ജില്ലയില്‍ വേനല്‍മഴ പെയ്തതോടുകൂടി മഴക്കാലരോഗങ്ങള്‍ക്ക് സാധ്യത. കഴിഞ്ഞ ദിവസം വെള്ളരിക്കുണ്ട് ഭാഗത്ത് ഡെങ്കുപ്പനി സ്ഥിരീകരിച്ച  സാഹചര്യത്തില്‍ മലയോര പ്രദേശങ്ങളില്‍ താമസിക്കുന്നവര്‍  വളരെ ശ്രദ്ധിക്കേണ്ടതാണെന്നു ജില്ലാ മെഡിക്കല്‍ ഓഫീസര്‍ അറിയിച്ചു. റബര്‍, കവുങ്ങ്(കമുക്) തോട്ടങ്ങളിലെ ചിരട്ട, പാള മുതലായവ വെള്ളം കെട്ടിനിന്ന് കൊതുകു വളരാനുള്ള  സാഹചര്യം ഉള്ളതായാണ് ആരോഗ്യവകുപ്പിന്റെ പരിശോധനയില്‍ കണ്ടെത്തിയിരിക്കുന്നത്.

ദേശീയ ചുഴലിക്കാറ്റ് അപകടസാധ്യത ലഘൂകരണ പദ്ധതിയുടെ (എന്‍സിആര്‍എംപി) ഭാഗമായി ജില്ലാതല ദുരന്തനിവാരണ അതോറിറ്റി ആരോഗ്യ വകുപ്പിന്റെ സഹായത്തോടെ ദുരന്തനിവാരണ പരിശീലനം സംഘടിപ്പിച്ചു. കളക്ടറേറ്റ് മിനികോണ്‍ഫറന്‍സ് ഹാളില്‍ സംഘടിപ്പിച്ച പരിശീലന പരിപാടി എഡിഎം:സി ബിജു ഉദ്ഘാടനം ചെയ്തു. ഡിസാസ്റ്റര്‍ മാനേജ്‌മെന്റ് മേഖലയില്‍ ഫലപ്രദമായ മുന്നൊരുക്കങ്ങള്‍ നടത്തുന്നതിലാണു കേരളത്തിനു പ്രകൃതി ദുരന്തങ്ങളെ കാര്യക്ഷമമായി നേരിടാന്‍ സാധിക്കുന്നതെന്ന് അദ്ദേഹം പറഞ്ഞു. ദുരന്ത നിവാരണ പ്രക്രിയകളില്‍ സ്റ്റാന്റേഡ് ഓപ്പറേഷന്‍ പ്രൊസീജര്‍ തയ്യാറാക്കുന്നതിനു ദുരന്തനിവാരണ പരിശീലനങ്ങള്‍ക്കു സാധിക്കുമെന്നും അദ്ദേഹം പറഞ്ഞു. 

കാസര്‍കോട് ജില്ലയെ വരള്‍ച്ചയില്‍ നിന്ന് മോചിപ്പിക്കുന്നതിനുള്ള ജില്ലാ ഭരണകൂടത്തിന്റെ പ്രവര്‍ത്തനങ്ങള്‍ ശ്രദ്ധേയമാകുന്നു. ദാഹമകറ്റാന്‍ വെള്ളത്തിനായി പരക്കംപായുന്ന നിരവധി കുടുംബങ്ങള്‍ക്ക് അനുഗ്രഹമായി ജില്ലാ കളക്ടര്‍ ഡോ ഡി സജിത്ത് ബാബുവിന്റെ നേതൃത്വത്തില്‍ നിരവധി പ്രവര്‍ത്തങ്ങളാണ് നടത്തുന്നത്. 

കാസര്‍കോട് വികസന പാക്കേജില്‍ ജല സംരക്ഷണ പ്രവര്‍ത്തനങ്ങള്‍ക്ക് മുന്‍ഗണന നല്‍കുമെന്ന് ജില്ലാ കളക്ടര്‍ ഡോ.സജിത് ബാബു പറഞ്ഞു. കളക്ടറേറ്റില്‍ ചേര്‍ന്ന ജില്ലയിലെ ജലസംരക്ഷണ പ്രവര്‍ത്തനങ്ങുടെയും നദീതതട വികസനപദ്ധതികളുടെയും അവലോകന യോഗത്തില്‍ സംസാരിക്കുകയായിരുന്നു കളക്ടര്‍. 

