ജില്ലാ പവര്‍ലിഫ്റ്റിംഗ് അസോസിയേഷന്റെ നേതൃത്വത്തില്‍ ജില്ലാതല പവര്‍ലിഫ്റ്റിംഗ് ചാമ്പ്യന്‍ഷിപ്പ്  നടന്നു. അസിസ്റ്റന്റ് കലക്ടര്‍ അര്‍ജ്ജുന്‍ പാണ്ഡ്യന്‍ ഉദ്ഘാടനം ചെയ്തു. പരിപാടിയില്‍ 2018 ല്‍ മംഗോളിയയില്‍ നടന്ന ഏഷ്യന്‍ പവര്‍ലിഫ്റ്റിംഗ് ചാമ്പ്യന്‍ഷിപ്പില്‍ സ്വര്‍ണ്ണ മെഡല്‍ ജേതാവായ എം എം ദില്‍നയെ  ആദരിച്ചു. 

സ്വീപ്പ് വോട്ടർ ബോധവൽക്കരണ പരിപാടിയുടെ ഭാഗമായി പയ്യാമ്പലം ബീച്ചിൽ മണൽശിൽപം തീർത്തു.  ലോക് സഭാ തെരഞ്ഞെടുപ്പിന്റെ ഭാഗമായി വോട്ടർബോധവൽക്കരണത്തിനായാണ് പരിപാടി സംഘടിപ്പിച്ചത്.

വോട്ട് ചെയ്യാനുള്ള അവകാശം എല്ലാവരും കൃത്യമായി വിനിയോഗിക്കണമെന്ന സന്ദേശം പകരുന്നതായിരുന്നു മണലിൽ തീർത്ത ശിൽപം. ഇന്ത്യയുടെ  ഭൂപടവും, പാർലമെന്റും, വോട്ടിംഗ് മെഷീനും മണലിൽ മണിക്കൂറുകൾക്കുള്ളിൽ കൺമുന്നിൽ തയ്യാർ. വോട്ട് ചെയ്യുക എന്നത് എല്ലാവരുടെയും അവകാശമാണെന്നും ആ അവസരം ആരും പാഴാക്കരുതെന്നും ഈ മണൽ ശിൽപങ്ങൾ കാണികളെ ഓർമ്മപ്പെടുത്തി. ഇന്റീരിയർ ഡിസൈനറായ  മാട്ടൂൽ സ്വദേശി നിതിൻ നാരായണനാണ് ശിൽപി.

ലോക്സഭ തെരഞ്ഞെടുപ്പുമായി ബന്ധപ്പെട്ട് റേറ്റ് ചാര്‍ട്ട് പ്രസിദ്ധീകരിക്കുന്നതിന്റെ ഭാഗമായി രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു. നിലവില്‍ തയ്യാറാക്കിയ റേറ്റ് ചാര്‍ട്ടുമായി ബന്ധപ്പെട്ട് എന്തെങ്കിലും പരാതിയുള്ളവര്‍ 24 മണിക്കൂറിനകം ജില്ലാ തെരഞ്ഞെടുപ്പ് ഓഫീസറെ അറിയിക്കേണ്ടതാണെന്ന് യോഗത്തില്‍ അറിയിച്ചു. റേറ്റ് ചാര്‍ട്ട് കലക്ടറേറ്റില്‍ പ്രസിദ്ധീകരിച്ചിട്ടുണ്ട്. 

തെരഞ്ഞെടുപ്പ് പെരുമാറ്റച്ചട്ടം ലംഘിച്ച് ജില്ലയിലെ പൊതുസ്ഥലങ്ങളിലും സര്‍ക്കാര്‍-അര്‍ധ സര്‍ക്കാര്‍ ഓഫീസ് പരിസരങ്ങളിലും നീക്കംചെയ്യപ്പെടാതെ കിടന്ന 7210 ബാനറുകള്‍, പോസ്റ്ററുകള്‍, ചുമരെഴുത്തുകള്‍ തുടങ്ങിയവ ആന്റി ഡീഫെയ്‌സ്‌മെന്റ് സ്‌ക്വാഡുകള്‍ നീക്കം ചെയ്തു. വിവിധ പ്രദേശങ്ങളില്‍ രാഷ്ട്രീയ പാര്‍ട്ടികളും സര്‍വീസ് സംഘടനകളും അനധികൃതമായി സ്ഥാപിച്ച ബോര്‍ഡുകളും ബാനറുകളുമാണ് നീക്കം ചെയ്തത്. 

