· മലയോര മേഖലയിലെ റോഡുകള്‍ക്ക് കുറുകെയുള്ള ചെറിയ ചാലുകളിലൂടെ മലവെള്ള പാച്ചിലും ഉരുള്‍പൊട്ടലും ഉണ്ടാകുവാന്‍ സാധ്യതയുളളതിനാല്‍  ഇത്തരം ചാലുകളുടെ അരികില്‍ വാഹനങ്ങള്‍ നിര്‍ത്തരുത്.

· മലയോര മേഖലയിലും ബീച്ചുകളിലും വിനോദ സഞ്ചാരത്തിന് പോകാതിരിക്കുക.

· കൃത്യമായ അറിയിപ്പുകള്‍ ലഭിക്കുന്നതിനായി മുഖ്യമന്ത്രിയുടെയും സംസ്ഥാന ദുരന്ത നിവാരണ അതോറിറ്റിയുടെയും ഫേസ്ബുക്ക് പേജുകള്‍ ശ്രദ്ധിക്കുക. സമൂഹ മാധ്യമങ്ങളിലൂടെ തെറ്റായ വിവരങ്ങള്‍ പ്രചരിപ്പിക്കരുത്.

· ഒരു കാരണവശാലും നദികള്‍, ചാലുകള്‍ എന്നിവ മുറിച്ചു കടക്കരുത്

സ്‌കോൾ-കേരള മുഖേന ഹയർസെക്കൻഡറി കോഴ്‌സ്, ഓപ്പൺ റെഗുലർ, പ്രൈവറ്റ് രജിസ്‌ട്രേഷൻ വിഭാഗങ്ങളിൽ 2017-19 ബാച്ചിൽ പഠനം പൂർത്തിയാക്കിയ വിദ്യാർത്ഥികളുടെ ട്രാൻസ്ഫർ സർട്ടിഫിക്കറ്റ് ബന്ധപ്പെട്ട പരീക്ഷ കേന്ദ്രങ്ങളിൽ നിന്നും കൈപ്പറ്റാം. പ്രൈവറ്റ് രജിസ്‌ട്രേഷൻ വിദ്യാർത്ഥികൾ പരീക്ഷാ കേന്ദ്രങ്ങളിൽ നിന്നും, ഓപ്പൺ റെഗുലർ വിദ്യാർത്ഥികൾ ബന്ധപ്പെട്ട ജില്ലാ കേന്ദ്രങ്ങളിൽ നിന്നുമാണ് ടി.സി. കൈപ്പറ്റേണ്ടത്. ഓപ്പൺ റെഗുലർ വിദ്യർത്ഥികൾക്കുള്ള കോൺടാക്ട് സർട്ടിഫിക്കറ്റ് പഠനകേന്ദ്രങ്ങളിൽ ലഭിക്കും. വിദ്യാർത്ഥികൾ സ്‌കോൾ-കേരള അനുവദിച്ചിട്ടുള്ള തിരിച്ചറിയൽ കാർഡുമായി നേരിട്ടെത്തണം.

പി.എൻ.എക്സ്. 1195/19

2019-20 അക്കാദമിക വർഷത്തെ സ്‌കൂൾ പ്രവേശനോത്സവത്തിന്റെ ഭാഗമായി തയ്യാറാക്കുന്ന പ്രവേശനോത്സവ ഗാനം എഴുതി നൽകുന്നതിന് താല്പര്യമുള്ള പൊതു വിദ്യാലയങ്ങളിലെ അധ്യാപകർ, വദ്യാർത്ഥികൾ എന്നവരിൽ നിന്ന് കൈയ്യഴുത്ത്പ്രതി ക്ഷണിച്ചു. പ്രവേശനോത്സവ ഗാനം മേയ് പത്തിനു മുമ്പ് സ്റ്റേറ്റ് പ്രോജക്ട് ഡയറക്ടർ, സ്റ്റേറ്റ് പ്രോജക്ട് ഓഫീസ്, സമഗ്രശിക്ഷാ, കേരളം, നന്ദാവനം, തിരുവനന്തപുരം, പിൻ- 695033 എന്ന വിലാസത്തിൽ അയയ്ക്കണം.

