കേന്ദ്ര സര്‍ക്കാരിന്റെ വടക്കു കിഴക്കന്‍ വികസന മന്ത്രാലയത്തിന് കീഴിലുള്ള നോര്‍ത്ത് ഈസ്റ്റേണ്‍ കൗണ്‍സില്‍ സെക്രട്ടേറിയറ്റില്‍ ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിലെ ഡയറക്ടര്‍ തസ്തികയില്‍ ഡെപ്യൂട്ടേഷന്‍ നിയമനത്തിന് അപേക്ഷ ക്ഷണിച്ചു. അപേക്ഷാ ഫോമും മറ്റ് വിശദാംശങ്ങളും http://necouncil.gov.in ല്‍ ലഭിക്കും.

പി.എന്‍.എക്‌സ്.3491/18

തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജില്‍ ഇംഗ്ലീഷ് ഗസ്റ്റ് അധ്യാപകരുടെ ഒഴിവിലേക്ക് ഇംഗ്ലീഷില്‍ ഫസ്റ്റ് ക്ലാസോടെ ബിരുദാനന്തര ബിരുദവും നെറ്റും യോഗ്യതയുള്ള ഉദ്യോഗാര്‍ത്ഥികള്‍ ബയോഡേറ്റ, യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ എന്നിവയുമായി 13ന് രാവിലെ 10ന് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക് ഹാജരാകണം.

പി.എന്‍.എക്‌സ്.3490/18

എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വുമണില്‍ ബി.ടെക് ലാറ്ററല്‍ എന്‍ട്രി കോഴ്‌സുകളില്‍ (CSE,ECE,CE, AE & IT) ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ 14ന് രാവിലെ 11ന് നടത്തും. ലാറ്ററല്‍ എന്‍ട്രി പരീക്ഷ പാസായ എല്ലാ വിദ്യാര്‍ത്ഥികള്‍ക്കും വിദ്യാഭ്യാസ യോഗ്യതയുടെ അസല്‍ സര്‍ട്ടിഫിക്കറ്റ്, ടി.സി, ഫീസ് എന്നിവയുമായി സ്‌പോട്ട് അഡ്മിഷനില്‍ പങ്കെടുക്കാം. വെബ്‌സൈറ്റ്: www.lbsitw.ac.in ഫോണ്‍: 0471 2349232, 9447347193, 9447076711.

പി.എന്‍.എക്‌സ്.3489/18

വൈപ്പിനും പുതുവൈപ്പിനും ഇടയ്ക്കുള്ള ആര്‍.എം.പി കനാല്‍ നവീകരണത്തിന് മാസ്റ്റര്‍ പ്ലാന്‍ തയാറാക്കാന്‍ ഫിഷറീസ്-ഹാര്‍ബര്‍ എഞ്ചിനീയറിംഗ് വകുപ്പ് മന്ത്രി ജെ.മേഴ്‌സിക്കുട്ടിയമ്മയുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി.

2017 സെപ്തംബര്‍ മുതല്‍ 2018 ജൂലൈ വരെയുള്ള വ്യാപാരിക്ഷേമ ബോര്‍ഡ് പെന്‍ഷന്‍ കുടിശിക വിതരണത്തിന്റെ സംസ്ഥാനതല ഉദ്ഘാടനം 12ന് രാവിലെ 11.30 ന് ആലപ്പുഴ കളക്ടറേറ്റിന് സമീപത്തെ എന്‍.ജി.ഒ. യൂണിയന്‍ ഹാളില്‍ മന്ത്രി ഡോ. ടി.എം. തോമസ് ഐസക് നിര്‍വഹിക്കും.  പെന്‍ഷന്‍ 13 മുതല്‍ വിതരണം ചെയ്യും.  ഗസറ്റഡ് ഓഫീസര്‍ സാക്ഷ്യപ്പെടുത്തിയ ലൈഫ് സര്‍ട്ടിഫിക്കറ്റും, ബാങ്ക് പാസ് ബുക്കിന്റെയും (ഐ.എഫ്.എസ്.സി കോഡ് ഉള്‍പ്പെടെ), ആധാര്‍ കാര്‍ഡിന്റെയും സ്വയം സാക്ഷ്യപ്പെടുത്തിയ പകര്‍പ്പുകളും ലഭ്യമാക്കണം.  കൂടുതല്‍ വിവരങ്ങള്‍ക്ക് 0471 2474054, 2474049.

പി.എന്‍.എക്‌സ്.3486/18