തെരഞ്ഞെടുപ്പ് സുതാര്യമാക്കുന്നതില്‍ മാധ്യമ പങ്ക് നിര്‍ണായകം

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പരസ്യങ്ങളും വാര്‍ത്തകളും മറ്റും നല്‍കുമ്പോള്‍  അവ മാതൃകാ പെരുമാറ്റച്ചട്ടത്തിന്റെ ലംഘനമല്ലെന്ന് ഉറപ്പുവരുത്താന്‍ മാധ്യമങ്ങള്‍ ജാഗ്രത പാലിക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടര്‍ മീര്‍ മുഹമ്മദലി പറഞ്ഞു. തെരഞ്ഞെടുപ്പ് ചെലവ് നിരീക്ഷണത്തിന്റെ ഭാഗമായുള്ള മീഡിയ സര്‍ട്ടിഫിക്കേഷന്‍ ആന്റ് മോണിറ്ററിംഗ് കമ്മിറ്റി (എംസിഎംസി)യുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് ചേര്‍ന്ന മാധ്യമപ്രതിനിധികളുടെ യോഗത്തില്‍ സംസാരിക്കുകയായിരുന്നു അദ്ദേഹം. 

സ്റ്റേഷനറി വകുപ്പിന്റെ തിരുവനന്തപുരത്തെ മുഖ്യ സ്റ്റേഷനറി സ്റ്റോറിൽ വാർഷിക സ്റ്റോക്കെടുപ്പ് നടക്കുന്നതിനാൽ ഏപ്രിൽ ഒന്ന് മുതൽ അഞ്ചുവരെ സ്റ്റേഷനറി വിതരണം ഉണ്ടായിരിക്കുന്നതല്ല.

പി.എൻ.എക്സ്. 982/19

മലയിൻകീഴ് എം.എം.എസ് ഗവ: കോളേജിലെ ഡിഗ്രി വിദ്യാർത്ഥികൾക്ക് മാർച്ച് 25ന് റഗുലർ ക്ലാസ് ഉണ്ടാവില്ലെന്ന് പ്രിൻസിപ്പാൾ അറിയിച്ചു. 

പി.എൻ.എക്സ്. 981/19

മഞ്ചേശ്വരം താലൂക്കില്‍ ശാന്തിപ്പള്ളം നാരായണ മംഗലത്തെ ശ്യാം ഭട്ടിന് ഇപ്പോള്‍ 101 വയസ്. ഇപ്പോഴും വോട്ട് ചെയ്യാന്‍ തയ്യാര്‍. പ്രായത്തിന്റെ ബുദ്ധിമുട്ടുകള്‍ ഉണ്ട്. ജീവിതത്തില്‍ കൃഷിയും ശാന്തിപ്പണിയുമാണു പ്രധാന പ്രവര്‍ത്തന മേഖല. കാസര്‍കോട് ജില്ലയില്‍ സ്വീപ്പി(എസ്‌വിഇഇപി)ന്റെ ഭാഗമായുള്ള വോട്ട് വണ്ടിയുടെ പ്രയാണം  ജില്ലാ കളക്ടര്‍ ഡോ ഡി സജിത്ത് ബാബുവിന്റെ സാന്നിദ്ധ്യത്തില്‍ കുമ്പള ശാന്തിപ്പള്ളത്ത് നാരായണമംഗലം യു പി സ്‌കൂളിന് സമീപത്ത് നടന്ന ചടങ്ങില്‍ ശ്യാം ഭട്ട് ഫ്‌ലാഗ് ഓഫ് ചെയ്തു. കൂടാതെ അദ്ദേഹം ഡെമോ വോട്ടിംഗ്  യന്ത്രത്തില്‍ വോട്ട് ചെയ്ത് വിവിപാറ്റിന്റെ പ്രവര്‍ത്തനങ്ങള്‍ മനസിലാക്കുകയും ചെയ്തു.

ട്രോമാ കെയര്‍ കാസര്‍കോടിന്റെ (ട്രാക്ക്) വാര്‍ഷിക ജനറല്‍ബോഡി യോഗം കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്നു. ജില്ലാ പോലീസ് മേധാവി ജെയിംസ് ജോസഫ് മുഖ്യാതിഥിയായി. ട്രോമാ കെയര്‍ പ്രവര്‍ത്തനങ്ങളുടെ പ്രാധാന്യം പൊതു സമൂഹം ഇനിയും മനസ്സിലാക്കിയിട്ടില്ലെന്ന് അദ്ദേഹം പറഞ്ഞു. സാമൂഹിക വിഭജനത്തെ കുറച്ച് കൊണ്ട് വന്ന് മനുഷ്യ മനസ്സുകളെ ഒന്നിപ്പിക്കാന്‍ ട്രോമാ കെയര്‍ സൊസൈറ്റിയിലൂടെ സാധിക്കുമെന്ന് അദ്ദേഹം കൂട്ടിച്ചേര്‍ത്തു. ട്രാക്ക് വൈസ് പ്രസിഡന്റ് എം കെ രാധാകൃഷ്ണന്‍ അധ്യക്ഷത വഹിച്ചു. ജില്ലാ സെക്രട്ടറി വി വേണുഗോപാലന്‍ റിപ്പോര്‍ട്ട് അവതരിപ്പിച്ചു.