തലശ്ശേരി ഗവ.ബ്രണ്ണന്‍ കോളേജ് കോമ്പൗണ്ടിനകത്തുള്ള അപകട ഭീഷണിയുള്ള 170 മരങ്ങള്‍ മുറിച്ച് മാറ്റുന്നു.  ഇതുമായി ബന്ധപ്പെട്ട ലേലം ആഗസ്ത് 30 ന് 11 മണിക്ക് ആരംഭിക്കും.  ഫോണ്‍: 0490 2346027.

    തങ്ങളുടെ സ്വന്തം ആശുപത്രിയാണെന്ന ചിന്തയോടെ ജനങ്ങള്‍ കൈകോര്‍ത്തപ്പോള്‍ ഇരിക്കൂര്‍ ഗവ. ആശുപത്രിയില്‍ ആധുനിക സൗകര്യങ്ങളോടെയുള്ള ലബോറട്ടറി യാഥാര്‍ത്ഥ്യമായി. ഇരിക്കൂര്‍ ഗ്രാമ പഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സി വി എന്‍ യാസിറ ലാബ് ഉദ്ഘാടനം ചെയ്തു. വൈസ് പ്രസിഡന്റ് എം സഫീറ അധ്യക്ഷയായി. വിവിധ പ്രവാസി സംഘടനകളും സി എച്ച് സിയിലെ ഉദ്യോഗസ്ഥരും സ്വകാര്യ വ്യക്തികളും ചേര്‍ന്നാണ് ലാബ് നവീകരണത്തിനുള്ള തുക സ്വരൂപിച്ചത്. 

    കണ്ണൂര്‍ ജില്ലയിലെ ഒരു കേന്ദ്ര പൊതുമേഖലാ സ്ഥാപനത്തില്‍ ജൂനിയര്‍ അസിസ്റ്റന്റ് (പ്രൊസസിംഗ്), അറ്റന്‍ഡന്റ് (വീവിംഗ്) എന്നീ തസ്തികകളില്‍ നിലവിലുള്ള ഓരോ ഒഴിവുകളിലേക്ക് അപേക്ഷിക്കാം. യോഗ്യതയുള്ള ഉദ്യോഗാര്‍ത്ഥികള്‍ എല്ലാ അസ്സല്‍ സര്‍ട്ടിഫിക്കറ്റുകളുമായി ആഗസ്റ്റ് 20 ന് മുമ്പ് ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചില്‍ ഹാജരാകണം.

    പയ്യന്നൂര്‍ ഗവ. റസിഡന്‍ഷ്യല്‍ വിമന്‍സ് പോളിടെക്‌നിക് കോളേജിലെ ഒന്നാം വര്‍ഷ പ്രവേശനത്തിന് വിവിധ ബ്രാഞ്ചുകളില്‍ ഒഴിവുളള അമ്പതോളം സീറ്റുകളിലേക്കുളള സ്‌പോട്ട് അഡ്മിഷന്‍ ആഗസ്റ്റ് 10 ന് കോളേജില്‍ നടക്കും. കേരളത്തിലെ ഏതെങ്കിലും പോളിടെക്‌നിക്ക് കോളേജില്‍ അപേക്ഷ സമര്‍പ്പിച്ച് റാങ്ക് ലിസ്റ്റില്‍ പേരുളള വിദ്യാര്‍ത്ഥിനികള്‍ക്ക് പങ്കെടുക്കാം. ഇതിനു ശേഷം അലോട്ട്‌മെന്റ് ഉണ്ടായിരിക്കുന്നതല്ല. ഹോസ്റ്റല്‍ സൗകര്യം ലഭ്യമാണ്.

