കേന്ദ്ര റിയല്‍ എസ്റ്റേറ്റ് (നിയന്ത്രണവും വികസനവും) നിയമം 2016 സംസ്ഥാനത്തു നടപ്പാക്കുന്നതിനാവശ്യമായ ചട്ടങ്ങള്‍ രൂപീകരിച്ചുകൊണ്ട് സര്‍ക്കാര്‍ വിജ്ഞാപനം പുറപ്പെടുവിച്ചു. റിയല്‍ എസ്റ്റേറ്റ് രംഗത്തെ ദുഷ്പ്രവണതകളും മാഫിയാ പ്രവര്‍ത്തനങ്ങളും നിയന്ത്രിക്കുന്നതിനും ഗുണഭോക്താക്കളുടെ സംരക്ഷണം ഉറപ്പുവരുത്തുന്നതിനും ചൂഷണങ്ങള്‍ അവസാനിപ്പിക്കുന്നതിനും ഈ ചട്ടങ്ങള്‍ സഹായിക്കും.

        കളക്ടറേറ്റ് കോണ്‍ഫറന്‍സ് ഹാളില്‍ നടന്ന സംസ്ഥാന ന്യൂനപക്ഷ കമ്മീഷന്‍ സിറ്റിംഗില്‍ ചെയര്‍മാന്‍ അഡ്വ. പി കെ ഹനീഫ പരാതികള്‍ പരിഗണിച്ചു. കോഴിക്കോട്, വയനാട് ജില്ലകളില്‍ നിന്നുളള 25 കേസുകളാണ് കമ്മീഷന്‍ മുമ്പാകെ പരിഗണനയ്ക്ക് ലഭിച്ചത്. 20 കേസുകള്‍ സെപ്തംബര്‍ 26 കലക്ടറേറ്റ് കോണ്‍ഫറന്‍സ് ഹാളില്‍ നടക്കുന്ന സിറ്റിംഗില്‍ പരിഗണിക്കും. 5 കേസുകള്‍ ഉത്തരവിനായി മാറ്റിവെച്ചു.

കൃഷിഭവനുകള്‍ കേന്ദ്രീകരിച്ച് 99 പച്ചക്കറി-പഴം ചന്തകളും ഹോര്‍ട്ടികോര്‍പ് 32 ചന്തകളും വിഎഫ് പിസികെ 10 ചന്തകളും ഓണക്കാലത്ത് ആരംഭിക്കും. ജില്ലാകളക്ടര്‍ യു വി ജോസിന്റെ അധ്യക്ഷതയില്‍  കളക്ടറുടെ ചേമ്പറില്‍ ചേര്‍ന്ന ബന്ധപ്പെട്ട ഉദ്യോഗസ്ഥരുടെ യോഗത്തിലാണ് തീരുമാനം. ഈ മാസം 20 മുതല്‍ 24 വരെ അഞ്ച് ദിവസമാണ് ഓണചന്ത. 20ന് ജില്ലാതല ഉദ്ഘാടനം വേങ്ങേരിയില്‍ നടത്തും.കര്‍ഷകരില്‍ നിന്ന് നേരിട്ട് 36 മെട്രിക് ടണ്‍ പച്ചക്കറി സംഭരിക്കാനാകുമെന്നാണ് പ്രതീക്ഷ.

ഓണം- ബക്രീദ് വിപണിയിലെ ചൂഷണം തടയാന്‍ സഞ്ചരിക്കുന്ന ഹെല്‍പ്പ് ഡെസ്‌കുമായി ലീഗല്‍മെട്രോളജി വകുപ്പ്. ആഗസ്ത് 14 മുതല്‍ 21 വരെയാണ് ഹെല്‍പ് ഡെസ്‌ക് പ്രവര്‍ത്തിക്കുക. വിപണിയില്‍ നിന്നും വാങ്ങുന്ന സാധനങ്ങള്‍ ഉപഭോക്താക്കള്‍ക്ക് കൃത്യമായ അളവിലും തൂക്കത്തിലും എണ്ണത്തിലും ലഭിക്കുന്നുവെന്ന് ഉറപ്പു വരുത്തുകയും ചൂഷണം തടയുകയാണ് ലക്ഷ്യം.

എടപ്പാള്‍ സാമൂഹികാരോഗ്യ കേന്ദ്രത്തില്‍ അനുവദിച്ച പുതിയ വിഷന്‍ സെന്ററിലേക്ക് ഡിസ്റ്റന്റ് വിഷന്‍ ഡ്രം, ഒഫ്താല്‍മിക് ട്രയല്‍ സെറ്റ്, ടോര്‍ച്ച്     ഇഷിഹാര കളര്‍ വിഷന്‍,  മിറര്‍ എന്നിവ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ആഗസ്റ്റ് 11ന് വൈകീട്ട് അഞ്ചിനകം മലപ്പുറം സിവില്‍ സ്റ്റേഷനിലെ ആരോഗ്യകേരളം ജില്ലാ ഓഫീസില്‍ ലഭിക്കണം. കൂടുതല്‍ വിവരങ്ങള്‍ക്ക് ഓഫീസുമായി ബന്ധപ്പെടാം.  0483-2730313.

    കുടുംബശ്രീ വഴി നടപ്പിലാക്കുന്ന  പദ്ധതിയായ ഡി.ഡി.യു.ജി.കെ.വൈ (ദീന്‍ ദയാല്‍ ഉപാധ്യായ ഗ്രാമീണ്‍ കൗശല്യ യോജന) നടപ്പിലാക്കുന്ന പ്രാദേശിക ജോബ് മേളകളില്‍ പങ്കെടുക്കാന്‍ താത്പര്യമുള്ള തൊഴില്‍ ദാതാക്കള്‍ ker.ddugky.mlpm @gmail.comഇ-മെയില്‍ ബന്ധപ്പെടണം. ഫോണ്‍ : 9037325985.