ലോക്‌സഭാ തെരഞ്ഞടുപ്പിന്റെ ഭാഗമായി വോട്ടര്‍മാരുടെ സംശയങ്ങള്‍ ദൂരികരിക്കാനും വിവിപാറ്റ് മെഷീന്റെ പ്രവര്‍ത്തനങ്ങളെക്കുറിച്ച് ജനങ്ങളില്‍ അവബോധം സൃഷ്ടിക്കാനും ജില്ലയില്‍ വോട്ട്‌വണ്ടി പ്രചാരണം തുടങ്ങി. ആദ്യഘട്ടത്തില്‍ മഞ്ചേശ്വരം നിയോജക മണ്ഡലത്തില്‍ പര്യടനം പൂര്‍ത്തിയാക്കി കാസര്‍കോട്  നിയോജക മണ്ഡലത്തില്‍ പര്യടനം തുടരുകയാണ് വോട്ട് വണ്ടി. 

പരിസ്ഥിതി സൗഹൃദ തെരഞ്ഞെടുപ്പ് എന്ന സന്ദേശം പകരാന്‍ ശുചിത്വമിഷന്റെ നേതൃത്വത്തില്‍ കാഞ്ഞങ്ങാട് ഏപ്രില്‍ നാലിന് ഹരിത റാലി നടത്തും. വൈകുന്നേരം മൂന്നിന് കാഞ്ഞങ്ങാട് താലൂക്ക് ഓഫീസ്  പരിസരത്ത് നിന്നാരംഭിക്കുന്ന റാലി   കോട്ടച്ചേരിയില്‍ സമാപിക്കും. ഹരിത തെരഞ്ഞെടുപ്പ് ലോഗോ പതിച്ച ജേഴ്‌സിയണിഞ്ഞ് എന്‍ എസ് എസ് വിദ്യാര്‍ത്ഥികള്‍, വളണ്ടിയര്‍മാര്‍, ഹരിത കര്‍മ്മ സേനാംഗങ്ങള്‍, ശുചിത്വ മിഷന്‍ ജീവനക്കാര്‍, കാഞ്ഞങ്ങാട് മുനിസിപ്പാലിറ്റി ഹെല്‍ത്ത് വിഭാഗം ജീവനക്കാര്‍ എന്നിവര്‍   റാലിയില്‍ പങ്കെടുക്കും.

തെരഞ്ഞെടുപ്പ് ഉദ്യോഗസ്ഥര്‍ക്കും  കാസര്‍കോട് ജില്ലയിലെ വോട്ടര്‍മാര്‍ക്കും  പോളിങ് ബൂത്തുകള്‍ എളുപ്പത്തില്‍  കണ്ടുപിടിക്കുന്നതിനായി ഇനി ക്യു ആര്‍ കോഡും  പ്രയോജനപ്പെടുത്താം. ഇന്ത്യയിലാദ്യമായാണ് തെരഞ്ഞെടുപ്പിനായി ഒരു ജില്ലയില്‍ ക്യൂ ആര്‍ കോഡ് സാങ്കേതിക വിദ്യ ഉപയോഗിക്കുന്നത്. ഇതിലൂടെ പോളിങ് ബൂത്ത് സ്ഥിതി ചെയ്യുന്ന പ്രദേശമുള്‍പ്പെടെയുള്ള വിവരങ്ങള്‍  നിമിഷങ്ങള്‍ക്കകം കണ്ടെത്താന്‍ സാധിക്കും. ജില്ലാ കളക്ടര്‍ ഡോ. ഡി സജിത് ബാബുവിന്റെ പ്രത്യേക താല്‍പര്യപ്രകാരം ഫിനെക്‌സ്റ്റ് ഇന്നവേഷന്‍സ് എന്ന സ്റ്റാര്‍ട്ടപ് കമ്പനിയാണ് പദ്ധതിക്ക് വേണ്ട മൊബൈല്‍ ആപ്ലിക്കേഷന്‍ നിര്‍മ്മിച്ചിരിക്കുന്നത്.

ലോക്‌സഭാ തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കാനുള്ള ആദ്യ ദിനമായ ഇന്നലെ (മാര്‍ച്ച് 28) കാസര്‍ഗോഡ് ലോക്‌സഭാ മണ്ഡലത്തില്‍ ആരും പത്രിക നല്‍കിയില്ല.

 പത്രിക നല്‍കുമ്പോള്‍ ശ്രദ്ധിക്കേണ്ട കാര്യങ്ങള്‍:

തിരുവനന്തപുരം മേഖല സ്റ്റേഷനറി ആഫീസിലെ വാർഷിക സ്റ്റോക്കെടുപ്പ് പ്രമാണിച്ച് ഏപ്രിൽ ഒന്ന്, രണ്ട്, മൂന്ന് തിയതികളിൽ സ്റ്റേഷനറി വിതരണം ഉണ്ടായിരിക്കുന്നതല്ലെന്ന് അസിസ്റ്റന്റ് സ്റ്റേഷനറി കൺട്രോളർ അറിയിച്ചു.

പി.എൻ.എക്സ്. 1010/19

ജസ്റ്റിസ് സിറിയക് ജോസഫ് കേരള ലോകായുക്തയായി സത്യപ്രതിജ്ഞ ചെയ്ത് സ്ഥാനമേറ്റു. രാജ്ഭവനിൽ നടന്ന ചടങ്ങിൽ ഗവർണർ ജസ്റ്റിസ് പി.സദാശിവം സത്യപ്രതിജ്ഞ ചൊല്ലിക്കൊടുത്തു. നേരത്തെ ചീഫ് സെക്രട്ടറി ടോം ജോസ് ലോകായുക്തയായി ജസ്റ്റിസ് സിറിയക് ജോസഫിനെ നിയമിച്ചുകൊണ്ടുള്ള വിജ്ഞാപനം വായിച്ചു.

