ലോക്‌സഭ തെരഞ്ഞടുപ്പ് നടത്തിപ്പിനായി പോളിംഗ്  ഉദ്യോഗസ്ഥര്‍ക്കുള്ള ആദ്യ ഘട്ട പരിശീലനം പെരിയ ഗവര്‍മെന്റ് പോളിടെക്‌നിക്കില്‍ ജില്ലാ കളക്ടര്‍ ഡോ ഡി സജിത്ത് ബാബു ക്ലാസ്  എടുത്തുകൊണ്ട് ഉദ്ഘാടനം ചെയ്തു. പരിശീലനത്തില്‍ പങ്കെടുക്കുന്ന മുഴുവന്‍ പോളിംഗ് ഉദ്യോഗസ്ഥര്‍ക്കും ആവശ്യമായ  നിര്‍ദ്ദേശങ്ങള്‍ കളക്ടര്‍ നല്‍കി. തെരഞ്ഞെടുപ്പ് സുഗമമായി നടത്താനുള്ള എല്ലാ വിവരങ്ങളും ബോധ്യപ്പെട്ടതിന്  ശേഷം മാത്രമെ ക്ലാസ് വിട്ട് പോകാവുവെന്നും രണ്ടാം ഘട്ട പരിശീലനത്തില്‍ ഉള്‍പ്പെടുത്താവുന്ന അധിക വിവരങ്ങളെ സംബന്ധിച്ച് നിര്‍ദേശം നല്‍കാനും കളക്ടര്‍ ആവശ്യപ്പെട്ടു.

കാസര്‍കോട് നിയോജക മണ്ഡലത്തില്‍ വോട്ട് വണ്ടിയുടെ പ്രചാരണം ഇന്നു  (28)മുതല്‍ ആരംഭിക്കും. വിവിപാറ്റ് മെഷീന്‍ പരിചയപ്പെടുന്നതിനു വോട്ട് വണ്ടിയിലെ സൗകര്യം ജനങ്ങള്‍ പരമാവധി പ്രയോജനപ്പെടുത്തണമെന്നു ജില്ലാ കളക്ടര്‍  ഡോ. ഡി സജിത് ബാബു അറിയിച്ചു. മഞ്ചേശ്വരം മണ്ഡലത്തിലെ എല്ലാ വില്ലേജുകളിലും വോട്ട് വണ്ടി പര്യടനം പൂര്‍ത്തിയാക്കി. വിവിപാറ്റ് മെഷീന്റെ പ്രവര്‍ത്തനങ്ങളെക്കുറിച്ച് ജനങ്ങളില്‍ അവബോധം ഉണ്ടാക്കുന്നതിന്റെ ഭാഗമായാണ് ജില്ലയില്‍ വോട്ട് വണ്ടിയുടെ പ്രചാരണം നടത്തുന്നത്. 

ലോക്‌സഭാ തെരഞ്ഞടുപ്പില്‍  ജില്ലയില്‍ ഏറ്റവും കൂടുതല്‍ ഭിന്നശേഷി വോട്ടര്‍മാരുള്ളത് ഉദുമ, മഞ്ചേശ്വരം നിയോജക മണ്ഡലങ്ങളില്‍. ഉദുമയില്‍ 1217 ഭിന്നശേഷി വോട്ടര്‍മാരും മഞ്ചേശ്വരത്ത് 1206 വോട്ടര്‍മാരുമാണുള്ളത്. 

 ലോക്‌സഭ തെരഞ്ഞെടുപ്പുമായി ബന്ധപ്പെട്ട ജോലികള്‍ അടിയന്തരമായി ചെയ്തു തീര്‍ക്കേണ്ടതിനാല്‍ മാര്‍ച്ച് മാസത്തെ സ്യൂട്ട് / എംപവര്‍മെന്റ്  യോഗങ്ങള്‍ മാറ്റിവച്ചു.  പുതുക്കിയ തീയതി പിന്നീട് അറിയിക്കും. 

ലോക്സഭാ തെരഞ്ഞെടുപ്പില്‍ ഇന്ന്(മാര്‍ച്ച് 28) മുതല്‍ ഏപ്രില്‍ 4 വരെ നാമനിര്‍ദ്ദേശ പത്രിക സമര്‍പ്പിക്കാം. രാവിലെ 11  മുതല്‍ ഉച്ചകഴിഞ്ഞ്  മൂന്നു വരെയാണ് പത്രികാ സമര്‍പ്പണത്തിനുള്ള സമയം. പത്രികകള്‍ ജില്ലാ വരണാധികാരിക്കോ   അദ്ദേഹത്തിന്റെ അഭാവത്തില്‍ പ്രത്യേക  ചുമതല നല്‍കിയിട്ടുള്ള അസിസ്റ്റന്റ് റിട്ടേണിംഗ്  ഓഫീസര്‍ക്കോ സമര്‍പ്പിക്കാം. ഒരു സ്ഥാനാര്‍ത്ഥിക്ക് നാലുസെറ്റ് പത്രികകള്‍വരെ നല്‍കാം.

