തെരഞ്ഞെടുപ്പിൽ ഹരിത ചട്ടം പാലിക്കുന്നതിന് സഹായിക്കുന്ന കൈപ്പുസ്തകം മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ പ്രകാശനം ചെയ്തു. ഹരിത കേരളം മിഷനാണ് ഹരിതചട്ട പാലനം സംശയങ്ങളും മറുപടികളും എന്ന പുസ്തകം തയ്യാറാക്കിയത്.

കോഴിക്കോട് മോട്ടോര്‍ തൊഴിലാളി ക്ഷേമനിധി ബോര്‍ഡ് ജില്ലയിലെ മോട്ടോര്‍ തൊഴിലാളികള്‍ക്കായി രജിസ്ട്രേഷന്‍ ക്യാമ്പ് മാര്‍ച്ച് 25ന്  രാവിലെ 10 മുതല്‍ രണ്ട് വരെ പേരാമ്പ്ര ടാക്സി സ്റ്റാന്റില്‍ സംഘടിപ്പിക്കുന്നു. പുതുതായി അംഗത്വമെടുക്കാനും കുടിശ്ശിക അടക്കാനും സൗകര്യം ഉണ്ടായിരിക്കുമെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു.

വരള്‍ച്ച അതിരൂക്ഷമായ സാഹചര്യത്തില്‍ ജലസംരക്ഷണവും ജലമിതവ്യയവും എല്ലാ വീടുകളിലും നടപ്പാക്കുന്നതിനായി ഹരിതകേരളം മിഷന്‍ കുടുംബശ്രീയുമായി ചേര്‍ന്ന് സംഘടിപ്പിക്കുന്ന ജലമാണ് ജീവന്‍ കാമ്പയിന്‍ പ്രവര്‍ത്തനങ്ങള്‍ക്ക് തുടക്കമായി. പരിപാടിയുടെ ഭാഗമായി 2.75 ലക്ഷം അയല്‍ക്കൂട്ടങ്ങളില്‍ ജലമാണ് ജീവന്‍ അയല്‍ക്കൂട്ട ജലസഭ സംഘടിപ്പിക്കും. കാമ്പയിന്റെ ഭാഗമായി ഓരോ വീട്ടിലും കുടിവെള്ളത്തിന്റെയും മറ്റാവശ്യങ്ങള്‍ക്കുമുള്ള വെള്ളത്തിന്റെയും ഉപയോഗം കാര്യക്ഷമമാക്കുന്നതിനും കുറയ്ക്കുന്നതിനുമുള്ള പ്രവര്‍ത്തനങ്ങള്‍ നടന്നു വരികയാണ്. 

കോഴിക്കോട് സിവില്‍ സ്റ്റേഷനിലെ  എംപ്ലോയ്ബിലിറ്റി സെന്ററില്‍ മാര്‍ച്ച് 28  ന് രാവിലെ 10.30 മണിയ്ക്ക് ജില്ലയിലെ വിവിധ സ്വകാര്യ  സ്ഥാപനങ്ങളിലേക്ക്  സെയില്‍സ് കണ്‍സല്‍ട്ടന്റ്  (യോഗ്യത: പ്ലസ്ടു/ഡിഗ്രി/ഡിപ്ലോമ), സീനിയര്‍ സെയില്‍സ് കണ്‍സല്‍ട്ടന്റ്    (യോഗ്യത: പ്ലസ്ടു/ഡിഗ്രി/ഡിപ്ലോമ, ഒരു വര്‍ഷ തൊഴില്‍ പരിചയം), സെയില്‍സ് റിലേഷന്‍ഷിപ്പ് ഓഫീസര്‍ (യോഗ്യത: പ്ലസ് ടു/ഡിഗ്രി/ ഡിപ്ലോമ, രണ്ട് വര്‍ഷ തൊഴില്‍ പരിചയം), സ്റ്റോര്‍ മാനേജര്‍ (യോഗ്യത: എം.ബി.എ)   ഒഴിവുകളിലേക്ക്  കൂടിക്കാഴ്ച നടത്തും.      പ്രായപരിധി: 35 വയസ്സ്.  

ജില്ലയില്‍ സ്ഥിരതാമസമാക്കിയ ട്രാന്‍സ്ജന്‍ഡര്‍ വിഭാഗക്കാര്‍ക്ക് വോട്ടേഴ്സ് ലിസ്റ്റില്‍ പേര് ചേര്‍ക്കുന്നതിനുള്ള ക്യാമ്പ് സംഘടിപ്പിച്ചു. സ്വീപിന്റെ ആഭിമുഖ്യത്തില്‍ കലക്ടറേറ്റിലായിരുന്നു ക്യാമ്പ്. 

ലോക്സഭാ തെരഞ്ഞെടുപ്പിനോടനുബന്ധിച്ച് ബേപ്പൂര്‍ നിയോജക മണ്ഡലത്തിലെ എല്ലാ രാഷ്ട്രീയ പാര്‍ട്ടികളുടെയും ഒരു അടിയന്തര യോഗം മാര്‍ച്ച് 25 ന് വൈകീട്ട്  3.30 ന് ഫറോക്ക് മുന്‍സിപ്പല്‍ കമ്മ്യൂണിറ്റി ഹാളില്‍ ചേരും. യോഗത്തില്‍ എല്ലാ രാഷ്ട്രീയ പാര്‍ട്ടിയുടെ പ്രതിനിധികളും പങ്കെടുക്കേണ്ടതാണെന്ന് അസി. റിട്ടേണിംഗ് ഓഫീസര്‍ അറിയിച്ചു. 

തെരഞ്ഞെടുപ്പ് പെരുമാറ്റ ചട്ടം ലംഘിച്ചതിന് ജില്ലയില്‍ ഇതിനകം 4550 പോസ്റ്ററുകള്‍, 530 കൊടികള്‍, 174 ബാനറുകള്‍, 22 വാള്‍ പെയിന്റിംഗുകള്‍ എന്നിവ ആന്റി ഡിഫെയ്‌സ്‌മെന്റ് സ്‌ക്വാഡുകള്‍ നീക്കം ചെയ്തു.
പെരുമാറ്റച്ചട്ട ലംഘനം സംബന്ധിച്ച പരാതികള്‍ 24 മണിക്കൂറും കലക്ടറേറ്റില്‍ പ്രവര്‍ത്തിക്കുന്ന എംസിസി സെല്ലിന്റെ 0495-2374980 എന്ന നമ്പറിലേക്കും രാവിലെ ഒന്‍പതുമണിമുതല്‍ രാത്രി ഒന്‍പതുമണിമുതല്‍ പ്രവര്‍ത്തിക്കുന്ന 1950 എന്ന ടോള്‍ഫ്രീ നമ്പറിലേക്കും വിളിച്ച് അറിയിക്കാവുന്നതാണ്.