പി.എൻ.എക്സ്. 1193/19

'ഫോനി' ചുഴലി കാറ്റിന്റെ പ്രഭാവം മൂലം കേരളത്തിൽ വിവിധയിടങ്ങളിൽ മഴ ലഭിക്കാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കേരളം ഫോനി ചുഴലിക്കാറ്റിന്റെ സഞ്ചാര പഥത്തിൽ ഇല്ല. എന്നാൽ ചില ജില്ലകളിൽ ശക്തമായ കാറ്റും മഴയും ഉണ്ടായേക്കാം എന്നാണ് കേന്ദ്ര കാലാവസ്ഥ കേന്ദ്രത്തിന്റെ മുന്നറിയിപ്പ്. 

ഏപ്രിൽ 30ന് കേരളത്തിൽ  ശക്തമായ കാറ്റ് (മണിക്കൂറിൽ  40 -50 കിലോമീറ്റർ  വരെ വേഗത്തിൽ, ചില അവസരങ്ങളിൽ 60 കിലോമീറ്റർ വരെ വേഗതയിലും) വീശാൻ സാധ്യത ഉണ്ട്.

അംഗീകൃത സർവകലാശാലകളിൽ നിന്നും ബിരുദാനന്തര ബിരുദം/എംഫിൽ/പി.എച്ച്ഡി കഴിഞ്ഞ വർഷം പൂർത്തീകരിച്ച അല്ലെങ്കിൽ നിലവിൽ രജിസ്റ്റർ ചെയ്തിട്ടുള്ള വിദ്യാർത്ഥികളിൽ നിന്നും 2019-2020 വർഷത്തേയ്ക്ക് ഇന്റേൺഷിപ്പിന് കേരള സംസ്ഥാന ആസൂത്രണ ബോർഡ് അപേക്ഷ ക്ഷണിച്ചു. വിശദ വിവരങ്ങളും അപേക്ഷ ഫോറവും  http://spb.kerala.gov.in എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 1190/19

കേരള പബ്ലിക് സർവീസ് കമ്മീഷൻ ജൂണിൽ നടത്തുന്ന യൂണിവേഴ്‌സിറ്റി അസിസ്റ്റന്റ് പരീക്ഷയ്ക്ക് തയ്യാറെടുക്കുന്ന ഉദ്യോഗാർത്ഥികൾക്കായി തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ 30 ദിവസത്തെ സൗജന്യ പരിശീലന പരിപാടി സംഘടിപ്പിക്കുന്നു. പങ്കെടുക്കുവാൻ താല്പര്യമുള്ളവർ തിരുവനന്തപുരം ജില്ലാ എംപ്ലോയ്‌മെന്റ് ഓഫീസിലെ വൊക്കേഷണൽ ഗൈഡൻസ് യൂണിറ്റുമായി ബന്ധപ്പെടണം. ഫോൺ: 8281075156.

പി.എൻ.എക്സ്. 1189/19

പാലക്കാട് വ്യാവസായിക ട്രൈബ്യൂണലും, ഇൻഷുറൻസ് കോടതി ജഡ്ജിയും, എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ മേയ് 6, 7 ,13, 14, 20, 21, 27, 28 തിയതികളിൽ പാലക്കാട് പി.ഡബ്ല്യൂ.ഡി. റസ്റ്റ് ഹൗസ് ഹാളിലും 3, 9 തിയതികളിൽ പെരിന്തൽമണ്ണ സബ്ബ് ഡിവിഷണൽ മജിസ്‌ട്രേറ്റ് കോടതി ഹാളിലും 17, 24 തിയതികളിൽ മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും 31ന് തിരൂർ സബ്ബ് കളക്ടറുടെ കാര്യാലയത്തിലെ രണ്ടാം നിലയിലെ കോർട്ട് ഹാളിലും തൊഴിൽ തർക്ക കേസ്സുകളും ഇൻഷുറൻസ് കേസ്സുകളും എംപ്ലോയീസ് കോമ്പൻസേഷൻ കേസ്സുകളും വിചാരണ ചെയ്യും.  

പി.എൻ.എക്സ്. 1188/19