ലോക്‌സഭ തെരഞ്ഞെടുപ്പ്:

പത്രിക സമര്‍പ്പണം നാളെ(മാര്‍ച്ച് 28) മുതല്‍

ലോക്സഭ തെരഞ്ഞെടുപ്പ് ഹരിത ശുചിത്വ തെരഞ്ഞെടുപ്പായി നടത്തുന്നതുമായി ബന്ധപ്പെട്ട് ജില്ലാ ശുചിത്വമിഷന്‍, ഹരിത കേരള മിഷന്‍ എന്നിവയുടെ നേതൃത്വത്തില്‍ ജില്ലാ ഭരണകൂടവുമായി ചേര്‍ന്ന് തയ്യാറാക്കിയ മാതൃക പോളിംഗ് സ്റ്റേഷന്റെ ഉദ്ഘാടനം ജില്ലാ കലക്ടര്‍ മീര്‍ മുഹമ്മദ് അലി നിര്‍വഹിച്ചു. ഹരിത പെരുമാറ്റച്ചട്ടം അനുസരിച്ച് നടത്തുന്ന തെരഞ്ഞെടുപ്പില്‍ ഓരോ പോളിംഗ് സ്റ്റേഷനുകളിലും ഉണ്ടായിരിക്കേണ്ട സൗകര്യങ്ങളെക്കുറിച്ചും പാലിക്കേണ്ട നിയമങ്ങളെക്കുറിച്ചും വിശദീകരിക്കുന്നതാണ് കലക്ടറേറ്റില്‍ സജ്ജീകരിച്ചിരിക്കുന്ന മാതൃകാ പോളിംഗ് സ്റ്റേഷന്‍. 

 സൂര്യാഘാതം മൂലമുണ്ടാകുന്ന ഗുരുതരമല്ലാത്ത രോഗ ലക്ഷണങ്ങൾക്ക്  ഹോമിയോ സ്ഥാപനങ്ങളിൽ പ്രതിവിധി ലഭ്യമാണെന്ന് ഡയറക്ടർ കെ. ജമുന അറിയിച്ചു. ചൂടുകുരു, സൂര്യതാപം മൂലമുള്ള ലഘുവായ പൊള്ളൽ, കരുവാളിപ്പ് എന്നിവയ്ക്ക് മരുന്നുകൾ ഹോമിയോ ആശുപത്രികളിൽ നിന്നും ലഭിക്കും.

ക്രിമിനൽ കേസുകൾ സംബന്ധിച്ച വിവരങ്ങൾ പരസ്യപ്പെടുത്തുന്നതിൽ സ്ഥാനാർഥികൾ വീഴ്ച വരുത്തിയാൽ കോടതിയലക്ഷ്യത്തിനും തിരഞ്ഞെടുപ്പ് ഹർജികൾക്കും പരിഗണിക്കാവുന്ന കാരണമാകുമെന്ന് മുഖ്യ തിരഞ്ഞെടുപ്പ് ഓഫീസർ ടീക്കാറാം മീണ അറിയിച്ചു.

നിശ്ചിത ഫോർമാറ്റിൽ മേഖലയിലെ പ്രധാനപ്പെട്ട മൂന്ന് പത്രങ്ങളിലും മൂന്ന് പ്രധാന ടി.വി ചാനലുകളിലും മൂന്നു തവണ വീതമാണ് പരസ്യം ചെയ്യേണ്ടത്. നാമനിർദേശപത്രിക പിൻവലിക്കാനുള്ള അവസാന തീയതിയുടെ അടുത്തദിവസം മുതൽ വോട്ടെടുപ്പിന് രണ്ടു ദിവസം മുമ്പുവരെയുള്ള സമയത്താണ് പരസ്യം ചെയ്യേണ്ടത്. ജില്ലയിൽ പ്രചാരമുള്ള മൂന്നു പ്രമുഖ പത്രങ്ങളിലാണ് പരസ്യം നൽകേണ്ടത്.

 കാറ്റഗറി നമ്പര്‍ 539/2016 പ്രകാരം കാസര്‍കോട് ജില്ലയിലെ പഞ്ചായത്ത് വകുപ്പിലെ ലൈബ്രേറിയന്‍ ഗ്രേഡ് 4   തസ്തികയിലേക്ക് പി എസ് സി നടത്തിയ പരീക്ഷയുടെ ഷോര്‍ട്ട് ലിസ്റ്റ് പ്രസിദ്ധീകരിച്ചു.ലിസ്റ്റ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനയ്ക്ക് ലഭ്യമാണ്.