തെരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥര്‍ക്ക് മാര്‍ച്ച് 29, 30, ഏപ്രില്‍ ഒന്ന് തീയതികളിലായി ഒന്നാം ഘട്ട പരിശീലനം നല്‍കും. അതത് മണ്ഡലങ്ങളില്‍ രാവിലെ 10 മുതല്‍ ഒരു മണി വരെയും ഉച്ചയ്ക്ക് 1.30 മുതല്‍ വൈകീട്ട് അഞ്ച് വരെയുമായി രണ്ട് ഷിഫ്റ്റുകളിലായാണ് പരിശീലനം. ഓരോ മണ്ഡലങ്ങളിലും പ്രതിദിനം ആറ് പരിശീലന പരിപാടികളുണ്ടാകും. ഇതിനായി ഓരോ മണ്ഡലത്തിലും നാല് വീതം മാസ്റ്റേഴ്സ് ട്രെയിനേഴ്സിനെ നിയോഗിച്ചിട്ടുണ്ട്. ഓരോ പരിശീലന പരിപാടിയിലും 40 ജീവനക്കാരുടെ വരെ പങ്കാളിത്തമുണ്ടാകുമെന്ന് ജില്ലാ കലക്ടര്‍ അറിയിച്ചു.

തെരഞ്ഞെടുപ്പ് ജോലികള്‍ക്കായി ജില്ലയില്‍ നിയോഗിക്കപ്പെട്ട ഉദ്യോഗസ്ഥര്‍ക്ക് രണ്ടുദിവസത്തിനകം നിയമന ഉത്തരവ് നല്‍കും. അതത് വില്ലേജ് ഓഫീസര്‍ വഴിയായിരിക്കും ഉദ്യോഗസ്ഥര്‍ക്ക് നിയമന ഉത്തരവ് നല്‍കുക. ഓരോ ബൂത്തിലും പ്രിസൈഡിങ് ഓഫീസര്‍, ഒന്നാം പോളിങ് ഓഫീസര്‍, രണ്ടാം പോളിങ് ഓഫീസര്‍, നാലാം പോളിങ് ഓഫീസര്‍ എന്നീ നിലയിലാണ് ചുമതല നല്‍കുക. ആദ്യം അവരവര്‍ ജോലി ചെയ്യുന്ന മണ്ഡലത്തിലാകും ഉദ്യോഗസ്ഥര്‍ക്ക് ചുമതല. തുടര്‍ന്നാണ് ഏതു മണ്ഡലത്തിലാണ് തെരഞ്ഞെടുപ്പ് ജോലിയെന്ന് ജീവനക്കാര്‍ക്ക് അറിയാന്‍ കഴിയൂ. തെരഞ്ഞെടുപ്പിന് തലേദിവസം മാത്രമേ ഏത് ബൂത്തിലാണ് ചുമതലയെന്നും വ്യക്തമാകൂ.

    കോട്ടയം ജില്ലയില്‍ ആരോഗ്യവകുപ്പില്‍ ലബോറട്ടറി ടെക്നീഷ്യന്‍ ഗ്രേഡ്-കക (കാറ്റഗറി നമ്പര്‍ 305/17, 307/17) തസ്തികകളുടെ ചുരുക്കപ്പട്ടികയില്‍ ഉള്‍പ്പെട്ടിട്ടുളള ഉദ്യോഗാര്‍ഥികളുടെ അഭിമുഖം ഏപ്രില്‍ മൂന്നിന് കേരള പബ്ലിക് സര്‍വ്വീസ് കമ്മീഷന്‍റെ എറണാകുളം ജില്ലാ ഓഫീസില്‍ നടക്കും. മാര്‍ച്ച് 28നകം അറിയിപ്പ് ലഭിക്കാത്തവര്‍ കോട്ടയം ജില്ലാ പി.എസ്.സി ഓഫീസുമായി ബന്ധപ്പെടണം. 

എല്‍.ബി.എസ്സ് സെന്‍ററിന്‍റെ ഏറ്റുമാനൂര്‍ ഉപകേന്ദ്രത്തില്‍  ഏപ്രില്‍ മൂന്നിന്                 ആരംഭിക്കുന്ന  മൂന്നു  മാസം ദൈര്‍ഘ്യമുള്ള ഡേറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്സിന് അപേക്ഷ ക്ഷണിച്ചു. എസ്.എസ്.എല്‍.സി വിജയിച്ചവര്‍ക്കും ഫലം കാത്തിരിക്കുന്നവര്‍ക്കും  അപേക്ഷിക്കാം. കൂടുതല്‍ വിവരങ്ങള്‍ 0481-2534820 എന്ന നമ്പരില്‍ ലഭിക്കും. 

