മുൻ പി.ആർ.ഡി ഡയറക്ടറും ഔദ്യോഗികഭാഷാ സ്‌പെഷ്യൽ ഓഫീസറുമായിരുന്ന വി.കെ. നാരായണന്റെ നിര്യാണത്തിൽ ഐ&പി.ആർ.ഡി. ഡയറക്ടർ സുഭാഷ്. റ്റി.വി അനുശോചിച്ചു.

പി.ആർ.ഡി പ്രസിദ്ധീകരണങ്ങളുൾപ്പെടെ ആനുകാലികങ്ങളുടെയും പത്രങ്ങളുടെയും ശൈലിയും നിലവാരവും മെച്ചപ്പെടുത്തുന്നതിലും ഭാഷാശുദ്ധി ഉറപ്പു വരുത്തുന്നതിലും വലിയ പങ്ക് വഹിച്ച അദ്ദേഹം ഭരണഭാഷ എന്ന നിലയിൽ മലയാളത്തെ കൂടുതൽ സജ്ജമാക്കുന്നതിനും വ്യാപിപ്പിക്കുന്നതിനും ആത്മാർത്ഥമായ പരിശ്രമം നടത്തിയ വ്യക്തിയാണെന്ന് അനുശോചന സന്ദേശത്തിൽ പി.ആർ.ഡി. ഡയറക്ടർ പറഞ്ഞു.

പി.എൻ.എക്സ്. 984/19

മുൻ പി.ആർ.ഡി ഡയറക്ടർ വി.കെ. നാരായണന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു.

പി.എൻ.എക്സ്. 983/19

സ്റ്റൈപ്പന്റ് കൈപ്പറ്റണം

2016 ആഗസ്റ്റ്, 2017 ആഗസ്റ്റ് വര്‍ഷങ്ങളില്‍ അഡ്മിഷന്‍ നേടിയ കണ്ണൂര്‍ ഐടിഐയിലെ ജനറല്‍ വിഭാഗത്തില്‍പ്പെട്ട സ്റ്റൈപ്പന്റിനര്‍ഹരായ തുക കൈപ്പറ്റാത്ത ട്രെയിനികള്‍ മാര്‍ച്ച് 25ന് മുമ്പായി ഓഫീസില്‍ നേരിട്ട് വന്ന് ബാങ്ക് അക്കൗണ്ട് മുഖേന കൈപ്പറ്റണം. അല്ലാത്ത പക്ഷ തുക തിരിച്ചടക്കുന്നതാണ്. ഫോണ്‍ 0497 2835183

വൈദ്യുതി മുടങ്ങും

ലോക്‌സഭ തെരഞ്ഞെടുപ്പിന്റെ പോളിംഗ് ദിവസം ഭിന്നശേഷിക്കാരായ വോട്ടര്‍മാര്‍ക്ക് വോട്ട് രേഖപ്പെടുത്താന്‍ വാഹനം ഉള്‍പ്പെടെയുള്ള സൗകര്യങ്ങള്‍ ഏര്‍പ്പെടുത്തും. തെരഞ്ഞെടുപ്പ് കമ്മീഷന്റെ നിര്‍ദേശപ്രകാരമാണ് ജില്ലാ ഭരണകൂടത്തിന്റെ തീരുമാനം. ഇതുമായി ബന്ധപ്പെട്ട് ഭിന്നശേഷിക്കാരായ ആളുകള്‍ക്ക് അവരുടെ വിവരങ്ങള്‍ അതാത് വില്ലേജ് ഓഫീസില്‍ അറിയിക്കാവുന്നതാണ്. ജില്ലയിലെ വില്ലേജ് ഓഫീസര്‍മാരുടെ ഫോണ്‍ നമ്പറുകള്‍ ംല മൃല സമിിൗൃ എന്ന മൊബൈല്‍ ആപ്ലിക്കേഷനില്‍ ലഭ്യമാണ്.

