ലൈഫ് മിഷനില്‍ ജില്ലാ കോ ഓര്‍ഡിനേറ്റര്‍ (ജില്ലാതലം) തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു. ഗസറ്റഡ് റാങ്കില്‍ കുറയാത്ത ഉദ്യോഗസ്ഥര്‍, പഞ്ചായത്ത് സെക്രട്ടറി, മുന്‍സിപ്പല്‍ സെക്രട്ടറി, ബ്ലോക്ക് പഞ്ചായത്ത് സെക്രട്ടറി തുടങ്ങിയ തസ്തികകളില്‍ സേവനം അനുഷ്ഠിക്കുന്നവര്‍ക്ക് മുന്‍ഗണന. 36000 -79200 ആണ് വേതനം.

എന്‍.ഒ.സിയും വിശദമായ ബയോഡേറ്റയും സഹിതം ചീഫ് എക്‌സിക്യൂട്ടീവ് ഓഫീസര്‍, ലൈഫ് മിഷന്‍, റൂം നം. 501 സി, സെക്രട്ടേറിയറ്റ് അനക്‌സ് -1, തിരുവനന്തപുരം എന്ന വിലാസത്തില്‍ 14ന് വൈകന്നേരം അഞ്ചിന് മുമ്പ് നേരിട്ടോ, തപാല്‍ മുഖേനയോ നല്‍കണം.

മോട്ടോർവാഹന പണിമുടക്ക് മൂലം ആഗസ്റ്റ് ഏഴിന് ഉച്ചക്ക് ശേഷം രണ്ട് മണിക്ക് കലക്‌ട്രേറ്റിൽ നടത്താൻ നിശ്ചയിച്ചിരുന്ന ജില്ലാ ശിശുക്ഷേമ സമിതി വാർഷിക പൊതുയോഗം മറ്റൊരു ദിവസത്തേക്ക് മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് ജില്ലാ ശിശുക്ഷേമ സമിതി സെക്രട്ടറി അറിയിച്ചു.

കേരള വികലാംഗക്ഷേമ കോര്‍പ്പറേഷനില്‍ 2015 ജൂണ്‍ 30 വരെയുള്ള മുച്ചക്ര വാഹന പദ്ധതിയിലേക്ക് ജനറല്‍ വിഭാഗത്തിലെ ഭിന്നശേഷിക്കാരായ അപേക്ഷകരുടെ ലിസ്റ്റ് www.hpwc.kerala.gov.inല്‍ പ്രസിദ്ധീകരിച്ചു. അപേക്ഷയോടൊപ്പം ആവശ്യമായ രേഖകള്‍ നല്‍കാത്തവര്‍ ആഗസ്റ്റ് 18നകം അവ കോര്‍പ്പറേഷനിലെത്തിക്കണം. ലിസ്റ്റില്‍ ഉള്‍പ്പെട്ടവര്‍ വില്ലേജ് ഓഫീസില്‍ നിന്ന് ആറ് മാസത്തിനുള്ളില്‍ ലഭിച്ച വാര്‍ഷിക വരുമാന സര്‍ട്ടിഫിക്കറ്റ് ഹാജരാക്കണം. ഫോണ്‍: 0471 2347768, 7152, 7153, 7156, 7034379673

പി.എന്‍.എക്‌സ്.3465/18

കൊല്ലം ഇൻഡസ്ട്രിയൽ ട്രൈബ്യൂണൽ സുനിത വിമൽ ആഗസ്റ്റ് 7, 14 തീയതികളിൽ പുനലൂരിലും മറ്റു പ്രവൃത്തി ദിവസങ്ങളിൽ കൊല്ലം ആസ്ഥാനത്തും തൊഴിൽ തർക്ക കേസുകളും എംപ്ലോയീസ് ഇൻഷുറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ നടത്തും.

