വേനല്‍ക്കാലം കടുത്തതോടെ ആരോഗ്യകാര്യത്തിലും പ്രത്യേക ജാഗ്രത പുലര്‍ത്തണമെന്ന്  ആയൂര്‍വ്വേദ ജില്ലാ മെഡിക്കല്‍ ഓഫീസര്‍ ഡോ: കെ.സുശീല അറിയിച്ചു. ശുചിത്വവും ആരോഗ്യകരമായ ഭക്ഷണശീലവും ഉണ്ടെങ്കില്‍ മാത്രമേ ഒട്ടു മിക്ക വേനല്‍ രോഗങ്ങളെ അകറ്റി നിര്‍ത്താന്‍ കഴിയുകയുള്ളുവെന്നും ജില്ലാ മെഡിക്കല്‍ ഓഫീസര്‍ പറഞ്ഞു. വേനല്‍ക്കാലത്തെ ചൂടിനെ അതിജീവിക്കാന്‍ ആയൂര്‍വ്വേദത്തില്‍ നിര്‍ദ്ദേശിക്കപ്പെട്ടിട്ടുള്ള പത്ഥ്യമായ ആഹാരവിഹാരങ്ങളെക്കുറിച്ചും പാടില്ലാത്തതിനെ ക്കുറിച്ചും  ജില്ലാമെഡിക്കല്‍ ഓഫീസര്‍ നിര്‍ദേശിച്ചു.

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില്‍ മാര്‍ച്ച് 23 മുതല്‍  24 വരെ  തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം,  തൃശൂര്‍, പാലക്കാട്,  കോഴിക്കോട്, കണ്ണൂര്‍ എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്നും രണ്ട് മുതല്‍ മൂന്ന് ഡിഗ്രി വരെ  വരെ  ഉയരുവാന്‍ സാധ്യതയുണ്ട്.

    കൊണ്ടോട്ടി അസംബ്ലി മണ്ഡലത്തിലെ രാഷ്ട്രീയ പാര്‍ട്ടി പ്രതിനിധികളുടെ യോഗം മാര്‍ച്ച് 27 രാവിലെ 11ന് കൊണ്ടോട്ടി ബ്ലോക്ക് പഞ്ചായത്ത് ഓഫീസില്‍ ചേരും.  ദേശീയ - സംസ്ഥാന പാര്‍ട്ടികളുടെയും കൊണ്ടോട്ടി അസംബ്ലി മണ്ഡലത്തിലെ രജിസ്‌ട്രേഡ് പാര്‍ട്ടികളുടെയും പ്രതിനിധികള്‍ യോഗത്തില്‍ പങ്കെടുക്കണം.

തെരഞ്ഞെടുപ്പ് വോട്ടര്‍പട്ടികയില്‍ വോട്ട ചേര്‍ക്കുന്നതിനു നാളെ  (മാര്‍ച്ച് 25 ) വരെ അവസരം. 2001 ജനുവരി ഒന്നു വരെ ജനിച്ചവര്‍ക്കാണ് ഓണ്‍ ലൈന്‍ വഴി വോട്ട ചേര്‍ക്കാന്‍ അവസരമുള്ളത്. വോട്ടര്‍പട്ടികയില്‍ നിന്നു പേര് വെട്ടി പോയവര്‍ക്കും ബൂത്ത് മാറ്റത്തിനും തെറ്റുകള്‍ തിരുത്തുന്നതിനും സൗകര്യമുണ്ട്. പഴയ തിരിച്ചറിയല്‍ കാര്‍ഡുകള്‍ മാറ്റി പുതിയ കളര്‍ ഫോട്ടോ ചേര്‍ത്ത പ്ലാസ്റ്റിക് കാര്‍ഡുകളാക്കി മാറ്റാനും കഴിയും.

സ്ഥാനാർഥി നൽകുന്ന പത്രികയുടെ പകർപ്പും സത്യവാങ്മൂലത്തിന്റെ പകർപ്പും അതത് ദിവസം വരണാധികാരിയുടെയും ഉപ വരണാധികാരിയുടെയും കാര്യാലയത്തിൽ പൊതുജനങ്ങൾക്കായി പ്രദർശിപ്പിക്കണം. പത്രിക സ്വീകരിച്ച ഇരുപത്തിനാലു മണിക്കൂറിനകം ഇവ കമ്മീഷൻ വെബ്‌സൈറ്റിലും ലഭ്യമാക്കും. മണ്ഡല പരിധിക്ക് വെളിയിലാണ് വരണാധികാരിയുടെയും സഹവരണാധികാരിയുടെയും  ഓഫീസെങ്കിൽ മണ്ഡല പരിധിയിലെ പൊതു സ്ഥലത്ത് ഇത് പ്രദർശിപ്പിക്കണമെന്ന് കമ്മീഷൻ നിർദ്ദേശിച്ചിട്ടുണ്ട്.