        വാര്‍ഷിക സ്റ്റോക്കെടുപ്പ് പ്രമാണിച്ച് ഏപ്രില്‍ മാസത്തെ ആദ്യ രണ്ട് പ്രവൃത്തിദിവസങ്ങളില്‍ സ്റ്റേഷനറി വിതരണം ഉണ്ടായിരിക്കുന്നതല്ലെന്ന് ജില്ലാ സ്റ്റേഷനറി ഓഫീസര്‍ അറിയിച്ചു. 

   ലോക്സഭാ തിരഞ്ഞെടുപ്പുമായി ബന്ധപ്പെട്ട് സംസ്ഥാന പൊതുഭരണ വകുപ്പ് പ്രിന്‍സിപ്പല്‍ സെക്രട്ടറിയുടെ ഉത്തരവ് സര്‍ക്കാര്‍ ജീവനക്കാര്‍ കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ പി.കെ. സുധീര്‍ ബാബു അറിയിച്ചു.

    ലോക്സഭ തിരഞ്ഞെടുപ്പിനുള്ള നാമനിര്‍ദ്ദേശ പത്രിക  സമര്‍പ്പണം നാളെ (മാര്‍ച്ച് 28)   ആരംഭിക്കും.  വരണാധികാരിയായ ജില്ലാ കളക്ടര്‍ക്ക്  ഏപ്രില്‍ നാലു വരെ പത്രികകള്‍ നല്‍കാം. സൂക്ഷ്മ പരിശോധന ഏപ്രില്‍ അഞ്ചിന് നടക്കും. പത്രിക പിന്‍വലിക്കുന്നതിനുള്ള അവസാന തീയതി ഏപ്രില്‍ എട്ടാണ്.

    ലോക്സഭ തിരഞ്ഞെടുപ്പിനുള്ള നാമനിര്‍ദ്ദേശ പത്രിക  സമര്‍പ്പണം നാളെ (മാര്‍ച്ച് 28)   ആരംഭിക്കും.  വരണാധികാരിയായ ജില്ലാ കളക്ടര്‍ക്ക്  ഏപ്രില്‍ നാലു വരെ പത്രികകള്‍ നല്‍കാം. സൂക്ഷ്മ പരിശോധന ഏപ്രില്‍ അഞ്ചിന് നടക്കും. പത്രിക പിന്‍വലിക്കുന്നതിനുള്ള അവസാന തീയതി ഏപ്രില്‍ എട്ടാണ്.

മാധ്യമ കോഴ്‌സുകള്‍ക്ക് അപേക്ഷ ക്ഷണിച്ചു

റിയല്‍ എസ്റ്റേറ്റ്, ഇന്നവേറ്റീവ് മാര്‍ക്കറ്റിംഗ് തുടങ്ങിയ സംരംഭങ്ങള്‍ തൊഴിലാളി ക്ഷേമനിധി ബോര്‍ഡിന്റെ പരിധിയില്‍ ഉള്‍പ്പെടുത്തണമെന്ന് ട്രേഡ് യൂണിയന്‍ നേതാക്കളുടെ യോഗം നിര്‍ദേശിച്ചു. അസംഘടിത മേഖലയില്‍ ഉള്‍പ്പെടാത്ത വഴിയോര കച്ചവടക്കാരെയും ഇതര സംസ്ഥാന തൊഴിലാളികളെയും ഉള്‍പ്പെടുത്തി തൊഴിലാളികളുടെ എണ്ണം ഒരു ലക്ഷത്തിലധികം വര്‍ധിപ്പിക്കണമെന്നും ക്ഷേമനിധി ബോര്‍ഡിന്റെ നിലവിലെ അംശദായം ഉയര്‍ത്തണമെന്നും കേരള തൊഴിലാളി ക്ഷേമനിധി ബോര്‍ഡിന്റെ നേതൃത്വത്തില്‍ ജില്ലാ ഓഫീസില്‍ വെച്ചു നടന്ന യോഗം ആവശ്യപ്പെട്ടു.