ആലപ്പുഴ: ജില്ലാ മെഡിക്കൽ ഓഫീസിന്റെയും ആരോഗ്യ കേരളം പദ്ധതിയുടെയും ഭാഗമായി ജില്ലയിൽ നടപ്പാക്കുന്ന കുഷ്ഠരോഗ നിർണയ പ്രചാരണ പരിപാടി അശ്വമേധത്തിന്റെ ജില്ലാ തല ഉദ്ഘാടനം ഏപ്രിൽ 29ന് നടക്കും. നൂറനാട് ലെപ്രസി സാനട്ടോറിയത്തിൽ രാവിലെ 10 മണിക്ക് ജില്ലാ കളക്ടർ എസ്.സുഹാസ് ഉദ്ഘാടനം നിർവഹിക്കും. ജില്ലാ മെഡിക്കൽ ഓഫീസർ ഡോ.എൽ.അനിതകുമാരി അധ്യക്ഷത വഹിക്കും. തോപ്പിൽ ഭാസിയുടെ മകൻ തോപ്പിൽ സോമൻ അശ്വമേധം നാടകത്തിന്റെ ഓർമ്മകൾ പങ്ക് വയ്ക്കും. ആരോഗ്യ കേരളം ഡി.പി.എം. കെ.ആർ.രാധാകൃഷ്ണൻ ആദരിക്കൽ ചടങ്ങ് നടത്തും.

ആലപ്പുഴ: ചില സാങ്കേതിക കാരണങ്ങളാൽ ഏപ്രിൽ 29ന് വിമുക്തഭട എംപ്ലോയ്‌മെന്റ് രജിസ്‌ട്രേഷൻ ഉണ്ടായിരിക്കില്ലെന്ന് ജില്ലാ സൈനിക ക്ഷേമ ഓഫീസർ അറിയിച്ചു.

ആലപ്പുഴ:2018-19 ൽ പ്രധാനമന്ത്രിയുടെ സ്‌കോളർഷിപ്പിന് വേണ്ടി ഏതെങ്കിലും കാരണവശാൽ അപേക്ഷിക്കാൻ സാധിക്കാത്തവരും അപേക്ഷകൾ സാങ്കേതിക തകരാർ മൂലം നിരസിക്കപ്പെട്ടവർക്കും മെയ് അഞ്ച് വരെ വീണ്ടും അപേക്ഷിക്കാം. ഇതുമായി ബന്ധപ്പെട്ട സംശയങ്ങൾക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെടാം. ഫോൺ: 04772245673.

ആലപ്പുഴ: ബംഗാൾ ഉൾക്കടലിന് സമീപം രൂപം കൊണ്ട ന്യൂന മർദ്ദത്തിന്റെ പശ്ചാത്തലത്തിൽ കേരള തീരത്ത് ഏപ്രിൽ 28ന് രാവിലെ മുതൽ ശക്തമായ കാറ്റിന് സാധ്യത. 29, 30 തിയതികളിൽ കാറ്റ് ശക്തിപ്രാപിക്കുമെന്നും മഴ ശക്തിപ്പെടാനും സാധ്യതയുള്ളതായി കാലാവസ്ഥാ കേന്ദ്രം മുന്നറിയിപ്പ് നൽകി.

ആലപ്പുഴ: ഫാനി ചുഴലിക്കാറ്റ് കേരളത്തിലും നാശം വിതയ്ക്കാൻ സാധ്യതയുണ്ടെന്ന മുന്നറിയിപ്പിന്റെ പശ്ചാത്തലത്തിൽ ജില്ലയിലെ എല്ലാ താലൂക്കുകളിലും 24 മണിക്കൂറും പ്രവർത്തിക്കുന്ന കൺട്രോൾ റൂം തുറന്നു. താലൂക്ക് കൺട്രോൾ റൂം നമ്പരുകൾ ഇനിപ്പറയുന്നു: ചേർത്തല: 0478-2813103, അമ്പലപ്പുഴ:  0477-2253771, കുട്ടനാട്: 0477-2702221, കാർത്തികപ്പള്ളി- 0479-2412797, മാവേലിക്കര- 0479-2302216, ചെങ്ങന്നൂർ: 0479-2452334

