സംസ്ഥാനത്തെ ഒബിസി വിഭാഗത്തില്‍പ്പെട്ടവരും കുടുംബ വാര്‍ഷിക വരുമാനം ഒരു ലക്ഷം രൂപയില്‍ അധികരിക്കാത്തവരും, പരമ്പരാഗതമായി മണ്‍പാത്ര നിര്‍മാണ തൊഴിലില്‍ ഏര്‍പ്പെട്ടിരിക്കുന്നവരുമായ വ്യക്തികള്‍ക്ക് അവരുടെ തൊഴില്‍ അഭിവൃദ്ധിക്കായി സംസ്ഥാന പിന്നാക്ക വിഭാഗ വികസന വകുപ്പ്  ധനസഹായ പദ്ധതിയിലേക്ക് (2019-20) അപേക്ഷ ക്ഷണിച്ചു. അപേക്ഷ സമര്‍പ്പിക്കേണ്ട അവസാന തിയതി മെയ് 25  ആണ്.  അപേക്ഷ ഫോറത്തിന്റെ മാതൃകയും ഹാജരാക്കേണ്ട രേഖകളെ സംബന്ധിച്ചുള്ള വിവരങ്ങളും www.bcdd.kerala.gov.in വിലാസത്തില്‍ ലഭ്യമാണ്.

വാസ്തുവിദ്യാ ഗുരുകുലം; പാനല്‍ തയ്യാറാക്കുന്നു

കൊച്ചി: സാംസ്‌കാരിക കാര്യ വകുപ്പിന്റെ കീഴില്‍ ആറന്മുളയില്‍ പ്രവര്‍ത്തിക്കുന്ന വാസ്തുവിദ്യാ ഗുരുകുലത്തില്‍ ഭാവിയില്‍ ഉണ്ടാകുന്ന വിവിധ പ്രോജക്ടുകളിലെ സാങ്കേതിക ജോലികള്‍ക്കും സ്ഥാപനം നടത്തുന്ന കോഴ്‌സുകളിലെ അദ്ധ്യാപന ജോലിക്കും ആവശ്യാനുസരണം നിയോഗിക്കുന്നതിനായി യോഗ്യരായ ഉദ്യോഗാര്‍ത്ഥികളുടെ ഒരു പാനല്‍ തയ്യാറാക്കാന്‍ ഉദ്ദേശിക്കുന്നു.  വാസ്തുവിദ്യാ ഗുരുകുലത്തില്‍ നിന്നും വിവിധ കോഴ്‌സുകളില്‍ യോഗ്യത നേടിയവരെയാണ് പരിഗണിക്കുന്നത്. 

2016 ജനുവരി ഒന്ന് മുതല്‍ അംശദായ അടവ് മുടങ്ങി അംഗത്വം റദ്ദായവര്‍ക്ക് മെയ് രണ്ട് മുതല്‍ ജൂണ്‍ 29 വരെ അംഗത്വം പുനസ്ഥാപിച്ച് കൊടുക്കുമെന്ന് ജില്ലാ ഭാഗ്യക്കുറിക്ഷേമ ഓഫീസര്‍ അറിയിച്ചു. അംഗത്വ പാസ്സ് ബുക്ക്, ടിക്കറ്റ് അക്കൗണ്ട് ബുക്ക് എന്നിവ സഹിതം ജില്ലാ ക്ഷേമനിധി ഓഫീസര്‍ മുമ്പാകെ നേരിട്ട് ഹാജരാകണം. ലോട്ടറി ക്ഷേമനിധി അംഗങ്ങള്‍ കുടിശ്ശിക കാലയളവില്‍ നിര്‍ദ്ദിഷ്ട തുകയ്ക്കുളള (30000 രൂപയുടെ) ടിക്കറ്റ് വില്പന നടത്തിയിരിക്കണം. ഫോണ്‍ - 0495 2378222.

കേരള സ്റ്റേറ്റ് സിവില്‍ സര്‍വീസ് അക്കാഡമിയുടെ പൊന്നാനി കേന്ദ്രത്തില്‍ (ICSR) സിവില്‍ സര്‍വീസ് പരീക്ഷാ പരിശീലനത്തിന് അപേക്ഷ  ക്ഷണിച്ചു. www.ccek.org  ല്‍ മെയ് 24 ന്  5 മണി വരെ ഓണ്‍ലൈനായി അപേക്ഷിക്കാം.  പ്രവേശനപരീക്ഷ മെയ് 26 ന് പൊന്നാനി ഈശ്വരമംഗലത്തുള്ള കേന്ദ്രത്തില്‍ നടക്കും. ക്ലാസുകള്‍ ജൂണ്‍ 17  ന് ആരംഭിക്കും. 

ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ വൊക്കേഷണല്‍ ഗൈഡന്‍സ് യൂണിറ്റിന്റെ ആഭിമുഖ്യത്തില്‍ സൗജന്യ മത്സരപരീക്ഷാ പരിശീലനം നല്‍കും. പി.എസ്.സി നടത്തുന്ന യൂണിവേഴ്‌സിറ്റി അസിസ്റ്റന്റ് പരീക്ഷയ്ക്ക് തയാറെടുക്കുന്ന ഉദേ്യാഗാര്‍ഥികള്‍ക്കായി മെയ് ആറിന് രാവിലെ 10ന് ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ പരിശീലനം ആരംഭിക്കും. 30 ദിവസമാണ് പരിശീലനം നല്‍കുക. താത്പര്യമുള്ളവര്‍ അതത്  എംപ്ലോയ്‌മെന്റ് എക്‌സ്‌ചേഞ്ചുകളില്‍ നേരിട്ട് ഹാജരായി രജിസ്റ്റര്‍ ചെയ്യണം. ഫോണ്‍: 8848906323, 8281323707.

        (പിഎന്‍പി 1049/19)

ഐഎംസിയുടെ ആഭിമുഖ്യത്തില്‍ ചെന്നീര്‍ക്കര ഗവണ്‍മെന്റ് ഐടിഐയില്‍ തുടങ്ങിയ ഡ്രൈവിംഗ് പരിശീലനത്തിന് അപേക്ഷിക്കാം. ഫോണ്‍: 0468 2258710, 9745424281.          (പിഎന്‍പി 1050/19)

പത്തനംതിട്ട എസ്.ബി.ഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ ആരംഭിക്കുന്ന സൗജന്യ തയ്യല്‍ പരിശീലനത്തിന് 18നും 45നും മധ്യേ പ്രായമുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ മെയ് ഒന്നിന് രാവിലെ 10 മുതല്‍ ഉച്ചയ്ക്ക് ഒന്ന് വരെ പരിശീലന കേന്ദ്രത്തില്‍ നടക്കുന്ന മുഖാമുഖത്തിന് പങ്കെടുക്കണം.  റേഷന്‍ കാര്‍ഡിന്റെ പകര്‍പ്പ് ഹാജരാക്കണം. ഫോണ്‍: 0468 2270244, 2270243.                   (പിഎന്‍പി 1048/19)