മൂഴിയാര്‍ ഡാമിന്റെ വൃഷ്ടിപ്രദേശങ്ങളിലെ മഴയുടെ തോതിനനുസരിച്ച് ഡാമിന്റെ ഷട്ടറുകള്‍ തുറക്കേണ്ടിവന്നാല്‍ ഇന്ന് (ഒമ്പത്) മുതല്‍ 16 വരെ ഷട്ടറുകള്‍ ഉയര്‍ത്താനും താഴ്ത്താനും സാധ്യതയുള്ളതിനാല്‍ കക്കട്ടാറിന്റെ തീരങ്ങളില്‍ താമസിക്കുന്നവര്‍ ഒരാഴ്ചത്തേക്ക് കൂടി ജാഗ്രത പാലിക്കണമെന്ന് ജില്ലാ കളക്ടര്‍ അറിയിച്ചു.

       (പിഎന്‍പി 2280/18)

ജില്ലയില്‍ പനി ബാധിച്ച് ഇന്നലെ (എട്ട്) 392 പേര്‍ വിവിധ ആശുപത്രികളില്‍ ചികിത്സ തേടിയതായി ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. ഡങ്കിപ്പനി ലക്ഷണങ്ങളോടെ ചികിത്സ തേടിയ അഞ്ച് പേരില്‍ മൂന്ന് പേര്‍ക്ക് ഡങ്കിപ്പനി സ്ഥിരീകരിച്ചു. ചിറ്റാര്‍, വള്ളിക്കോട്, വല്ലന  എന്നിവിടങ്ങളിലാണ് ഡങ്കിപ്പനി സ്ഥിരീകരിച്ചത്. ചെന്നീര്‍ക്കരയി ല്‍ ഒരാള്‍ക്ക് എലിപ്പനി സ്ഥിരീകരിച്ചു. വയറിളക്കരോഗങ്ങള്‍ക്ക് 47 പേര്‍ ചികിത്സ തേടി. 

        (പിഎന്‍പി 2275/18)

ഭാരതത്തിന്റെ 72-ാമത് സ്വാതന്ത്ര്യദിനം 15ന് പത്തനംതിട്ട ജില്ലാ സ്റ്റേഡിയത്തില്‍ വിപുലമായ പരിപാടികളോടെ ആഘോഷിക്കും. മുഖ്യാതിഥിയായ ജലവിഭവ മന്ത്രി മാത്യു ടി.തോമസ് ദേശീയ പതാക ഉയര്‍ത്തി പരേഡ് പരിശോധിച്ച് അഭിവാദ്യം സ്വീകരിക്കും. 

രാവിലെ എട്ടിന് പരേഡിനുള്ള തയാറെടുപ്പ് ആരംഭിക്കും. 8.10ന് പരേഡ് കമാന്‍ഡര്‍ പരേഡിന്റെ നിയന്ത്രണം ഏറ്റെടുക്കും. 8.30ന് മുഖ്യാതിഥിയായ മന്ത്രി മാത്യു ടി.തോമസ് എത്തുന്നതോടെ സേനാംഗങ്ങളുടെ സല്യൂട്ട്. 8.35ന് മുഖ്യാതിഥി ദേശീയ ഗാനത്തിന്റെ അകമ്പടിയോടെ ദേശീയ പതാക ഉയര്‍ത്തും. തുടര്‍ന്ന് യൂണിഫോമിലുള്ള എല്ലാ ഓഫീസര്‍മാരും ദേശീയ പതാകയെ സല്യൂട്ട് ചെയ്യും. 

സംസ്ഥാന യുവജനക്ഷേമ ബോര്‍ഡും അടൂര്‍ ബോധിഗ്രാമും സംയുക്തമായി സംഘടിപ്പിക്കുന്ന നവമാധ്യമ ശില്പശാല നാളെ (10) അൂെരില്‍ നടക്കും. ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്യും. യുവജനക്ഷേമ ബോര്‍ഡ് വൈസ്‌ചെയര്‍മാന്‍ പി.ബിജു അധ്യക്ഷത വഹിക്കും. എം.ജി.രാധാകൃഷ്ണന്‍ മുഖ്യപ്രഭാഷണം നടത്തും. പി.ബി.ഹര്‍ഷകുമാര്‍, ആര്‍.എസ്.കണ്ണന്‍, എ.ആര്‍.അജീഷ് കുമാര്‍, സി.പ്രവീണ്‍, ജോണ്‍ സാമുവല്‍, ബിജു കുര്യന്‍, ആര്‍.ജയന്‍ തുടങ്ങിയവര്‍ സംസാരിക്കും.