2018-2020 വര്‍ഷത്തെ സ്വാശ്രയ മേഖലയിലേക്കുള്ള ഡി.എല്‍.എഡ് ഇന്റര്‍വ്യൂ ആഗസ്റ്റ് 13 ന് മലപ്പുറം മുനിസിപ്പല്‍ ടൗണ്‍ഹാളില്‍ നടക്കും. സയന്‍സ്, ഹ്യൂമാനിറ്റീസ് വിഭാഗക്കാര്‍ക്ക് രാവിലെ 10 നും കൊമേഴ്‌സ് വിഭാഗക്കാര്‍ക്ക് ഉച്ചയ്ക്ക് രണ്ടിനുമാണ് ഇന്റര്‍വ്യൂ. സ്വാശ്രയ മേഖലയിലേക്ക് അപേക്ഷിച്ച മുഴുവന്‍ അപേക്ഷകര്‍ക്കും ഇന്റര്‍വ്യൂവില്‍ പങ്കെടുക്കാമെന്ന് മലപ്പുറം വിദ്യാഭ്യാസ ഉപഡയറക്ടര്‍ അറിയിച്ചു.

മലപ്പുറം ഗവണ്‍മെന്റ് കോളേജില്‍ ബിരുദ തലത്തില്‍ വിവിധ പഠന വകുപ്പുകളില്‍ സംവരണ വിഭാഗങ്ങള്‍ക്ക് നിശ്ചയിച്ച ഏതാനും സീറ്റുകള്‍ ഒഴിവുണ്ട്. ക്യാപ് രജിസ്‌ട്രേഷന്‍ നിലനില്‍ക്കുന്ന വിദ്യാര്‍ത്ഥികള്‍ ആഗസ്റ്റ് എട്ടിന് ഉച്ചക്ക് ഒന്നിനകം കോളേജില്‍ റിപ്പോര്‍ട്ട് ചെയ്യണം. നേരത്തെ റിപ്പോര്‍ട്ട് ചെയ്തവര്‍ ഇനി റിപ്പോര്‍ട്ട് ചെയ്യേണ്ടതില്ല.

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്റര്‍ മുഖേന പ്രമുഖ വിദ്യാഭ്യാസ സ്ഥാപനത്തിലേക്ക് മാനേജര്‍, കൗണ്‍സിലര്‍, പ്രോഗ്രാമ്മിങ് ഫാക്കല്‍റ്റി, എംഎസ്ഓഫീസ് ഫാക്കല്‍റ്റി, അക്കൗണ്ടിംഗ് ഫാക്കല്‍റ്റി ധനകാര്യ സ്ഥാപനത്തിലേക്ക് പ്രൊബേഷനറി മാനേജര്‍, കസ്റ്റമര്‍ റിലേഷന്‍ഷിപ്പ് ഓഫീസര്‍ എന്നീ തസ്തികകളിലേക്ക് ഉദ്യോഗാര്‍ത്ഥികളെ ആവശ്യമുണ്ട്.
എംപ്ലോയബിലിറ്റി സെന്ററില്‍ ആഗസ്റ്റ് ഒമ്പതിന് രാവിലെ 10ന് നടക്കുന്ന കൂടിക്കാഴ്ചയില്‍ എസ്.എസ്.എല്‍.സി, പ്ലസ്ടു, ഡിഗ്രി യോഗ്യത ഉള്ളവര്‍ക്ക് പങ്കെടുക്കാം. ഫോണ്‍ : 04832 734 737.

ഐ.ടി.ഐകളില്‍ ഇന്ന് (ആഗസ്റ്റ് ഏഴ്) നടത്താന്‍ നിശ്ചയിച്ച അഖിലേന്ത്യാ ട്രേഡ് ടെസ്റ്റ് പരീക്ഷകള്‍ക്ക് മാറ്റമില്ല.

ലോണ്‍ കുടിശ്ശിക ഈടാക്കുന്നതിനായി നിലമ്പൂര്‍ താലൂക്ക് വണ്ടൂര്‍ വില്ലേജ് റി.സം.നമ്പര്‍ 1186/2എ യില്‍പ്പെട്ട 0.0428 ഹെക്ടര്‍ സ്ഥലം സെപ്തംബര്‍ 11ന് രാവിലെ 11ന് മുത്തേടം വില്ലേജ് ഓഫീസില്‍ ലേലം ചെയ്യും.

100 വര്‍ഷത്തിലധികം പഴക്കമുള്ള താനൂര്‍ ശോഭ ജി.എല്‍.പി. സ്‌ക്കൂളിന് പ്രത്യേക വികസന പാക്കേജിന് ഭരണാനുമതിയായി. വി. അബ്ദുറഹിമാന്‍ എം.എല്‍.എ സര്‍ക്കാരിന് സമര്‍പ്പിച്ച പദ്ധതിക്കാണ് ഒരു കോടി അനുവദിച്ചത്. ആവശ്യമായ കെട്ടിട സമുച്ചയവും ചുറ്റുമതിലും പ്രധാന കവാടവും സ്മാര്‍ട്ട്  ക്ലാസ്സ് മുറികളും നിര്‍മ്മിക്കും.
ഓട്ടിസം പാര്‍ക്കിന് എം.എല്‍.എ ഫണ്ടില്‍ നിന്ന് അമ്പത് ലക്ഷം രൂപ അനുവദിച്ചു. സര്‍ക്കാര്‍ നിശ്ചയിച്ച പൊതുമാതൃകയിലുള്ള പാര്‍ക്ക് രൂപകല്‍പന ചെയ്യാനും മറ്റ് നിര്‍മ്മാണ പ്രവൃത്തികള്‍ നടത്താനും പൊതുമരാമത്ത് കെട്ടിട വിഭാഗത്തിനോട് സര്‍ക്കാര്‍ ആവശ്യപ്പെട്ടിട്ടണ്ട്.

മലപ്പുറം കേന്ദ്രീയ വിദ്യാലയത്തില്‍ സെക്കന്‍ഡറിയില്‍ ടി.ജി.ടി ഹിന്ദി വിഭാഗത്തില്‍ താല്‍ക്കാലികമായ രണ്ട് അധ്യാപക ഒഴിവുകളിലേക്ക് കരാര്‍ നിയമനത്തിന് അപേക്ഷ ക്ഷണിച്ചു. കേന്ദ്രീയ വിദ്യാലയ സംഗതന്റെ നിയമാവലിക്ക നുസരിച്ചുള്ള യോഗ്യതയുള്ളവര്‍ കൂടിക്കാഴ്ചക്കായി ആഗസ്റ്റ് എട്ടിന് രാവിലെ 9.30ന് അസ്സല്‍ രേഖകള്‍ സഹിതം സ്‌കൂളില്‍ എത്തണം.  ഫോണ്‍ 0483 2734963.