മുഖ്യമന്ത്രി പിണറായി വിജയൻ, മന്ത്രി കെ.രാജു, പ്രതിപക്ഷനേതാവ് രമേശ് ചെന്നിത്തല, ഒ.രാജഗോപാൽ എംഎൽഎ, മേയർ വി.കെ.പ്രശാന്ത്, ഡിജിപി ലോക്‌നാഥ് ബെഹ്‌റ, മറ്റ് ഉന്നതോദ്യോഗസ്ഥർ, ജസ്റ്റിസ് സിറിയക് ജോസഫിന്റെ കുടുംബാംഗങ്ങൾ തുടങ്ങിയവർ സന്നിഹിതരായിരുന്നു.

പി.എൻ.എക്സ്. 1009/19

''എന്റെവോട്ട്എന്റെഅവകാശം, ഒരുവോട്ടു പോലും പാഴായിപോകരുത്'' എന്ന സന്ദേശവുമായി സ്വീപ് തിരൂരുംജെ.സി.ഐയും സംയുക്തമായി തിരൂര്‍ നഗരത്തില്‍ ബൈക്ക് റാലി സംഘടിപ്പിച്ചു. തിരൂര്‍ സെന്‍ട്രല്‍ ജംങ്ഷനില്‍ നിന്നാരംഭിച്ച റാലി ബോയ്‌സ് ഹയര്‍ സെക്കന്‍ഡറി സ്‌കൂള്‍ പരിസരത്ത്‌സമാപിച്ചു. ആര്‍.ഡി.ഒ ബി.പി  സുനിലാല്‍ റാലി ഫ്ളാഗ്ഓഫ്‌ചെയ്തു. പി.ഉണ്ണി, തെസ്നി കമറുദ്ദീന്‍ തുടങ്ങിയവര്‍ സംസാരിച്ചു.

ആരോഗ്യജാഗ്രത 2019, ഭയമല്ല, ജാഗ്രതയാണ്‌വേണ്ടത് എന്ന ലക്ഷ്യത്തോടെ ആരോഗ്യവകുപ്പിന്റെ നേതൃത്വത്തില്‍ മാലിന്യ പരിപാലനവും, പകര്‍ച്ച വ്യാധിയുംവിഷയത്തില്‍ഇന്ന് ഏകദിന ശില്‍പ്പശാല സംഘടിപ്പിക്കുന്നു. പരിപാടിയുടെ ഉദ്ഘാടനം രാവിലെ 9.30ന് ജില്ലാ കലക്ടര്‍ അമിത്മീണ നിര്‍വഹിക്കും. മലപ്പുറം റീജിയന്‍സിയില്‍ നടക്കുന്ന പരിപാടിയില്‍ ജില്ലാമെഡിക്കല്‍ഓഫിസര്‍ഡോക്ടര്‍കെ. സക്കീന അധ്യക്ഷത വഹിക്കും.ഡിപിഎംഡോ.ഷിബുലാല്‍മുഖ്യ പ്രഭാഷണം നടത്തും. ശില്‍പ്പശാലയില്‍വിവിധ വകുപ്പ് മേധാവികള്‍വിഷയങ്ങള്‍അവതരിച്ചുസംസാരിക്കും.

കുടുംബശ്രീ ജില്ലാമിഷന്റെ നേതൃത്വത്തില്‍ കുടുംബശ്രീ കാറ്ററിങ് യൂനിറ്റുകള്‍ക്ക് വേണ്ടി സംഘടിപ്പിച്ച 'വടക്കിനി ജംങ്ഷന്‍' പാചക മത്സരത്തില്‍ മലപ്പുറം എ.ജെ ഇവന്റ്കാറ്ററിങ് യൂനിറ്റിലെ മൈമൂനയും ആബിദയും ഒന്നാംസ്ഥാനം കരസ്ഥമാക്കി. ഇവര്‍ക്ക് 'ചാദിന്റെഹൂറി' പട്ടം കുടുംബശ്രീജില്ലാ മിഷന്‍ കോ-ഓര്‍ഡിനേറ്റര്‍ സി.കെ.ഹേമലത സമ്മാനിച്ചു. കോട്ടക്കുന്ന്ഡിടിപിസിഹാളിലാണ്മത്സരം സംഘടിപ്പിച്ചത്.

ചേലേമ്പ്ര പഞ്ചായത്തിലെ പുല്ലിപ്പറമ്പില്‍ മഞ്ഞപ്പിത്ത ബാധയുണ്ടായ എളന്നുമ്മലിലും സമീപ പ്രദേശങ്ങളിലുംആരോഗ്യവകുപ്പ്  പ്രത്യേകസ്‌ക്വാഡുകള്‍രൂപീകരിച്ച് പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കി. വീടുകള്‍ക്ക് പുറമെ ആരാധനാലയങ്ങള്‍, സ്‌കൂളുകള്‍, കളിസ്ഥലങ്ങള്‍എന്നിവിടങ്ങളിലടക്കംസ്‌ക്വാഡുകള്‍ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കിയിട്ടുണ്ട്. ജൂനിയര്‍ഹെല്‍ത്ത് ഇന്‍സ്പെക്ടര്‍മാര്‍,ആശാവര്‍ക്കര്‍മാര്‍എന്നിവരടങ്ങുന്ന സംഘമാണ് പ്രദേശത്തെ പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നത്.