    പൂലന്തറ-തിട്ടയത്തുകോണം-മത്തനാട്-പിരപ്പന്‍കോട് റോഡില്‍ കലുങ്കിന്റെ നിര്‍മാണം നടക്കുന്നതിനാല്‍ ഇന്ന് (മേയ് 1) മുതല്‍ ഒരു മാസം ഇതുവഴിയുള്ള ഗതാഗതം നിരോധിച്ചതായി പൊതുമരാമത്ത് വകുപ്പ് എക്‌സിക്യൂട്ടീവ് എന്‍ജിനീയര്‍ അറിയിച്ചു.  കിണറ്റുമുക്ക് നിന്നും പൂലന്തറ, പോത്തന്‍കോട് ഭാഗത്തേയ്ക്ക് പോകേണ്ട വാഹനങ്ങള്‍ വേളാവൂര്‍ വഴി പോത്തന്‍കോട്-വെഞ്ഞാറമൂട് ബൈപ്പാസ് റോഡ് വഴി പോകണം. പോത്തന്‍കോട്, പൂലന്തറ നിന്നും കിണറ്റുമുക്ക് പോകേണ്ട വാഹനങ്ങള്‍ പോത്തന്‍കോട്-വെഞ്ഞാറമൂട് ബൈപ്പാസ് റോഡ് വഴി വേളാവൂര്‍ വന്നു പോകേണ്ടതാണെന്നും അറിയിപ്പില്‍ പറയുന്നു.                        (പി.ആര്‍.പി. 531/2019)

വിമുക്ത ഭടന്മാരുടെ മക്കള്‍ക്കുള്ള 2018 - 2019 വര്‍ഷത്തെ പ്രധാനമന്ത്രി സ്‌കോളര്‍ഷിപ്പ് സ്‌കീമിന് അപേക്ഷിക്കാനുള്ള തീയതി മേയ് അഞ്ചു വരെ നീട്ടിയതായി ജില്ലാ സൈനിക ക്ഷേമ ഓഫിസര്‍ അറിയിച്ചു. പ്രൊഫഷണല്‍ ഡിഗ്രി കോഴ്സ് പഠിക്കുന്ന വിദ്യാര്‍ഥികള്‍ക്കായാണ് സ്‌കീം. ഇതുവരെ അപേക്ഷിക്കാന്‍ കഴിയാതിരുന്നവരും സാങ്കേതിക തകരാര്‍ മൂലം അപേക്ഷ നിരസിക്കപ്പെട്ടവരും ഈ അവസരം പ്രയോജനപ്പെടുത്തണമെന്നും അറിയിപ്പില്‍ പറയുന്നു. കൂടുതല്‍ വിവരങ്ങള്‍ക്ക് 0471 2472748.
(പി.ആര്‍.പി. 530/2019)

കുടുംബശ്രീ ജില്ലാ മിഷന്‍ നടപ്പാക്കുന്ന ബാലസഭ പദ്ധതിയുടെ ഭാഗമായുള്ള ജില്ലാതല ബാല പാര്‍ലമെന്റ് ആരോഗ്യമന്ത്രി കെ.കെ. ഷൈലജ ടീച്ചര്‍ ഉദ്ഘാടനം ചെയ്തു. പഴയ നിയമസഭാ ഹാളില്‍ നടന്ന  പരിപാടിയില്‍ അഡ്വ. ബി. സത്യന്‍ എം.എല്‍.എ. അധ്യക്ഷത വഹിച്ചു. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ ഡോ. കെ.ആര്‍. ഷൈജു മുഖ്യ പ്രഭാഷണം നടത്തി. വിവിധ വകുപ്പുകളിലെ ജില്ലാതല മേധാവികള്‍ ഫെസിലിറ്റേറ്റര്‍മാരായിരുന്നു. ബാലസഭ പദ്ധതിയുടെ ഭാഗമായി ഏപ്രില്‍ 29ന് ശ്രീകാര്യം മണ്‍വിള എ.സി.എസ്.റ്റി.ഐയിലും പരിപാടി സംഘടിപ്പിച്ചിരുന്നു.

കെല്‍ട്രോണില്‍ തൊഴിലധിഷ്ഠിത ആനിമേഷന്‍, മള്‍ട്ടീമീഡിയ കോഴ്‌സുകള്‍

കാക്കനാട് - നഷ്ടപരിഹാരപ്പട്ടികയില്‍ പേരുണ്ടായിട്ടും ഇതുവരെയും തുക ലഭിക്കാത്ത പ്രളയബാധിതരുടെ ബാങ്ക് അക്കൗണ്ടുകളില്‍ ഈ മാസം തന്നെ തുക എത്തുമെന്ന് ജില്ലാ കളക്ടര്‍ അറിയിച്ചു. ജില്ലയിലെ പ്രളയ ദുരിതാശ്വാസ വിതരണം ഇതിനകം 70 ശതമാനം പൂര്‍ത്തിയായി. പ്രളയത്തില്‍ പൂര്‍ണമായും ഭാഗികമായും നാശനഷ്ടം സംഭവിച്ചവരുടെ വീടുകളില്‍ പരിശോധന നടത്തിയാണ് പട്ടിക തയാറാക്കിയത്. ഇതില്‍ ആക്ഷേപമുള്ളവരുടെ അപ്പീല്‍ അപേക്ഷകളിലും പരിശോധന നടത്തി തുടര്‍നടപടി സ്വീകരിച്ചിരുന്നു. പരിശോധനകളുടെ അടിസ്ഥാനത്തില്‍ നിശ്ചയിച്ചിട്ടുള്ള നഷ്ടപരിഹാരം സംബന്ധിച്ച സ്ലാബുകളില്‍ ഇനി മാറ്റം വരുത്താന്‍ കഴിയില്ല.