പാലക്കാട് ചെമ്പൈ സ്മാരക സര്‍ക്കാര്‍ സംഗീത കോളെജില്‍ 2018-19 അധ്യയന വര്‍ഷത്തിലേക്കുളള ഒന്നാം വര്‍ഷ ബി.എ വോക്കല്‍ (മ്യൂസിക്), വീണ, വയലിന്‍, മൃദംഗം എന്നീ ബിരുദ കോഴ്സുകളില്‍ മുസ്ലീം, ബി.പി.എല്‍ വിഭാഗത്തില്‍ സീറ്റുകള്‍ ഒഴിവുണ്ട്.  അതത് വിഷയത്തില്‍ കാലിക്കറ്റ് യൂനിവേഴ്സിറ്റി ഓണ്‍ലൈന്‍ വഴി രജിസ്ട്രേഷന്‍ ചെയ്തവര്‍ ഓഗസ്റ്റ് 10 ന് രാവിലെ 10.30 ന് എല്ലാ സര്‍ട്ടിഫിക്കറ്റുകളും സഹിതം കോളെജില്‍ എത്തണമെന്ന് പ്രിന്‍സിപ്പല്‍ അറിയിച്ചു.  ഫോണ്‍- 0491 2527437.

    ജില്ലാ പഞ്ചായത്തിലെ ഔദ്യോഗിക ആവശ്യത്തിന്  ഉപയോഗിക്കുന്നതിന് നല്ല കണ്ടിഷനിലുളള ടാക്സി കാര്‍ ( എസിയുളള 3+1 സീറ്റര്‍) വാടകയ്ക്ക് നല്‍കുന്നതിന് തയ്യാറുളളവരില്‍ നിന്നും ക്വട്ടേഷന്‍ ക്ഷണിച്ചു.  ഓഗസ്റ്റ് 13 രാവിലെ 11 വരെ ക്വട്ടേഷന്‍ സ്വീകരിക്കും. അന്നേ ദിവസം ഉച്ച കഴിഞ്ഞ് 2.30 ന്  ക്വട്ടേഷന്‍ തുറക്കുന്നതാണ്. കൂടുതല്‍ വിവരങ്ങള്‍ക്ക് ഓഫീസുമായി ബന്ധപ്പെടണം.

    ഗവ.മോയന്‍ മോഡല്‍ ഹൈസ്കൂളില്‍ യു.പി.വിഭാഗത്തില്‍ ജൂനിയര്‍ ലാംഗ്വേജ് സംസ്കൃതം അധ്യാപക ഒഴിവിലേക്ക് അപേക്ഷിക്കാം. ദിവസവേതനാടിസ്ഥാനത്തിലായിരിക്കും നിയമനം. ഉദ്യോഗാര്‍ഥികള്‍ നാളെ (ഓഗസ്റ്റ് 10) രാവിലെ 11ന് സ്കൂള്‍ ഓഫീസില്‍ നടത്തുന്ന കൂടിക്കാഴ്ച്ചയില്‍ പങ്കെടുക്കണമെന്ന് ഹെഡ്മാസ്റ്റര്‍ അറിയിച്ചു.

ആലപ്പുഴ: വിദ്യാഭ്യാസ വകുപ്പിൽ യു.പി. സ്‌കൂൾ അസിസ്റ്റന്റ് മലയാളം മീഡിയം  (കാറ്റഗറി നമ്പർ 386/4) തസ്തികയുടെ തിരഞ്ഞെടുപ്പിനായി ജനുവരി 29ന് പ്രസിദ്ധീകരിച്ച ചുരുക്ക പട്ടികയിൽ ഉൾപ്പെട്ട് ഒ.റ്റി.ആർ. വെരിഫിക്കേഷൻ പൂർത്തിയാക്കിയവർക്ക് കേരള പബ്ലിക് സർവ്വീസ് കമ്മീഷൻ തിരുവന്തപുരം ആസ്ഥാനത്ത് ഓഗസ്റ്റ് 16,17,18 തീയതികളിൽ അഭിമുഖം നടത്തും. എസ്.എം.എസ്. പ്രൊഫൈൽ സന്ദേശം നൽകിയിട്ടുണ്ട്. ഉദ്യോഗാർഥികൾ ബന്ധപ്പെട്ട പ്രമാണങ്ങളുടെ അസൽ ഒ .റ്റി.ആർ വെരിഫിക്കേഷൻ സർട്ടിഫിക്കറ്റ് എന്നിവ സഹിതം നിശ്ചിത സമയത്തും തീയതിയിലും തിരുവനന്തപുരം കേരള പബ്ലിക് സർവ്വീസ് കമ്മീഷന്റെ ഓഫീസിൽ ഹാജരാകണം.