ആലപ്പുഴ : ഏപ്രിൽ 29,30 തിയതികളിൽ കേരളത്തിൽ ശക്തമായ കാറ്റും മഴയ്ക്കും സാധ്യതയുണ്ടെന്ന് കാലാവസ്ഥാ കേന്ദ്രം അറിയിക്കുന്നു. കൂടാതെ മത്സ്യത്തൊഴിലാളികൾ 28,29,30 തീയതികളിൽ കേരള തീരം പ്രക്ഷുബ്ധമാകാൻ സാധ്യതയുള്ളതിനാൽ കേരളത്തിന്റെ തീരത്ത് മത്സ്യ ബന്ധനത്തിന് ഇറങ്ങരുതെന്നും മുന്നറിയിപ്പുണ്ട്. ആഴക്കടലിൽ പോയവർ എത്രയും പെട്ടെന്ന് അടുത്തുള്ള സുരക്ഷിത തീരം അണയാനും നിർദ്ദേശിക്കുന്നു. ബീച്ചുകളിൽ വിനോദസഞ്ചാരത്തിന് പോകരുത്.

കേരള ലളിതകലാ അക്കാദമിയുടെ 2018-2019 വര്‍ഷത്തെ കാര്‍ട്ടൂണ്‍ ഏകാംഗ പ്രദര്‍ശനത്തിനായി കലാകാരന്‍മാരെ തിരഞ്ഞെടുത്തു. തോമസ് ആന്റണി, കെ.ബി. ഹരികുമാര്‍, സുധീര്‍നാഥ് എന്നിവരെയാണ് കാര്‍ട്ടൂണ്‍ പ്രദര്‍ശനത്തിന് തിരഞ്ഞെടുക്കപ്പെട്ടത്.
പ്രദര്‍ശനം സംഘടിപ്പിക്കുന്നതിനായി 50,000 രൂപ ഗ്രാന്റും സൗജന്യ ഗ്യാലറി ഉള്‍പ്പെടെയുള്ള സൗകര്യങ്ങളുമാണ് കലാകാരന്‍മാര്‍ക്ക് നല്‍കുന്നത്.

ഗോപിനാഥന്‍, വയസ്സ് 46 (സുദര്‍ശിനി ടി.പി എന്നവരുടെ ഭര്‍ത്താവ്) എന്നയാളെ 2018 ആഗസ്റ്റ് 12 മുതല്‍ കോഴിക്കോട് മെഡിക്കല്‍ കോളേജ് പോലീസ് സ്റ്റേഷന്‍ പരിധിയിലെ കുറ്റിക്കാട്ടൂര്‍ എന്ന സ്ഥലത്ത് കാണാതായതായി പൊലീസ് അറിയിച്ചു. ഇരുനിറം, 160 സെ.മീ ഉയരം, കട്ടിമീശ, ഹോട്ടല്‍ ജോലി. വിവരം ലഭിക്കുന്നവര്‍ താഴെ നമ്പറുകളില്‍ അിറയിക്കാന്‍ താത്പര്യം. 9497987180, 9497980717, 0495 2357691.
(ഫോട്ടോ സഹിതം)

കലക്ടറേറ്റില്‍ പൊതുജനങ്ങള്‍ക്കായുള്ള ഇരിപ്പിടത്തിന് മുകളില്‍ സ്ഥാപിക്കുന്നതിനായി  മാങ്കാവ് പുഴ സംരക്ഷണ സമിതി  അഞ്ച് ഫാനുകള്‍ നല്‍കി. എ.ഡി.എമ്മിന്റ ചേമ്പറില്‍ നടന്ന ചടങ്ങില്‍ എ.ഡി.എം ഇ.പി മേഴ്സിയും കലക്ടറേറ്റ് സ്റ്റാഫ് വെല്‍ഫെയര്‍ കമ്മിറ്റി ഭാരവാഹികളും ചേര്‍ന്ന് ഫാനുകള്‍ ഏറ്റുവാങ്ങി. പ്രസിഡണ്ട് കെ. ഷഹീറലി, പ്രവര്‍ത്തകരായ വി.കെ സിദ്ദീഖ്, ടി. റഹൂഫ, വി. ഫൈസല്‍ ബാബു തുടങ്ങിയവര്‍ സന്നിഹിതരായി.