തെരഞ്ഞെടുപ്പ് പെരുമാറ്റ ചട്ടം ലംഘിച്ചതിന് ജില്ലയില്‍ ഇതിനകം 4550 പോസ്റ്ററുകള്‍, 530 കൊടികള്‍, 174 ബാനറുകള്‍, 22 വാള്‍ പെയിന്റിംഗുകള്‍ എന്നിവ ആന്റി ഡിഫെയ്‌സ്‌മെന്റ് സ്‌ക്വാഡുകള്‍ നീക്കം ചെയ്തു.
പെരുമാറ്റച്ചട്ട ലംഘനം സംബന്ധിച്ച പരാതികള്‍ 24 മണിക്കൂറും കലക്ടറേറ്റില്‍ പ്രവര്‍ത്തിക്കുന്ന എംസിസി സെല്ലിന്റെ 0495-2374980 എന്ന നമ്പറിലേക്കും രാവിലെ ഒന്‍പതുമണിമുതല്‍ രാത്രി ഒന്‍പതുമണിമുതല്‍ പ്രവര്‍ത്തിക്കുന്ന 1950 എന്ന ടോള്‍ഫ്രീ നമ്പറിലേക്കും വിളിച്ച് അറിയിക്കാവുന്നതാണ്.

തെരഞ്ഞെടുപ്പ് പെരുമാറ്റച്ചട്ടം ലംഘിക്കുന്നത് പരിശോധിക്കുന്നതിനായി 13 മണ്ഡലങ്ങളിലായി 39 സ്റ്റാറ്റിക് സര്‍വയലന്‍സ് ടീമുകളും ജില്ലയില്‍ പ്രവര്‍ത്തനം തുടങ്ങി. അനധികൃതമായി കൈവശം വയ്ക്കുന്ന പണം, മദ്യം, ആയുധങ്ങള്‍ എന്നിവ കണ്ടെത്തുകയാണ് ഈ ടീമിന്റെ ദൗത്യം. ഇതിനായി ചെക്ക്‌പോസ്റ്റുകള്‍ സജ്ജമാക്കിയാണ് പരിശോധന നടത്തുന്നത്. പരിശോധനനടപടികള്‍ വിഡിയോയില്‍ ചിത്രീകരിക്കുന്നുമുണ്ട്. വിവിധ മണ്ഡലങ്ങളില്‍ നിയോഗിക്കപ്പെട്ട സ്‌ക്വാഡുകളെ ബന്ധപ്പെടാവുന്ന നമ്പറുകള്‍-മണ്ഡലം, ഉദ്യോഗസ്ഥന്റെ പേര്, മൊബൈല്‍ നമ്പര്‍, അധികാര പരിധിയുള്ള വില്ലേജുകള്‍ എന്ന ക്രമത്തില്‍

പ്രകൃതിദുരന്തങ്ങളുമായി ബന്ധപ്പെട്ട് പാങ്ങോട് സൈനിക ക്യാമ്പില്‍ നിന്നുള്ള വിദഗ്ദ സംഘം  ജില്ലയിലെത്തി  കലക്ടര്‍ അമിത് മീണയുമായി  സ്ഥിതിഗതികള്‍ ചര്‍ച്ച ചെയ്ത് വിലയിരുത്തി. പ്രകൃതിദുരന്തങ്ങളുമായി ബന്ധപ്പെട്ട് ജില്ലയിലെ മുന്നോരുക്ക ങ്ങളെക്കുറിച്ചും സംഘം ചര്‍ച്ച ചെയ്തു. കലക്ടറുടെ ചേമ്പറില്‍ നടന്ന ചര്‍ച്ചയില്‍ ജില്ലാപൊലീസ് മേധാവി കെ.  പ്രതീഷ് കുമാര്‍ പങ്കെടുത്തു.

     മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയില്‍ ഇന്ന് (മാര്‍ച്ച് 24) രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി വിതരണം മുടങ്ങും.

    ലോണ്‍ കുടിശ്ശിക ഈടാക്കുന്നതിനായി കെ.എല്‍ 53 ജി 8685 നമ്പര്‍ ഓട്ടോറിക്ഷ മാര്‍ച്ച് 25 രാവിലെ 11ന് പെരിന്തല്‍മണ്ണ താലൂക്ക് ഓഫീസ് പരിസരത്ത് ലേലം ചെയ്യും.

