മുലയൂട്ടല്‍ വാരാചരണത്തിന്‍റെ ഭാഗമായി ജില്ലാ കലക്ടറേറ്റ് ജീവനകാര്‍ക്കായി സംഘടിപ്പിച്ച  ബോധവത്കരണ ക്ലാസ് കലക്ടറേറ്റ് സമ്മേളന ഹാളില്‍ ജില്ലാ കലക്ടര്‍ ഡി. ബാലമുരളി ഉദ്ഘാടനം ചെയ്തു. ജില്ലാ മെഡിക്കല്‍ ഓഫീസര്‍ ഡോ.കെ.പി.റീത്ത അധ്യക്ഷയായ പരിപാടിയില്‍ ജില്ലാ ആര്‍.സി.എച്ച് ഓഫീസര്‍ ഡോ.ടി.കെ ജയന്തി ബോധവത്കരണ ക്ലാസിന് നേതൃത്വം നല്‍കി. ഹുസൂര്‍ ശിരസ്തദാര്‍ കെ.എസ് ഗീത,  ജില്ലാ വിദ്യാഭ്യാസ ഡെപൂട്ടി മീഡിയ ഓഫീസര്‍ സി.വി. വിനോദ് സംസാരിച്ചു. 

    ഇന്ന് (ഓഗസ്റ്റ് ഏഴ്) നടക്കുന്ന അഖിലേന്ത്യ ട്രേഡ് ടെസ്റ്റിന് മാറ്റമില്ലായെന്നും ട്രെയിനികള്‍ കൃത്യസമയത്ത് പരീക്ഷാ സമയത്തിനെത്തണമെന്ന് മലമ്പുഴ ഗവ.  ട്രെയിനിങ് ഇന്‍സ്റ്റിറ്റൂട്ട് പ്രിന്‍സിപ്പല്‍ അറിയിച്ചു.

        ജില്ലാ ശിശുക്ഷേമ സമിതി എക്സികൂട്ടീവ് കമ്മിറ്റി യോഗം ഓഗസ്റ്റ് 13രാവിലെ 11 ന് ജില്ലാ കലക്ടര്‍ ഡി.ബാലമുരളിയുടെ അധ്യക്ഷതയില്‍ ജില്ലാകലക്ടറുടെചേമ്പറില്‍ ചേരുമെന്ന് ജില്ലാ ശിശുക്ഷേമ സമിതി സെക്രട്ടറി അറിയിച്ചു.
 

ഓണക്കാലത്ത് ഉണ്ടാകാനിടയുള്ള വിലക്കയറ്റം, പൂഴ്ത്തിവെയ്പ്പ് എന്നിവ തടയുന്നതിനായി സിവില്‍ സപ്ലൈസ്, ലീഗല്‍ മെട്രോളജി വകുപ്പുകള്‍ സംയുക്ത പരിശോധന നടത്തും. പച്ചക്കറി, പഴം, അരി, പലവ്യഞ്ജനങ്ങള്‍, ഇറച്ചിക്കടകള്‍, മത്സ്യമാര്‍ക്കറ്റ് എന്നീ സ്ഥാപനങ്ങള്‍ വിലവിവരപ്പട്ടിക, അളവ്, കൃത്യത എന്നിവ ഉറപ്പ് വരുത്തണം.  ഇത് ലംഘിക്കുന്ന സ്ഥാപനങ്ങള്‍ക്കെതിരെ അവശ്യ സാധനനിയമ പ്രകാരം കര്‍ശനമായ നടപടികള്‍ കൈക്കൊള്ളുന്നതാണെന്ന് ജില്ലാ കലക്ടര്‍ അറിയിച്ചു.

    മലപ്പുറം കേന്ദ്രീയ വിദ്യാലയത്തില്‍ ഹയര്‍ സെക്കന്‍ഡറി വിഭാഗത്തില്‍ പി.ജി.ടി ബയോളജി താല്‍ക്കാലിക അധ്യാപക ഒഴിവിലേക്ക് അപേക്ഷ ക്ഷണിച്ചു.  കേന്ദ്രീയ വിദ്യാലയ സംഗതന്റെ നിയമാവലി അനുസരിച്ച യോഗ്യതയുള്ളവര്‍ ഇന്ന് (ആഗസ്റ്റ് എട്ട്) രാവിലെ 9.30ന് അഭിമുഖത്തിനായി സ്‌ക്കൂളില്‍ എത്തണം.

പരിസ്ഥിതിശാസ്ത്രം, ഭൗമശാസ്ത്രം, സോഷ്യോളജി, സാമൂഹ്യസേവനം തുടങ്ങിയ മേഖലകളില്‍ ബിരുദാനന്തര ബിരുദധാരികള്‍ക്കും  സിവില്‍ എഞ്ചിനീയറിംഗ്, കൃഷി എന്നീ മേഖലകളില്‍ ബിരുദധാരികള്‍ക്കും  ജേര്‍ണശലിസത്തില്‍ ബിരുദം അല്ലെങ്കില്‍ പി.ജി ഡിപ്ലോമ കഴിഞ്ഞ വിദ്യാര്‍ത്ഥി കള്‍ക്കും  ഹരിതകേരളം മിഷനില്‍ ഇന്റേണ്‍ഷിപ്പ് പ്രോഗ്രാമിന് അപേക്ഷിക്കാം. ആറ് മാസമാണ് കാലാവധി. തെരഞ്ഞെടുക്കപ്പെടുന്നവര്‍ പതിനാല് ജില്ലാ മിഷന്‍ ഓഫീസുമായും ഹരിത കേരളം സംസ്ഥാന ഓഫീസുമായും ബന്ധപ്പെട്ടാണ് പ്രവര്‍ത്തിക്കേണ്ടത്. 

    ശ്രീകൃഷ്ണപുരം എഞ്ചിനീയറിങ് കോളെജില്‍ ഇംഗ്ലീഷ് വിഭാഗത്തില്‍ ദിവസവേതനാടിസ്ഥാനത്തില്‍ താല്‍ക്കാലിക അധ്യാപക( അസിസ്റ്റന്‍റ് പ്രൊഫസര്‍) നിയമനം നടത്തുന്നു. ബിരുദാനന്തര ബിരുദത്തില്‍ 55% മാര്‍ക്ക്, നെറ്റ്, കഋഘഠട,ഠഛഋഎഘ  യോഗ്യത. മുന്‍പരിചയം അഭികാമ്യം. ഉദ്യോഗാര്‍ഥികള്‍ പ്രായം, വിദ്യാഭ്യാസ യോഗ്യത, പ്രവൃത്തി പരിചയം സര്‍ട്ടിഫിക്കറ്റിന്‍റെ അസല്‍, വ്യക്തി വിവരണം/ കരിക്കുലം വീറ്റ സഹിതം ഓഗസ്റ്റ് ഒമ്പതിന് രാവിലെ 10.30-ന് പ്രിന്‍സിപ്പല്‍ മുമ്പാകെ  അഭിമുഖത്തിനെത്തണം.