ട്രോമാ കെയര്‍ കാസര്‍കോടിന്റെ (ട്രാക്ക്) വാര്‍ഷിക ജനറല്‍ബോഡി യോഗം കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു. ജില്ലാ പോലീസ് മേധാവി ജെയിംസ് ജോസഫ് മുഖ്യാതിഥിയായി. ട്രോമാ കെയര്‍ പ്രവര്‍ത്തനങ്ങളുടെ പ്രാധാന്യം പൊതു സമൂഹം ഇനിയും മനസ്സിലാക്കിയിട്ടില്ലെന്ന് അദ്ദേഹം പറഞ്ഞു. സാമൂഹിക വിഭജനത്തെ കുറച്ച് കൊണ്ട് വന്ന് മനുഷ്യ മനസ്സുകളെ ഒന്നിപ്പിക്കാന്‍ ട്രോമാ കെയര്‍ സൊസൈറ്റിയിലൂടെ സാധിക്കുമെന്ന് അദ്ദേഹം കൂട്ടിച്ചേര്‍ത്തു. ട്രാക്ക് വൈസ് പ്രസിഡന്റ് എം കെ രാധാകൃഷ്ണന്‍ അധ്യക്ഷത വഹിച്ചു. ജില്ലാ സെക്രട്ടറി വി വേണുഗോപാലന്‍ റിപ്പോര്‍ട്ട് അവതരിപ്പിച്ചു.

സംസ്ഥാനത്ത് പ്രളയക്കെടുതികള്‍മൂലം ഉപജീവന മാര്‍ഗങ്ങള്‍ നഷ്ടപ്പെട്ട കുടുംബങ്ങള്‍ക്ക് വരുമാനം കണ്ടെത്തി നല്‍കുന്നതിന്റെ ഭാഗമായി കുടുംബശ്രീയുടെ നേതൃത്വത്തില്‍ 50000 പേര്‍ക്ക് സൗജന്യ സ്വയംതൊഴില്‍ പരിശീലനം നല്‍കുന്നു. ഇതു പ്രകാരം 'എറൈസ്' (''acquiring resilience and identify through sustainable employment ) ജില്ലക്കകത്തെ കുടുംബശ്രീ കുടുംബാംഗങ്ങളായിട്ടുള്ള ഉദ്യോഗാര്‍ത്ഥികള്‍ക്ക് പരിശീലനം നല്‍കും. തൊഴിലാളികളെ കിട്ടാന്‍ പ്രയാസമുള്ള മേഖലകളായ പ്‌ളംബിങ്ങ്, ഇലക്‌ട്രോണിക് റിപ്പയറിങ്ങ്, ഇലക്ട്രിക്കല്‍ ജോലികള്‍, എന്നിവയിലാണ് ഇപ്പോള്‍ പരിശീലനം നല്‍കുന്നത്.

കുടുംബശ്രീ ജില്ലാ മിഷന്റെ നേതൃത്വത്തില്‍ വരള്‍ച്ചയെ പ്രതിരോധിക്കുന്നതിനും ജലത്തിന്റെ ദുരുപയോഗം കുറയ്ക്കുന്നതിനും വേണ്ടി ഹരിതകേരളം മിഷന്റെ സഹകരണത്തോടെ ജലസംരക്ഷണ ക്യാമ്പയിന് തുടക്കമായി. ജില്ലാ കുടുംബശ്രീ മിഷന്‍ കോഡിനേറ്റര്‍ ടി.ടി സുരേന്ദ്രന്‍ ക്യാമ്പയിന്‍ ഉദ്ഘാടനം ചെയ്തു. ക്യാമ്പയിന്റെ ഭാഗമായി ജലസംരക്ഷണ അവബോധം സൃഷ്ടിക്കുന്നതിന് ലഘുലേഖ വിതരണം ചെയ്തു. എ ഡി എം സി: ഡി ഹരിദാസന്‍ അദ്ധ്യക്ഷത വഹിച്ചു.  ഹരിതകേരള മിഷന്‍ ജില്ലാ കോര്‍ഡിനേറ്റര്‍  എം പി സുബ്രപ്മണ്യം,എ ഡി എം സി മാരായ സി ഹരിദാസന്‍, പി ജോസഫ്, പ്രകാശ് പാലായി, എം കെ എസ് പി ഡി പി എം ശ്വേതേശ്വരി മോഹന്‍  എന്നിവര്‍ സംസാരിച്ചു.

കുടുംബശ്രീ ജില്ലാ മിഷന്റെ നേതൃത്വത്തില്‍ വയോജനങ്ങളെ സഹായിക്കുന്നതിനും  സേവനങ്ങള്‍ നല്‍കുന്നതിനും ശാസ്ത്രീയമായി  പരിശീലനം നല്‍കുന്നു. ജില്ലയ്ക്കകത്തും പുറത്തും വിദേശരാജ്യങ്ങളിലുമുള്‍പ്പെടെ ജോലി ചെയ്യാന്‍ താല്‍പര്യമുള്ള കുടുംബശ്രീ അംഗങ്ങള്‍ക്കും  കുടുംബാംഗങ്ങളായ സ്ത്രീകള്‍ക്കും പുരുഷന്‍മാര്‍ക്കും   അപേക്ഷ അയക്കാം. 18 മുതല്‍ 35 വയസുവരെ പ്രായമുള്ളവര്‍ക്ക് അപേക്ഷിക്കാം. 15 ദിവസത്തെ പരിശീലനമാണ് നല്‍കുക. സര്‍ക്കാര്‍ അംഗീകൃത തൊഴില്‍ പരിശീലന സ്ഥാപനങ്ങള്‍ വഴിയും കുടുംബശ്രീ എംപാനല്‍ ചെയ്തിട്ടുള്ള പ്രമുഖ പരിശീലക ഏജന്‍സികള്‍ മുഖേനയുമായിരിക്കും പരിശീലനം നല്‍കുക.

