സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) എം.ബി.എ (ഫുൾടൈം) 2019-21 ബാച്ചിലേക്കുള്ള പ്രവേശനം ഏപ്രിൽ അഞ്ചിന് കോ-ഓപ്പറേറ്റീവ് ട്രെയിനിംഗ് കോളേജ്, ഗ്രാമ പഞ്ചായത്ത് സാംസ്‌കാരിക നിലയം, ഗവൺമെന്റ് ഹോമിയോ ഹോസ്പിറ്റലിന് സമീപം, ആറന്മുള, പത്തനംതിട്ടയിൽ വച്ച് രാവിലെ 10 മുതൽ നടത്തും.

കോഴിക്കോട് ഇൻഡസ്ട്രിയൽ ട്രൈബ്യൂണൽ കെ.വി. രാധാകൃഷ്ണൻ ഏപ്രിൽ രണ്ടിനും ഒൻപതിനും 16 നും കണ്ണൂർ ലേബർ കോടതിയിലും 30ന് തലശ്ശേരി ബാർ അസോസിയേഷൻ ബൈസെന്റിനറി ഹാളിലും 25നും 26നും വയനാട് കൽപറ്റ ബാർ അസോസിയേഷൻ ഹാളിലും 20ന് കാസർഗോഡ് ജില്ലാ ലേബർ ഓഫീസിലും മൂന്ന്, നാല്, അഞ്ച്, 10, 11, 12 തിയതികളിൽ ആസ്ഥാനത്തും സിറ്റിംഗ് നടത്തും.

പി.എൻ.എക്സ്. 1043/19

പാലക്കാട് വ്യാവസായിക ട്രൈബ്യൂണൽ സാബു സെബാസ്റ്റ്യൻ ഏപ്രിൽ രണ്ട്, എട്ട്, ഒൻപത്, 22, 23, 29, 30 തിയതികളിൽ പാലക്കാട് പി.ഡബ്യൂ.ഡി റസ്റ്റ് ഹൗസ് ഹാളിലും 5നും 12നും 26നും മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ  കോടതി ഹാളിലും തൊഴിൽതർക്ക കേസ്സുകളും, ഇൻഷൂറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ ചെയ്യും. 

പി.എൻ.എക്സ്. 1042/19

എൻജിനീയറിംഗ് പഠനം പൂർത്തിയാക്കാൻ കഴിയാത്ത പട്ടികജാതി/പട്ടികവർഗ വിദ്യാർത്ഥികൾക്കായി പട്ടികജാതി/പട്ടികവർഗ വകുപ്പും, ഐ.എച്ച്.ആർ.ഡിയുടെ കീഴിലുള്ള തിരുവനന്തപുരം മോഡൽ ഫിനിഷിംഗ് സ്‌കൂളും സംയുക്തമായി നടത്തുന്ന സൗജന്യ ബി-ടെക് ട്യൂഷൻ ക്ലാസുകളിൽ അപേക്ഷിക്കാം.

കൂടുതൽ വിവരങ്ങൾ  www.modelfinishingschool.org  യിൽ ലഭിക്കും. ഇ-മെയിൽ mfsfaq@gmail.com. ഫോൺ: 9037373077, 9207133385, 0471-2307733. വിലാസം: മോഡൽ ഫിനിഷിങ് സ്‌കൂൾ, കേരള സയൻസ് & ടെക്‌നോളജി മ്യൂസിയം ക്യാമ്പസ്, പി.എം.ജി, തിരുവനന്തപുരം.

ഐ.എച്ച്.ആർ.ഡിയുടെ കീഴിലുള്ള തിരുവനന്തപുരം മോഡൽ ഫിനിഷിങ് സ്‌കൂളിൽ സ്‌കൂൾ കോളേജ് വിദ്യാർത്ഥികൾക്കായി അവധിക്കാല ക്ലാസുകൾ നാളെ (ഏപ്രിൽ 3) ആരംഭിക്കും.

വിശദവിവരങ്ങൾ  ww.modelfinishingschool.org യിലും  mfsfaq@gmail.com  എന്ന വിലാസത്തിൽ ഇ-മെയിൽ ചെയ്തും അറിയാം. ഫോൺ: 9037373077, 9207133385, 0471-2307733. 

പി.എൻ.എക്സ്. 1040/19

പാലിയേറ്റീവ് കെയര്‍പദ്ധതി ഹോം കെയറിന്റെ ഭാഗമായി പത്തനംതിട്ട നഗരസഭയുടെ പരിധിയില്‍ ജീവനക്കാര്‍ക്ക് ഭവന സന്ദര്‍ശന നടത്തുന്നതിന് വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. കൂടുതല്‍ വിവരം പത്തനംതിട്ട ജനറല്‍ ആശുപത്രി ഓഫീസില്‍ ലഭിക്കും. ഫോണ്‍: 9497713258.                               (പിഎന്‍പി 989/19)

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില്‍ ഇന്നും (2)  തിരുവനന്തപുരം, കൊല്ലം,  പത്തനംതിട്ട, കോട്ടയം,  ആലപ്പുഴ, ഇടുക്കി, എറണാകുളം, പാലക്കാട്, തൃശ്ശൂര്‍,  മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്നും രണ്ട് മുതല്‍ മൂന്ന് ഡിഗ്രി വരെ ഉയരുവാന്‍ സാധ്യതയുള്ളതായി അറിയിച്ചു. 

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാര്‍ട്ടികളും സ്ഥാനാര്‍ഥികളും നടത്തുന്ന പ്രചാരണ പ്രവര്‍ത്തനങ്ങളില്‍ തെരഞ്ഞെടുപ്പ് പെരുമാറ്റച്ചട്ട ലംഘനം, പ്രചാരണ ചെലവ് എന്നിവ സംബന്ധിച്ച പരാതികള്‍  കളക്ടറേറ്റിലെ കണ്‍ട്രോള്‍ റൂം നമ്പരില്‍ അറിയിക്കാം.ഫോണ്‍: 04682320942, 2320943.  തെരഞ്ഞെടുപ്പുമായി ബന്ധപ്പെട്ട സംശയങ്ങള്‍ ദൂരീകരിക്കുന്നതിനും മാതൃകാ പെരുമാറ്റച്ചട്ടം സംബന്ധിച്ച് ശ്രദ്ധയില്‍പ്പെടുന്ന പരാതികള്‍ അറിയിക്കുന്നതിനും  ഈ നമ്പരില്‍ വിളിക്കാം.            (ഇലക്ഷന്‍: 108/19)

മാതൃകാ പെരുമാറ്റച്ചട്ടം നിലവിലിരിക്കെ റോഡ് ഉദ്ഘാടന ചടങ്ങില്‍ പങ്കെടുത്ത റാന്നി-പഴവങ്ങാടി പഞ്ചായത്തിലെ രണ്ട് അംഗങ്ങളെ ജില്ലാ തെരഞ്ഞെടുപ്പ് ഓഫീസറും ജില്ലാ കളക്ടറുമായ പി.ബി.നൂഹ് താക്കീത് ചെയ്തു. മാതൃകാപെരുമാറ്റച്ചട്ടങ്ങള്‍ ഉത്തരവാദിത്തപ്പെട്ട ജനപ്രതിനിധികള്‍ ലംഘിച്ചത് ഗുരുതരമായ വീഴ്ചയാണെന്ന് പരിശോധനയില്‍ കണ്ടെത്തിയതിനെ തുടര്‍ന്നാണ് നടപടി.