ജില്ലയില്‍ വിദ്യാഭ്യാസ വകുപ്പില്‍ എല്‍പി സ്‌കൂള്‍ അസിസ്റ്റന്റ് (മലയാളം മീഡിയം) (കാറ്റഗറി നമ്പര്‍ 387/14) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട നാല് ഉദ്യോഗാര്‍ ഥികള്‍ക്ക് ആരോഗ്യ മേഖലയിലെ പ്രശ്‌നങ്ങളെ തുടര്‍ന്ന് മാറ്റിവയ്ക്കപ്പെട്ട അഭിമുഖം മലപ്പുറം ജില്ലാ പി.എസ്.സി ഓഫീസില്‍ ഈ മാസം 10ന് നടക്കും. അറിയിപ്പ് ലഭിക്കാത്തവര്‍ ജില്ലാ പി.എസ്.സി ഓഫീസുമായി ബന്ധപ്പെടണം. ഫോണ്‍: 0468 2222665. 

       (പിഎന്‍പി 2260/18)

ജില്ലയില്‍ പനി ബാധിച്ച് ഇന്നലെ (ആറ്) 389 പേര്‍ വിവിധ ആശുപത്രികളില്‍ ചികിത്സ തേടിയതായി ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. ഡങ്കിപ്പനി ലക്ഷണങ്ങളോടെ ചികിത്സ തേടിയ അഞ്ച് പേരില്‍ നാല് പേര്‍ക്ക് ഡങ്കിപ്പനി സ്ഥിരീകരിച്ചു. നാറാണംമൂഴി, കോഴഞ്ചേരി, ചിറ്റാര്‍  എന്നിവിടങ്ങളിലാണ് ഡങ്കിപ്പനി സ്ഥിരീകരിച്ചത്. എലിപ്പനി ലക്ഷണങ്ങളോടെ ചികിത്സ തേടിയ മൂന്ന് പേരില്‍ രണ്ട് പേര്‍ക്ക് എലിപ്പനി സ്ഥിരീകരിച്ചു. നിരണത്തും കടമ്മനിട്ടയിലുമാണ് എലിപ്പനി സ്ഥിരീകരിച്ചത്. രണ്ട് പേര്‍ക്ക് ചിക്കന്‍പോക്‌സും സ്ഥിരീകരിച്ചു. വയറിളക്കരോഗങ്ങള്‍ക്ക് 67 പേര്‍ ചികിത്സ തേടി. 

        (പിഎന്‍പി 2172/18)

ആറന്മുള ഉതൃട്ടാതി ജലമേള നടക്കുന്ന ഇടശേരിമല കിഴക്ക് പള്ളിയോടക്കടവിന് സമീപം ഭീഷണിയായി നില്‍ക്കുന്ന മരങ്ങള്‍ മുറിച്ചുമാറ്റുന്നതിന് അടിയന്തര നടപടി സ്വീകരിക്കണമെന്ന് കോഴഞ്ചേരി താലൂക്ക് വികസന സമിതി ആവശ്യപ്പെട്ടു. ആറന്മുള ഗ്രാമപഞ്ചായത്ത് വൈസ്പ്രസിഡന്റ് പ്രസാദ് വേരുങ്കലാണ് ഇതുസംബന്ധിച്ച ആവശ്യം സമിതിയില്‍ ഉന്നയിച്ചത്. സോഷ്യല്‍ ഫോറസ്ട്രി വിഭാഗം മരങ്ങളുടെ വില നിശ്ചയിച്ച് നല്‍കിയിട്ടുള്ള സാഹചര്യത്തില്‍ ജലമേളയ്ക്ക് മുമ്പ് അത്യധികം അപകടകരമായ മരങ്ങള്‍ മുറിച്ചു മാറ്റണമെന്ന് സമിതി ആവശ്യപ്പെട്ടു. 

വെണ്ണിക്കുളം പോളിടെക്‌നിക്ക് കോളേജില്‍ ഒഴിവുള്ള സീറ്റുകളിലേക്ക് നാളെ (എട്ടിന്) സ്‌പോട്ട് അഡ്മിഷന്‍ നടത്തും. റാങ്ക് പട്ടികയില്‍ ഉള്‍പ്പെട്ടവര്‍ റ്റി.സി ഒഴികെയുള്ള അസല്‍ സര്‍ട്ടിഫിക്കറ്റുകളും ഫീസുമായി എത്തണം. രാവിലെ ഒമ്പത് മുതല്‍ 11 വരെയാണ് രജിസ്‌ട്രേഷന്‍.                   (പിഎന്‍പി 2254/18)

വെണ്ണിക്കുളം പോളിടെക്‌നിക്ക് കോളേജില്‍ കംപ്യൂട്ടര്‍ എന്‍ജിനീയറിംഗ്, ഇംഗ്ലീഷ്, ഫിസിക്കല്‍ എഡ്യുക്കേഷന്‍ ഇന്‍സ്ട്രക്ടര്‍, വര്‍ക്‌ഷോപ്പ് ഇന്‍സ്ട്രക്ടര്‍ (ഓട്ടോമൊബൈല്‍), ട്രേഡ്‌സ്മാന്‍ (ഓട്ടോമൊബൈല്‍, ഫിറ്റിംഗ്) എന്നീ തസ്തികകളിലേക്ക് ഇന്ന് നടത്താനിരുന്ന ഇന്റര്‍വ്യൂ ഒമ്പതിലേക്ക് മാറ്റിയതായി പ്രിന്‍സിപ്പല്‍ അറിയിച്ചു.          (പിഎന്‍പി 2253/18)