•    ദഹിക്കാന്‍ എളുപ്പമുള്ളതും ശരീരത്തിന് തണുപ്പിനെ പ്രദാനം ചെയ്യുന്നതും മധുര രസമുള്ളതും ദ്രവരൂപത്തിലുള്ളതുമായ ആഹാരങ്ങള്‍ കഴിക്കുക.
•    മലര്‍ക്കഞ്ഞി, കഞ്ഞി അല്‍പം നെയ്യ് ചേര്‍ത്തത്, പാല്‍ക്കഞ്ഞി എന്നിവ കഴിക്കാം.
•    തണ്ണിമത്തന്‍, ഓറഞ്ച്, വാഴപ്പഴം, പേരക്ക, മാമ്പഴം, ചക്ക,     മുന്തിരി, വെള്ളരി, നെല്ലിക്ക തുടങ്ങിയ ദ്രവാംശം കൂടുതലുള്ളതും ധാതുലവണങ്ങളാല്‍ സംപുഷ്ടവുമായ പഴങ്ങളും, പടവലം, കോവല്‍, ചെരങ്ങ തുടങ്ങിയ പച്ചക്കറികളും ധാരാളമായി ഉപയോഗിക്കാം.
•    ദാഹമില്ലെങ്കില്‍ പോലും കൃത്യമായ ഇടവേളകളില്‍ വെള്ളം കുടിക്കുക.  സൂപ്പുകളും പഴച്ചാറുകളും ഉപയോഗിക്കാം.

വേനല്‍ക്കാലം കടുത്തതോടെ ആരോഗ്യകാര്യത്തിലും പ്രത്യേക ജാഗ്രത പുലര്‍ത്തണമെന്ന്  ആയൂര്‍വ്വേദ ജില്ലാ മെഡിക്കല്‍ ഓഫീസര്‍ ഡോ: കെ.സുശീല അറിയിച്ചു. ശുചിത്വവും ആരോഗ്യകരമായ ഭക്ഷണശീലവും ഉണ്ടെങ്കില്‍ മാത്രമേ ഒട്ടു മിക്ക വേനല്‍ രോഗങ്ങളെ അകറ്റി നിര്‍ത്താന്‍ കഴിയുകയുള്ളുവെന്നും ജില്ലാ മെഡിക്കല്‍ ഓഫീസര്‍ പറഞ്ഞു. വേനല്‍ക്കാലത്തെ ചൂടിനെ അതിജീവിക്കാന്‍ ആയൂര്‍വ്വേദത്തില്‍ നിര്‍ദ്ദേശിക്കപ്പെട്ടിട്ടുള്ള പത്ഥ്യമായ ആഹാരവിഹാരങ്ങളെക്കുറിച്ചും പാടില്ലാത്തതിനെ ക്കുറിച്ചും  ജില്ലാമെഡിക്കല്‍ ഓഫീസര്‍ നിര്‍ദേശിച്ചു.

കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില്‍ മാര്‍ച്ച് 23 മുതല്‍  24 വരെ  തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം,  തൃശൂര്‍, പാലക്കാട്,  കോഴിക്കോട്, കണ്ണൂര്‍ എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്നും രണ്ട് മുതല്‍ മൂന്ന് ഡിഗ്രി വരെ  വരെ  ഉയരുവാന്‍ സാധ്യതയുണ്ട്.

    കൊണ്ടോട്ടി അസംബ്ലി മണ്ഡലത്തിലെ രാഷ്ട്രീയ പാര്‍ട്ടി പ്രതിനിധികളുടെ യോഗം മാര്‍ച്ച് 27 രാവിലെ 11ന് കൊണ്ടോട്ടി ബ്ലോക്ക് പഞ്ചായത്ത് ഓഫീസില്‍ ചേരും.  ദേശീയ - സംസ്ഥാന പാര്‍ട്ടികളുടെയും കൊണ്ടോട്ടി അസംബ്ലി മണ്ഡലത്തിലെ രജിസ്‌ട്രേഡ് പാര്‍ട്ടികളുടെയും പ്രതിനിധികള്‍ യോഗത്തില്‍ പങ്കെടുക്കണം.