സംസ്‌കൃത സര്‍വ്വകലാശാല രജത ജൂബിലി ആഘോഷങ്ങളുടെ ഭാഗമായി തിരുന്നാവായയില്‍ പ്രവര്‍ത്തിക്കുന്ന സര്‍വ്വകലാശാലയുടെ പ്രാദേശിക കേന്ദ്രത്തിലെ അറബി പഠന വിഭാഗം അറബി സാഹിത്യോത്സവം ദേശീയസെമിനാര്‍ എന്നിവ സംഘടിപ്പിക്കുന്നു. സംസ്ഥാന സര്‍ക്കാറിന്റെ സാംസ്‌കാരിക വകുപ്പിന് കീഴിലുള്ള മഹാകവി മോയിന്‍കുട്ടി വൈദ്യര്‍ സ്മാരക മാപ്പിള കലാ അക്കാദമിയുടെ സഹകരണത്തോടെയാണ് പരിപാടി സംഘടിപ്പിക്കുന്നത്. അറബി ഭാഷയുടെ വൈവിധ്യങ്ങള്‍ തേടിയുള്ള ചര്‍ച്ചകള്‍ക്കും സംവാദങ്ങള്‍ക്കും പുറമെ മോയിന്‍കുട്ടി വൈദ്യര്‍ സ്മാരക മാപ്പിള കലാ അക്കാദമിയുടെ കലാപരിപാടിള്‍ക്കും സംസ്‌കൃത സര്‍വ്വകലാശാല വേദിയാകും.     

 അനധികൃതമായി ജോലിയില്‍ ഹാജരാവാത്തതിനാല്‍ സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ് 2 ഉദ്യോഗസ്ഥന്‍ എസ്. സിദ്ദിഖിനെതിരേ അച്ചടക്ക നടപടി സ്വീകരിച്ചതായി സാമ്പത്തിക സ്ഥിതി വിവര കണക്ക് ഡെപ്യൂട്ടി ഡയറക്ടര്‍ അറിയിച്ചു. 2014 സെപ്റ്റംബര്‍ 27 മുതലാണ് ഉദ്യോഗസ്ഥന്‍ ജോലിക്ക് എത്താതിരുന്നത്. വിശദീകരണം 15 ദിവസത്തിനകം സമര്‍പ്പിക്കാനാണ് നിര്‍ദ്ദേശം. വിശദവിവരങ്ങള്‍ ംംം.ലരീമെേേ.സലൃമഹമ.ഴീ്.ശി ല്‍ ലഭിക്കും.

    ഇന്നു(ആഗസ്റ്റ് ഏഴ്) നടത്താനിരുന്ന ജില്ലാ സാക്ഷരതാസമിതി യോഗം മാറ്റി വെച്ചതായി ജില്ലാ സാക്ഷരതാ മിഷന്‍ പ്രൊജക്ട് കോര്‍ഡിനേറ്റര്‍ പി.എം.അബ്ദുള്‍ കരീം അറിയിച്ചു. പുതുക്കിയ  തിയതി പിന്നീട് അറിയിക്കും.

ദേശീയപാത വികസനത്തിനു ഭൂമി ഏറ്റെടുക്കുന്നതുമായി ബന്ധപ്പെട്ട് തിരൂരങ്ങാടി, കൊണ്ടോട്ടി താലൂക്കിലെ അന്തിമ വിജ്ഞാപനം (3ഡി വിജ്ഞാപനം) ഇറങ്ങിയതായി ജില്ലാ കലക്ടര്‍ അമിത് മീണ അറിയിച്ചു.

ആകാശവാണി-ദൂരദര്‍ശന്‍ പാര്‍ട്ട് ടൈം കറസ്‌പോണ്ടന്റിനെ കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്‍ ജില്ലാ ആസ്ഥാനത്തുനിന്നും 10 കി.മീ ചുറ്റളവില്‍ താമസക്കാരായിരിക്കണം. പ്രതിഫലം പ്രതിമാസം 4250 രൂപ. ജേര്‍ണലിസത്തിലോ മാസ് മീഡിയയിലോ പി.ജി ഡിപ്ലോമ, അംഗീകൃത സര്‍വ്വകലാശാല ബിരുദവും കുറഞ്ഞത് രണ്ട് വര്‍ഷത്തെ പത്ര പ്രവര്‍ത്തന പരിചയവും ഉള്ളവര്‍ക്ക് അപേക്ഷിക്കാം.