കേരള പബ്ലിക് സര്‍വ്വീസ് കമ്മീഷന്‍ ജൂണ്‍ 15ന് നടത്തുന്ന യൂണിവേഴ്സിറ്റി അസിസ്റ്റന്റ് പരീക്ഷയ്ക്ക് കോഴിക്കോട് ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തില്‍, ഒരു മാസത്തെ സൗജന്യ പരിശീലനം സംഘടിപ്പിക്കുന്നു. താത്പര്യമുള്ള ജില്ലയിലെ ഉദ്യോഗാര്‍ത്ഥികള്‍ പേര്, മേല്‍വിലാസം, ഫോണ്‍ നമ്പര്‍, എംപ്ലോയ്മെന്റ് രജിസ്ട്രേഷന്‍ നമ്പര്‍, യോഗ്യതകള്‍ എന്നിവ സഹിതം ജില്ലാ എംപ്ളോയ്മെന്റ് ഓഫീസര്‍, സിവില്‍ സ്റ്റേഷന്‍, കോഴിക്കോട്-20 എന്ന വിലാസത്തിലോ deekzkd.emp.lbr@kerala.gov.in ഇ-മെയിലിലോ മെയ് ഏഴിനകം അപേക്ഷ സമര്‍പ്പിക്കണമെന്ന് ജില്ലാ എംപ്ളോയ്മെന്റ് ഓഫീസര്‍  അറിയിച്ചു. ഫോണ്‍ - 0495 -2370179.

2018-19 വര്‍ഷത്തില്‍ പ്രൊഫഷണല്‍ ഡിഗ്രിക്ക് പഠിക്കുന്ന വിമുക്തഭട•ാരുടെ മക്കള്‍ക്ക് പ്രധാനമന്ത്രിയുടെ സ്‌കോളര്‍ഷിപ്പിന് അപേക്ഷിക്കാനുളള തീയതി മെയ് അഞ്ച് വരെ നീട്ടിയതായി കേന്ദ്രീയ സൈനിക ബോര്‍ഡ് അറിയിച്ചു. താത്പര്യമുളളവര്‍ക്ക് മെയ് അഞ്ച് വരെ കെ.എസ്.ബി യുടെ വെബ്സൈറ്റില്‍ ഓണ്‍ലൈന്‍ ആയി അപേക്ഷിക്കാം. www.ksb.gov.in. ഫോണ്‍ - 0495 2771881. 

നോര്‍ക്ക റൂട്ട്‌സിന്റെ തിരുവനന്തപുരം സെന്ററില്‍  മെയ് ആറ്, ഏഴ് തീയതികളില്‍ സര്‍ട്ടിഫിക്കറ്റ് അറ്റസ്റ്റേഷന്‍  ഉണ്ടായിരിക്കുന്നതല്ലെന്ന് സെന്റര്‍ മാനേജര്‍ അറിയിച്ചു.

    മത്സ്യത്തൊഴിലാളി കടാശ്വാസ കമ്മീഷന്‍ ഏപ്രില്‍ 30 ന് രാവിലെ 10 മണിക്ക് കോഴിക്കോട് വെസ്റ്റ്ഹില്‍ പി.ഡബ്ള്യു.ഡി. റസ്റ്റ് ഹൗസില്‍ അദാലത്ത് നടത്തും. പങ്കെടുക്കാന്‍ കമ്മീഷനില്‍ നിന്നും നോട്ടീസ് കൈപ്പറ്റിയ അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും അന്നേ ദിവസം രാവിലെ 10 ന് ഹാജരാകേണ്ടതാണ്.

ജലത്തിന്റെ പ്രാധാന്യം പുതുതലമുറയില്‍ എത്തിക്കാന്‍ കോഴിക്കോട് ജലവിഭവ വികസന വിനിയോഗ കേന്ദ്രത്തിന്റെ  നേതൃത്വത്തില്‍ ജലസ്രോതസ്സുകളുടെ സംരക്ഷണവും കാര്യക്ഷമമായ വിനിയോഗവും എന്ന വിഷയത്തില്‍ ദ്വിദിന ബോധവത്ക്കരണ പരിപാടി ആരംഭിച്ചു. 'ജീവജലം' എന്ന പേരില്‍ നടത്തുന്ന പരിപാടിയില്‍   വിവിധ സ്‌കൂളുകളില്‍ നിന്നായി 80 ല്‍ അധികം വിദ്യാര്‍ത്ഥികള്‍ പങ്കെടുക്കുന്നു. സി.ഡബ്ല്യു.ആര്‍.ഡി.എം എക്‌സിക്യുട്ടീവ് ഡയറക്ടര്‍ ഡോ.എ.ബി.അനിത  ഉദ്ഘാടനം ചെയ്തു.  ചടങ്ങില്‍ സി.ഡബ്ല്യു.ആര്‍.ഡി.എം ജല ഗുണനിലവാര വിഭാഗം മേധാവി ഡോ. പി. എസ്.ഹരികുമാര്‍ അധ്യക്ഷത വഹിച്ചു.

കുവൈറ്റിലെ അര്‍ദ്ധ സര്‍ക്കാര്‍ റിക്രൂട്ട്‌മെന്റ്  കമ്പനിയായ അല്‍ദുര കമ്പനി നോര്‍ക്ക റൂട്ട്‌സ് മുഖേന ഗാര്‍ഹിക തൊഴിലാളികളെ തിരഞ്ഞെടുക്കുന്നു. മുപ്പതിനും അമ്പതിനും മധ്യേ പ്രായമുള്ള 1000 വനിതകളെയാണ് തിരഞ്ഞെടുക്കുന്നത്.   ഇവരുടെ സുരക്ഷിതത്വവും നിയമപരവും സുതാര്യവുമായ റിക്രൂട്ട്‌മെന്റ് നോര്‍ക്ക് റൂട്ട്‌സ് ഉറപ്പു വരുത്തും. 

ഏപ്രില്‍ 30ന് ജില്ലയില്‍  ശക്തമായ മഴയ്ക്ക് സാധ്യതയുണ്ടെന്ന കേന്ദ്ര കാലാവസ്ഥ  വകുപ്പിന്റെ മുന്നറിയിപ്പ് കണക്കിലെടുത്ത്  കണ്‍ട്രോള്‍ റൂം തുറന്നതായി ജില്ലാ കളക്ടര്‍ പി.കെ സുധീര്‍ ബാബു അറിയിച്ചു. അടിയന്തിര സാഹചര്യം നേരിടുന്നതിന് കളക്‌ട്രേറ്റിലും താലൂക്കാസ്ഥാനങ്ങളിലുമാണ്  കണ്‍ട്രോള്‍ റൂം സജ്ജമാക്കിയിട്ടുളളത്. 

പൊതുസ്ഥലങ്ങളില്‍ മാലിന്യം നിക്ഷേപിക്കുന്നതിനെതിരെ നടപടി കര്‍ശനമാ ക്കാന്‍ ജില്ലാ ഭരണകൂടം തീരുമാനിച്ചു.  മാലിന്യ നീക്കം സംബന്ധിച്ച് നിലവിലുളള നിയമങ്ങളും കോടതി നിര്‍ദ്ദേശങ്ങളും പൂര്‍ണമായും പാലിക്കപ്പെടുന്നുണ്ടെന്ന് ഉറപ്പാക്കും.