ജില്ലാ പവര്‍ലിഫ്റ്റിംഗ് അസോസിയേഷന്റെ നേതൃത്വത്തില്‍ ജില്ലാതല പവര്‍ലിഫ്റ്റിംഗ് ചാമ്പ്യന്‍ഷിപ്പ്  നടന്നു. അസിസ്റ്റന്റ് കലക്ടര്‍ അര്‍ജ്ജുന്‍ പാണ്ഡ്യന്‍ ഉദ്ഘാടനം ചെയ്തു. പരിപാടിയില്‍ 2018 ല്‍ മംഗോളിയയില്‍ നടന്ന ഏഷ്യന്‍ പവര്‍ലിഫ്റ്റിംഗ് ചാമ്പ്യന്‍ഷിപ്പില്‍ സ്വര്‍ണ്ണ മെഡല്‍ ജേതാവായ എം എം ദില്‍നയെ  ആദരിച്ചു. 

സ്വീപ്പ് വോട്ടർ ബോധവൽക്കരണ പരിപാടിയുടെ ഭാഗമായി പയ്യാമ്പലം ബീച്ചിൽ മണൽശിൽപം തീർത്തു.  ലോക് സഭാ തെരഞ്ഞെടുപ്പിന്റെ ഭാഗമായി വോട്ടർബോധവൽക്കരണത്തിനായാണ് പരിപാടി സംഘടിപ്പിച്ചത്.

വോട്ട് ചെയ്യാനുള്ള അവകാശം എല്ലാവരും കൃത്യമായി വിനിയോഗിക്കണമെന്ന സന്ദേശം പകരുന്നതായിരുന്നു മണലിൽ തീർത്ത ശിൽപം. ഇന്ത്യയുടെ  ഭൂപടവും, പാർലമെന്റും, വോട്ടിംഗ് മെഷീനും മണലിൽ മണിക്കൂറുകൾക്കുള്ളിൽ കൺമുന്നിൽ തയ്യാർ. വോട്ട് ചെയ്യുക എന്നത് എല്ലാവരുടെയും അവകാശമാണെന്നും ആ അവസരം ആരും പാഴാക്കരുതെന്നും ഈ മണൽ ശിൽപങ്ങൾ കാണികളെ ഓർമ്മപ്പെടുത്തി. ഇന്റീരിയർ ഡിസൈനറായ  മാട്ടൂൽ സ്വദേശി നിതിൻ നാരായണനാണ് ശിൽപി.

ലോക്സഭ തെരഞ്ഞെടുപ്പുമായി ബന്ധപ്പെട്ട് റേറ്റ് ചാര്‍ട്ട് പ്രസിദ്ധീകരിക്കുന്നതിന്റെ ഭാഗമായി രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു. നിലവില്‍ തയ്യാറാക്കിയ റേറ്റ് ചാര്‍ട്ടുമായി ബന്ധപ്പെട്ട് എന്തെങ്കിലും പരാതിയുള്ളവര്‍ 24 മണിക്കൂറിനകം ജില്ലാ തെരഞ്ഞെടുപ്പ് ഓഫീസറെ അറിയിക്കേണ്ടതാണെന്ന് യോഗത്തില്‍ അറിയിച്ചു. റേറ്റ് ചാര്‍ട്ട് കലക്ടറേറ്റില്‍ പ്രസിദ്ധീകരിച്ചിട്ടുണ്ട്. 

തെരഞ്ഞെടുപ്പ് പെരുമാറ്റച്ചട്ടം ലംഘിച്ച് ജില്ലയിലെ പൊതുസ്ഥലങ്ങളിലും സര്‍ക്കാര്‍-അര്‍ധ സര്‍ക്കാര്‍ ഓഫീസ് പരിസരങ്ങളിലും നീക്കംചെയ്യപ്പെടാതെ കിടന്ന 7210 ബാനറുകള്‍, പോസ്റ്ററുകള്‍, ചുമരെഴുത്തുകള്‍ തുടങ്ങിയവ ആന്റി ഡീഫെയ്‌സ്‌മെന്റ് സ്‌ക്വാഡുകള്‍ നീക്കം ചെയ്തു. വിവിധ പ്രദേശങ്ങളില്‍ രാഷ്ട്രീയ പാര്‍ട്ടികളും സര്‍വീസ് സംഘടനകളും അനധികൃതമായി സ്ഥാപിച്ച ബോര്‍ഡുകളും ബാനറുകളുമാണ് നീക്കം ചെയ്തത്.