ന്യൂസിലൻഡിൽ ഭീകരാക്രമണത്തിൽ മരിച്ച കൊടുങ്ങല്ലൂർ സ്വദേശി അൻസി ബാവയുടെ ഭൗതിക ശരീരം 25ന് പുലർച്ചെ 3.05 ന് കൊച്ചി അന്താരാഷ്ട്ര വിമാനത്താവളത്തിൽ എത്തിക്കും. 24ന് ക്രൈസ്റ്റ് ചർച്ച് വിമാനത്താവളത്തിൽ നിന്നും ദുബായ് വഴി എമിറേറ്റ്‌സ് വിമാനത്തിലാണ് കൊച്ചിയിലെത്തുക. നോർക്കയുടെ എമർജൻസി ആംബുലൻസ് സേവനം മുഖേന ഭൗതിക ശരീരം കൊടുങ്ങല്ലൂരിലെ വീട്ടിലെത്തിക്കുന്നതിനുളള നടപടി സ്വീകരിച്ചതായി നോർക്ക റൂട്ട്‌സ്  അധികൃതർ അറിയിച്ചു.  

പി.എൻ.എക്സ്. 979/19

ജെന്റർപാർക്കിന്റെ നേതൃത്വത്തിൽ സംസ്ഥാനത്തെ പ്രളയമേഖലകളിൽ ഉപജീവന നൈപുണ്യ പരിശീലനം, ചെറുകിട കച്ചവട നൈപുണ്യ പരിശീലനം എന്നിവ നൽകുന്നു.

പരിശീലന പരിപാടി സംഘടിപ്പിക്കാൻ താൽപ്പര്യമുള്ള, ഈ മേഖലയിൽ പ്രവർത്തിക്കുന്ന സ്ഥാപനങ്ങൾ, നടത്താനുദ്ദേശിക്കുന്ന വിവിധ പരിശീലന പരിപാടികളുടെ വിശദവിവരം ഏപ്രിൽ ആറിനകം ലഭ്യമാക്കണം. കൂടുതൽ വിവരങ്ങൾക്ക് 0471-2433334.  വിലാസം: ജെന്റർ പാർക്ക്, എ17, ബ്രാഹ്മിൺസ് കോളനി റോഡ്, കവടിയാർ പി.ഒ, തിരുവനന്തപുരം - 695003.  ഇ-മെയിൽ: info@genderpark.gov.in.    

പി.എൻ.എക്സ്. 978/19

ഇടുക്കി ജില്ലയിലെ പീരുമേട് ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളില്‍ 2019-20 അധ്യയനവര്‍ഷത്തേക്ക്  ഹയര്‍സെക്കണ്‍റി വിഭാഗത്തിലും ഹൈസ്‌കൂള്‍ വിഭാഗത്തിലും (തമിഴ് മീഡിയം) അധ്യപകരെ കരാര്‍ വ്യവസ്ഥയില്‍ നിയമിക്കുന്നു. 

കേന്ദ്രസംസ്ഥാന സര്‍ക്കാര്‍ സ്ഥാപനങ്ങള്‍, ബാങ്കുകള്‍, പൊതുമേഖലാ സ്ഥാപനങ്ങള്‍ ഗവ.എയ്ഡഡ് സ്ഥാപനങ്ങള്‍ എന്നീ സ്ഥാപനങ്ങളില്‍ നിന്നും ഇനിയും സ്റ്റാഫ് ലിസ്റ്റ് ജില്ലാകലക്ടറുടെ  ഓഫീസില്‍ ഏല്‍പ്പിക്കാത്തവര്‍ ഇന്ന് (23.3.19) രാവിലെ 10 മണിക്ക് മുമ്പ് നല്‍കണം. ലിസ്റ്റ് എത്തിക്കാത്തവര്‍ക്കെതിരെ കര്‍ശന നടപടി സ്വീകരിക്കുമെന്ന് ജില്ലാകലക്ടര്‍ അറിയിച്ചു.

തെരഞ്ഞെടുപ്പ് ബോധവത്കരണ പരിപാടി സ്വീപിന്റെ ഭാഗമായി മൂന്നാറില്‍ തെരുവ് നാടകം സംഘടിപ്പിച്ചു. ആദിവാസി മേഖലകളിലെ പോളിംഗ് ശതമാനം ഉയര്‍ത്തുക, ജനാധിപത്യത്തില്‍ തെരഞ്ഞെടുപ്പിന്റെ പ്രാധാന്യം ജനങ്ങളിലെത്തിക്കുക, വോട്ട് ചെയ്യാന്‍ പ്രോത്സാഹിപ്പിക്കുക തുടങ്ങിയ ലക്ഷ്യങ്ങളോടെയാണ് ജില്ലയിലെ ആദിവാസി മേഖലകളില്‍ തെരഞ്ഞടുപ്പ് ബോധവത്കരണ പരിപാടി സംഘടിപ്പിച്ചത്. 

തെരഞ്ഞെടുപ്പ് ചെലവ് നിരീക്ഷകര്‍ കണ്ടെത്തി പിടിച്ചെടുക്കുന്ന പണത്തിന്റെ ആധികാരികത പരിശോധിച്ച് ഉടമസ്ഥന് വിട്ട് നല്‍കുന്നതിന് എ.ഡി.എം അനില്‍ ഉമ്മന്റെ നേതൃത്വത്തില്‍ അപ്പീല്‍ കമ്മിറ്റി രൂപീകരിച്ചു. ഫിനാന്‍സ് ഓഫീസര്‍ അജി ഫ്രാന്‍സിസാണ് നോഡല്‍ ഓഫീസര്‍. മൂലമറ്റം ജില്ലാ ട്രഷറി ഓഫീസര്‍ കെ.ബി അനില്‍കുമാര്‍ സമിതി അംഗമാണ്. നിയമപരമായ രേഖകളുള്ള പണം കൈകാര്യം ചെയ്യുമ്പോള്‍ ജനങ്ങള്‍ക്ക് ബുദ്ധിമുട്ട് ഉണ്ടാകാതിരിക്കാനാണ് തെരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരം അപ്പീല്‍ സമിതിയെ നിയമിച്ചിട്ടുള്ളത്.