങ്ങള്‍ ആരാമ്പ്രം-കച്ചേരിമുക്ക് കാവിലുമ്മാരം വഴിയം തിരിച്ചും  പോകേണ്ടതാണെന്ന്  എക്സിക്യൂട്ടീവ് എഞ്ചിനീയര്‍  അറിയിച്ചു.മരം ലേലം