വാഹന ഗതാഗതം തടസപ്പെടും

ആലപ്പുഴ: ലോകസഭ തിരഞ്ഞെടുപ്പിനുള്ള നാമനിർദ്ദേശ പത്രിക ഈ മാസം 28 മുതൽ സമർപ്പിക്കാം. ആലപ്പുഴ, മാവേലിക്കര മണ്ഡലങ്ങളിലേക്കായി വരണാധികാരിയായ ജില്ല കളക്ടർക്കാണ് പത്രിക നൽകേണ്ടത്. മാവേലിക്കര മണ്ഡലത്തിൽ സഹവരണാധികാരിയായ ചെങ്ങന്നൂർ ആർ.ഡി.ഒയ്ക്കും പത്രിക സ്വീകരിക്കാൻ അനുമതിയുണ്ട്. പത്രിക സമർപ്പണത്തിനുള്ള അവസാന തീയതി ഏപ്രിൽ നാലിനും സൂക്ഷമ പരിശോധന അഞ്ചിനുമാണ്.

ആലപ്പുഴ: ലോകസഭ തിരഞ്ഞെടുപ്പിൽ 100 ശതമാനം പോളിങ്, പരിസ്ഥിതി സൗഹൃദ തിരഞ്ഞെടുപ്പ് എന്നിവ ലക്ഷ്യമിട്ട് വോട്ടു ചെയ്യൂ മരം നടൂ പദ്ധതിയുമായി ആലപ്പുഴ ജില്ല ഭരണകൂടം. ഇതിന്റെ ഭാഗമായി ചന്തകളിലും പൊതു സ്ഥലങ്ങളിലും കടന്നുചെന്ന് ജില്ല കളക്ടർ എസ്.സുഹാസ് വി.വി.പാറ്റ് മെഷീൻ പ്രവർത്തനം പരിചയപ്പെടുത്തി. തിരഞ്ഞെടുപ്പു ചൂടിലും പ്രകൃതി സംരക്ഷണത്തിന്റെയും ഹരിതചട്ടത്തിന്റെയും പുതിയ പാഠം പകർന്നുനൽകുകയാണ് ജില്ല ഭരണകൂടം.

ആലപ്പുഴ: ലോക്‌സഭാ തിരഞ്ഞെടുപ്പിന്റെ പശ്ചാത്തലത്തിൽ സർക്കാർ ഉദ്യോഗസ്ഥർ പാലിക്കേണ്ട ചട്ടങ്ങളും നിയന്ത്രണങ്ങളും വ്യക്തമാക്കിക്കൊണ്ട് സംസ്ഥാന പൊതുഭരണ വകുപ്പ് പ്രിൻസിപ്പൽ സെക്രട്ടറി ഉത്തരവിറക്കി. ഉത്തരവ് കർശനമായി പാലിക്കണമെന്നും ഏതെങ്കിലും തരത്തിലുള്ള വ്യതിയാനം ശ്രദ്ധയിൽപ്പെട്ടാൽ കർശനനടപടി സ്വീകരിക്കുമെന്നും ഉത്തരവിൽ വ്യക്തമാക്കിയിട്ടുണ്ട്. തിരഞ്ഞെടുപ്പ് കമ്മീഷൻ ലോക്‌സഭ തെരഞ്ഞെടുപ്പിന്റെ ഭാഗമായി തിരഞ്ഞെടുപ്പ് പെരുമാറ്റച്ചട്ടം ബാധകമാക്കിയിരിക്കുന്നതിന് പിന്നാലെയാണ് പൊതുഭരണ വകുപ്പിന്റെ ഉത്തരവ്.

ആലപ്പുഴ:ജില്ലയിൽ വ്യാപകമായി അനധികൃത നിലം നികത്തും മണ്ണെടുപ്പും ശ്രദ്ധയിൽപ്പെട്ട സാഹചര്യത്തിൽ ഇത് തടയുന്നതിന് താലൂക്ക് തലത്തിൽ രൂപീകൃതമായ സ്‌ക്വാഡിന്റെ പ്രവർത്തനം ഉർജ്ജിതപ്പെടുത്തുവാൻ ജില്ലാകളക്ടർ കർശന നിർദ്ദേശം നൽകി. സബ്കളക്ടർ, ചെങ്ങന്നൂർ ആർ.ഡി.ഓ എന്നിവർ ഇതിന് നേതൃത്വം നൽകുമെന്ന് കളക്ടർ അറിയിച്ചു.