പെരിന്തല്‍മണ്ണ താലൂക്ക് ഗവ. എപ്ലോയീസ് കാന്റീന്‍ ഒരു വര്‍ഷത്തേക്ക് നടത്തുന്നതിന് താല്‍പര്യമുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ആഗസ്റ്റ് 20ന് വൈകുന്നേരം അഞ്ചിനകം പെരിന്തല്‍മണ്ണ ആര്‍.ഡി.ഓഫീസില്‍ ലഭിക്കണം.  വിശദ വിവരങ്ങള്‍ പെരിന്തല്‍മണ്ണ റവന്യൂ ഡിവഷണല്‍ ഓഫീസില്‍ നിന്നും ലഭിക്കും.

ജില്ലാതല എംപവേര്‍ഡ് കമ്മിറ്റി യോഗം ആഗസ്റ്റ് 14ന് വൈകുന്നേരം 3.30ന് കലക്‌ട്രേറ്റ് സമ്മേളന ഹാളില്‍ ചേരും.

മലപ്പുറം ഡി.ടി.പി.സിയുടെ ടൂറിസ്റ്റ് ബസ്സിന് ഡ്രൈവറെ ആവശ്യമുണ്ട്.  തൊഴില്‍ പരിചയവും ഹെവി വെഹിക്കിള്‍ ഡ്രൈവിങ് ലൈസന്‍സുമുള്ളവര്‍ രേഖകള്‍ സഹിതം ആഗസ്റ്റ് 10ന് രാവിലെ 10ന് കൂടിക്കാഴ്ചക്കായി ഓഫീസില്‍ എത്തണം.  ഫോണ്‍ 0483 2731504.

ഉറവിട മാലിന്യ സംസ്‌കരണം പ്രോത്സാഹിപ്പിക്കുന്നതിന്റെ ഭാഗമായി നടത്തുന്ന ബയോഗ്യാസ് പ്രദര്‍ശനവും വില്‍പ്പനയും സിവില്‍ സ്റ്റേഷനില്‍ തുടങ്ങി. ജില്ലാ പഞ്ചായത്ത് ഓഫീസിന് സമീപത്ത് നടക്കുന്ന പ്രദര്‍ശനം ജില്ലാ കലക്ടര്‍ അമിത് മീണ ഉദ്ഘാടനം ചെയ്തു. ബയോഗ്യാസുകള്‍ക്ക് പ്രദര്‍ശനത്തില്‍ ഇളവ് ലഭിക്കും.

2018-2020 വര്‍ഷത്തെ സ്വാശ്രയ മേഖലയിലേക്കുള്ള ഡി.എല്‍.എഡ് ഇന്റര്‍വ്യൂ ആഗസ്റ്റ് 13 ന് മലപ്പുറം മുനിസിപ്പല്‍ ടൗണ്‍ഹാളില്‍ നടക്കും. സയന്‍സ്, ഹ്യൂമാനിറ്റീസ് വിഭാഗക്കാര്‍ക്ക് രാവിലെ 10 നും കൊമേഴ്‌സ് വിഭാഗക്കാര്‍ക്ക് ഉച്ചയ്ക്ക് രണ്ടിനുമാണ് ഇന്റര്‍വ്യൂ. സ്വാശ്രയ മേഖലയിലേക്ക് അപേക്ഷിച്ച മുഴുവന്‍ അപേക്ഷകര്‍ക്കും ഇന്റര്‍വ്യൂവില്‍ പങ്കെടുക്കാമെന്ന് മലപ്പുറം വിദ്യാഭ്യാസ ഉപഡയറക്ടര്‍ അറിയിച്ചു

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്റര്‍ മുഖേന പ്രമുഖ വിദ്യാഭ്യാസ സ്ഥാപനത്തിലേക്ക് മാനേജര്‍, കൗണ്‍സിലര്‍, പ്രോഗ്രാമ്മിങ് ഫാക്കല്‍റ്റി, എംഎസ്ഓഫീസ് ഫാക്കല്‍റ്റി, അക്കൗണ്ടിംഗ് ഫാക്കല്‍റ്റി ധനകാര്യ സ്ഥാപനത്തിലേക്ക് പ്രൊബേഷനറി മാനേജര്‍, കസ്റ്റമര്‍ റിലേഷന്‍ഷിപ്പ് ഓഫീസര്‍ എന്നീ തസ്തികകളിലേക്ക് ഉദ്യോഗാര്‍ത്ഥികളെ ആവശ്യമുണ്ട്.
എംപ്ലോയബിലിറ്റി സെന്ററില്‍ ആഗസ്റ്റ് ഒമ്പതിന് രാവിലെ 10ന് നടക്കുന്ന കൂടിക്കാഴ്ചയില്‍ എസ്.എസ്.എല്‍.സി, പ്ലസ്ടു, ഡിഗ്രി യോഗ്യത ഉള്ളവര്‍ക്ക് പങ്കെടുക്കാം. ഫോണ്‍ : 04832 734 737.

ഐ.ആര്‍.ഡി.പി/എസ്.ജി.എസ്.വൈ/കുടുംബശ്രീ/ഓണം/ബക്രീദ് വിപണന മേള ജില്ലയില്‍ സമുചിതമായി നടത്തുന്നതിനുള്ള സ്വാഗതസംഘം രൂപീകരണയോഗം ആഗസ്റ്റ് 13ന് വൈകുന്നേരം മൂന്നിന് ജില്ലാ പഞ്ചായത്ത് മിനി സമ്മേളന ഹാളില്‍ ചേരും.

ആലപ്പുഴ: അമ്പതുവർഷത്തിനുശേഷം നടക്കാവുന്ന ദുരന്തം മുൻകൂട്ടി കണ്ട് ഇപ്പോഴേ പ്രതിരോധത്തിന് ആസൂത്രണം  കുറിക്കണമെന്നും ഇതിനായി ഭരണാധികാരികൾ ശാസ്ത്രജ്ഞരുമായി നിരന്തരം സംവദിക്കണമെന്നും പി,സി,ജോർജ് എം.എൽ.എ. അഭിപ്രായപ്പെട്ടു. 66-ാമത് നെഹ്‌റു ട്രോഫി വള്ളംകളിയുടെ ഭാഗമായി  ആലപ്പുഴ പ്രസ് ക്ലബ് പ്രചരണസമതിയുടെ സഹകരണത്തോടെ ലളിതകല അക്കാദമി ആർ്ട് ഗാലറിയിൽ തുടങ്ങിയ തുഴത്താളം 2018 ചിത്രപ്രദർശം ഉദ്ഘാടനം ചെയ്യുകയായിരുന്നു അദ്ദേഹം.