ആലപ്പുഴ: നെഹ്‌റുട്രോഫി ബോട്ട്‌റേസ് സൊസൈറ്റിയുടെ എക്‌സിക്യൂട്ടീവ് യോഗം ഇന്ന് (ഓഗസ്റ്റ് ഒമ്പതിന്) വൈകിട്ട് 5.30ന് ജില്ല കളക്ടറുടെ അധ്യക്ഷതയിൽ കളക്ടറേറ്റ് കോൺഫറൻസ് ഹാളിൽ ചേരും.

(പി.എൻ.എ. 2220/2018)

ആലപ്പുഴ:  ഇക്കൊല്ലത്തെ സ്വാതന്ത്യദിനാഘോഷ പരിപാടികൾ ഹരിതചട്ടം പാലിച്ചു നടപ്പാക്കാൻ തീരുമാനമായി. പ്ലാസ്റ്റിക തോരണവും പതാകയും പൂർണമായും ഒഴിവാക്കും. പരേഡ് റിഹേഴ്‌സൽ ഒമ്പത്, 10 തീയതികളിൽ വൈകുന്നേരങ്ങളിലും ഡ്രസ് റിഹേഴ്‌സൽ 13ന് രാവിലെ 7.30നും നടത്തും. എ.ഡി.എം ഐ.അബ്ദുൾസലാമിന്റെ അധ്യക്ഷതയിൽ ചേർന്ന യോഗത്തിലാണ് ഈ തീരുമാനം.

ആലപ്പുഴ പൊലീസ് പരേഡ് മൈതാനിയിൽ കെട്ടികിടക്കുന്ന വെള്ളം അഗ്നിരക്ഷ വിഭാഗം പമ്പുചെയ്തുകളഞ്ഞ് പരേഡിന് സജ്ജമാക്കും. റിഹേഴ്‌സൽ ദിവസങ്ങളിലടക്കം പ്രഥമശുശ്രൂഷ സൗകര്യവും അംബുലൻസും ഉൾപ്പെടെയുള്ള ആരോഗ്യസംഘം ജില്ല മെഡിക്കൽ ഓഫീസിന്റെ നേതൃത്വത്തിൽ പ്രവർത്തിക്കും.

പൊതുജനങ്ങള്‍ ഏറ്റവും കൂടുതല്‍ ആശ്രയിക്കുന്ന വില്ലേജ് ഓഫീസുകളെല്ലാം സ്മാര്‍ട്ടാക്കുകയാണ് സര്‍ക്കാര്‍ ലക്ഷ്യമെന്ന് ചിറ്റയം ഗോപകുമാര്‍ എംഎല്‍എ പറഞ്ഞു. ഏനാത്ത് സ്മാര്‍ട്ട് വില്ലേജ് ഓഫീസിന്റെ നിര്‍മാണോദ്ഘാടനം നിര്‍വഹിക്കുകയായിരുന്നു എംഎല്‍എ. വികസന നേട്ടങ്ങള്‍ ജനങ്ങളിലെത്തിക്കുന്നതിന് സര്‍ക്കാര്‍ ഓഫീസുകളിലെ സേവനങ്ങള്‍ മെച്ചപ്പെടണം. മികച്ച ഭൗതിക സൗകര്യങ്ങള്‍ ഉറപ്പാകുന്നതോടെ ജീവനക്കാരുടെ മനോഭാവത്തിലും മാറ്റമുണ്ടാകും.  ഘട്ടംഘട്ടമായി ജില്ലയിലെ എല്ലാ വില്ലേജ് ഓഫീസുകളെയും സ്മാര്‍ട്ടാക്കുന്നതിനുള്ള നടപടികളാണ് നടന്നുവരുന്നതെന്നും എംഎല്‍എ പറഞ്ഞു.