    ഉപഭോക്താക്കള്‍ക്ക് ഗുണനിലവാരമുള്ള പാല്‍ നല്‍കാന്‍ ക്ഷീരകര്‍ഷകര്‍ക്ക് സാധിക്കണമെന്ന് ജെയിംസ് മാത്യു എം എല്‍ എ. ക്ഷീര വികസന വകുപ്പിന്റെ നേതൃത്വത്തില്‍ തളിപ്പറമ്പ ക്ഷീരവ്യവസായ സഹകരണ സംഘത്തില്‍ നടന്ന പാല്‍ ഉപഭോക്തൃ മുഖാമുഖ പരിപാടിയില്‍ സംസാരിക്കുകയായിരുന്നു അദ്ദേഹം.
    വിപണിയില്‍ ലഭിക്കുന്ന പാലിന്റെ ഗുണനിലവാരത്തെ കുറിച്ചും മായം കലര്‍ത്തിയ പാല്‍ വില്‍പ്പനയ്‌ക്കെത്തുന്നതിനെ കുറിച്ചും ഉപഭോക്താക്കള്‍ക്ക് ആശങ്കയുണ്ട്. ഇത്തരത്തിലുള്ള ആശങ്കകള്‍ മാറ്റി മെച്ചപ്പെട്ട പാല്‍ നല്‍കി ജനങ്ങളില്‍ സ്വീകാര്യത വര്‍ധിപ്പിക്കേണ്ടത് അനിവാര്യമാണെന്നും എം എല്‍ എ കൂട്ടിച്ചേര്‍ത്തു.

    പള്ളിക്കുന്ന് ഇലക്ട്രിക്കല്‍ സെക്ഷന്‍ പരിധിയിലെ ചെട്ടിപ്പീടിക, പള്ളിക്കുന്ന്, രമാദേവി മന്ദിരം, ശ്രിപുരം, പള്ളിക്കുന്ന് മാര്‍ക്കറ്റ് റോഡ്, കൊക്കെയന്‍പാറ, വായാട്ടുഭഗവതി, കോട്ടമാര്‍ക്കണ്ടി, തളാപ്പ് പള്ളി ഭാഗങ്ങളില്‍ നാളെ (ആഗസ്ത് 9) രാവിലെ 9 മുതല്‍ വൈകിട്ട് 2 മണി വരെ വൈദ്യുതി മുടങ്ങും.
    മയ്യില്‍ ഇലക്ട്രിക്കല്‍ സെക്ഷന്‍ പരിധിയിലെ ബമ്മണാച്ചേരി, ഇല്ലംമുക്ക്, കിഴക്കേപറമ്പ്, വള്ളിയോട്, ജാതിക്കാട് ഭാഗങ്ങളില്‍ നാളെ(ആഗസ്ത് 9) രാവിലെ 9 മുതല്‍ വൈകിട്ട് 2 മണി വരെ വൈദ്യുതി മുടങ്ങും.

    ജില്ലയിലെ വിവിധ എംപ്ലോയ്‌മെന്റ് എക്‌സ്‌ചേഞ്ചുകളില്‍ ശരണ്യ സ്വയം തൊഴില്‍ പദ്ധതി പ്രകാരം വായ്പക്ക് അപേക്ഷിച്ചവരുമായുള്ള കൂടിക്കാഴ്ച നാളെ(ആഗസ്ത് 10) കണ്ണൂര്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ നടക്കുന്നു.  അപേക്ഷ സമര്‍പ്പിച്ച മുഴുവന്‍ പേരും രാവിലെ 10 മണിക്ക് എല്ലാ അസ്സല്‍ സര്‍ട്ടിഫിക്കറ്റുകളും സഹിതം ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ എത്തിച്ചേരണം.

    കണ്ണൂരില്‍ നടക്കുന്ന ഓണം കൈത്തറി വസ്ത്ര പ്രദര്‍ശന വിപണന മേളയിലെ പ്രതിദിന നറുക്കെടുപ്പ് വിജയികള്‍. ആഗസ്റ്റ് ഏഴ് : കൂപ്പണ്‍ നമ്പര്‍ 48991 - ദിനേശന്‍ പി വി, എടയന്നൂര്‍ പി ഒ, 49962 - റെനി ഫെര്‍ണാണ്ടസ്, തയ്യില്‍, 48977 - ഷഫീക്ക്, കുഞ്ഞിപ്പള്ളി.         ആഗസ്റ്റ് എട്ട്: കൂപ്പണ്‍ നമ്പര്‍:  68629 - ടി വി ലക്ഷ്മണന്‍, ചൊവ്വ, 68685 - പവിത്രന്‍ ആര്‍, ഇരിട്ടി, 67636 - പ്രതിഭ, കാഞ്ഞിരോട്. വിജയികള്‍ ആഗസ്്റ്റ് 24നു മുമ്പ് സമ്മാനങ്ങള്‍ കൈപ്പറ്റുന്നതിന് രേഖകള്‍ സഹിതം കണ്ണൂര്‍ പൊലീസ് മൈതാനിയിലെ കൈത്തറി മേള പവലിയനിലെ ഓഫീസുമായി ബന്ധപ്പെടുക.