തിരുവനന്തപുരം ഫൈന്‍ ആര്‍ട്‌സ് കോളേജില്‍ എം.എഫ്.എ(പെയിന്റിംഗ്, സക്ള്‍പ്ചര്‍) കോഴ്‌സുകളിലേക്ക് അപേക്ഷ ക്ഷണിച്ചു. ആപ്ലിക്കേഷന്‍ ഫോമും പ്രോസ്‌പെക്ടസും കോളേജ് ഓഫീസില്‍  ലഭിക്കും. അപേക്ഷ ആഗസ്റ്റ് 29 വരെ സ്വീകരിക്കും. അപേക്ഷാ ഫോറം തപാലില്‍ ലഭിക്കുന്നതിന് 135 രൂപയുടെ ഡിഡി പ്രിന്‍സിപ്പാല്‍, കോളേജ് ഓഫ് ഫൈന്‍ ആര്‍ട്‌സ് കേരള, വികാസ്ഭവന്‍ പി.ഒ, തിരുവനന്തപുരം -33 എന്ന വിലാസത്തില്‍ അയയ്ക്കണം. 

പി.എന്‍.എക്‌സ്.3464/18

സര്‍ക്കാര്‍ വനിതാ കോളേജില്‍ ബിരുദ വിഭാഗത്തില്‍ മുസ്ലീം, എസ്.സി/എസ്.ടി വിഭാഗങ്ങളില്‍ ഓരോ ഒഴിവും ബി.പി.എല്‍ വിഭാഗത്തില്‍ രണ്ട് ഒഴിവുകളും നിലവിലുണ്ട്. യോഗ്യരായ വിദ്യാര്‍ത്ഥിനികള്‍ അഭിരുചി നിര്‍ണ്ണയ പരീക്ഷയ്ക്കായി ഒന്‍പതിന് രാവിലെ 10ന് കോളേജിലെ സംഗീത വിഭാഗത്തില്‍ എത്തണം.

പി.എന്‍.എക്‌സ്.3463/18

സാമൂഹ്യനീതി വകുപ്പ് മുഖേന ട്രാൻസ്‌ജെൻഡർ വിഭാഗത്തിൽപ്പെടുന്നവർക്ക സ്വയംതൊഴിൽ കണ്ടെത്തുന്നതിനായി തയ്യൽ മെഷീൻ വിതരണം ചെയ്യുന്നു. തയ്യൽ മെഷീൻ ആവശ്യമുള്ള തയ്യൽ മേഖലയിൽ പ്രാവീണ്യമുള്ള ഭിന്നലിംഗക്കാരായ വ്യക്തികൾക്ക് അപേക്ഷിക്കാം. അപേക്ഷിക്കുന്നവർക്ക് ട്രാൻസ്‌ജെൻഡർ തിരിച്ചറിയൽ കാർഡ് ഉണ്ടായിരിക്കണം. മേൽവിലാസം തെളിയിക്കുന്ന രേഖകൾ സഹിതം (വോട്ടേഴ്‌സ്, ഐ.ഡി/ ആധാർ കാർഡ്) പൂരിപ്പിച്ച അപേക്ഷകൾ ആഗസ്റ്റ് എട്ടിനകം തൊടുപുഴ സിവിൽ സ്റ്റേഷനിൽ പ്രവർത്തിക്കുന്ന ഇടുക്കി ജില്ലാ സാമൂഹ്യനീതി ആഫീസിൽ സമർപ്പിക്കണം. കൂടുതൽ വിവരങ്ങൾ 04862 228160 നിന്നും അറിയാം.

തിരുവനന്തപുരം സര്‍ക്കാര്‍ വനിതാ കോളേജില്‍ ഗണിതവിഭാഗം ഗസ്റ്റ് അധ്യാപകരുടെ ഒഴിവിലേക്ക് ഗണിതശാസ്ത്രത്തില്‍ ഫസ്റ്റ് ക്ലാസോടെ പി.ജിയും നെറ്റും യോഗ്യതയുള്ള ഉദ്യോഗാര്‍ത്ഥികള്‍ക്ക് അപേക്ഷിക്കാം. ബയോഡേറ്റ, യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ എന്നിവ സഹിതം ഒന്‍പതിന് രാവിലെ 10ന് തിരുവനന്തപുരം സര്‍ക്കാര്‍ വനിത പോളിടെക്‌നിക് കോളേജ് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക് എത്തണം.

പി.എന്‍.എക്‌സ്.3462/18