2020 ഓടെ സംസ്ഥാനത്തെ തന്നെ ആദ്യത്തെ ക്ഷയരോഗവിമുക്ത ജില്ലയായി കാസര്‍കോട് മാറണമെന്നും  ഇതിനുള്ള പ്രവര്‍ത്തനങ്ങളുമായി ആരോഗ്യ പ്രവര്‍ത്തകര്‍ മുന്നോട്ട് പോകണമെന്നും  ജില്ലാ കളക്ടര്‍ ഡോ. ഡി സജിത്ത് ബാബു പറഞ്ഞു. ലോകക്ഷയരോഗ ദിനാചരണത്തിന്റെ  ഭാഗമായി സംഘടിപ്പിച്ച  ജില്ലാതല പരിപാടി  കാസര്‍കോട് ജനറല്‍ ആശുപത്രിക്ക് സമീപം  ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

പൊതുജനത്തിന് വോട്ട് ചെയ്യല്‍ എളുപ്പമാക്കാന്‍ സിവില്‍ സ്റ്റേഷനില്‍ ആരംഭിച്ച ഡെമോ ഹട്ടിലേക്ക് (വോട്ടിങ്ങ് പരിശീലന കേന്ദ്രം)  വന്‍ ജനപ്രവാഹം. പ്രവര്‍ത്തനം ആരംഭിച്ച് മൂന്നാം നാള്‍ പിന്നിടുമ്പോഴേക്കും നിരവധി പേര്‍ ഡെമോ ഹട്ടില്‍ വോട്ട് ചെയ്യാനെത്തി.  ഇവിടെ  സജ്ജീകരിച്ചിരിക്കുന്ന വിവിപാറ്റ് മെഷീന്റെ പ്രവര്‍ത്തനം സന്ദര്‍ശകര്‍ക്ക് നവ്യാനുഭവമായി. 

വിവിപാറ്റ് ഉപയോഗിക്കുന്നതുകൊണ്ട് നമ്മുടെ വോട്ട് ആര്‍ക്കാണ് ചെയ്തതെന്ന് വോട്ടിങ് സമയത്ത് തന്നെ  ഉറപ്പിക്കാന്‍ കഴിയുന്നത് വോട്ടര്‍മാര്‍ക്ക് ഏറെ സംതൃപ്തി നല്‍കുന്നുണ്ടെന്നും 40 കാരന്‍ ശ്രീകുമാര്‍ പറഞ്ഞു.

ലോക്‌സഭാ തെരഞ്ഞെടുപ്പില്‍ കാസര്‍കോട് മണ്ഡലത്തിലെ സ്ഥാനാര്‍ഥികളുടെ നാമനിര്‍ദേശ പത്രിക റിട്ടേണിംഗ് ഓഫീസറായ ജില്ലാ കളക്ടര്‍ ഡോ.ഡി.സജിത് ബാബുവിനു പുറമെ അസിസ്റ്റന്റ് റിട്ടേണിംഗ് ഓഫീസറും എല്‍ആര്‍ ഡെപ്യൂട്ടി കളക്ടറുമായ എസ്.എല്‍ സജി കുമാറും സ്വീകരിക്കും. നാമനിര്‍ദേശ പത്രികകള്‍ സ്വീകരിക്കുന്നതിന് അസിസ്റ്റന്റ് റിട്ടേണിംഗ് ഓഫീസര്‍ക്കുകൂടി ചുമതല നല്‍കിയതായി ജില്ലാ കളക്ടര്‍ അറിയിച്ചു.

വലിയപറമ്പ ഗ്രാമപഞ്ചായത്തിലെ കയ്യില്‍ സൗത്ത് കടപ്പുറം  ഗവണ്‍മെന്റ് എല്‍പി സ്‌കൂളില്‍ (ബൂത്ത് നമ്പര്‍ 159) പോളിംഗ് ഉദ്യോഗസ്ഥരും സാമഗ്രികളും ബോട്ടില്‍ എത്തും.  വെള്ളത്താല്‍ ചുറ്റപ്പെട്ടു കിടക്കുന്ന പഞ്ചായത്താണു വലിയപറമ്പ. ഇവിടുത്തെ ഈ ബൂത്തില്‍ ആകെ  335 വോട്ടര്‍മാരാണ് ഉള്ളത്. ഇതില്‍ 161 പുരുഷന്‍മാരും 174 സ്ത്രീകളുമാണ്. വലിയപറമ്പ ഗ്രാമപഞ്ചായത്തിലെ പാണ്ടിയാളകടവിലാണു കയ്യില്‍ ജി എല്‍ പി സ്‌കൂള്‍ പ്രവര്‍ത്തിക്കുന്നത്.