സംസ്ഥാന സാക്ഷരതാമിഷന്‍ നടത്തിയ അക്ഷരലക്ഷം സാക്ഷരതാ പരീക്ഷയില്‍ ജില്ലയില്‍ 78 കേന്ദ്രങ്ങളിലായി1897   പഠിതാക്കള്‍ പരീക്ഷ എഴുതി.1631 സ്ത്രീകളും 266 പുരുഷന്‍മാരുമാണ് പരീക്ഷ എഴുതിയത്. കാറഡുക്ക ബ്ലോക്കിലെ 85 വയസുള്ള കുംഭയും, പരപ്പ ബ്ലോക്കിലെ  ഗോപാലനുമാണ് ജില്ലയിലെ ഏറ്റവും പ്രായം കൂടിയ പഠിതാക്കള്‍. ജനപ്രതിനിധികള്‍, ഇന്‍സ്ട്രക്ടര്‍മാര്‍, പ്രേരക്മാര്‍, സാക്ഷരതാ പ്രവര്‍ത്തകര്‍ പരീക്ഷയ്ക്ക് നേതൃത്വം നല്‍കി. പരീക്ഷയുടെ ജില്ലാ തല ഉദ്ഘാടനം അമ്പലത്തറ സ്‌കൂളില്‍ കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് പി.ഗൗരി നിര്‍വഹിച്ചു.

കുടുംബശ്രീയുടെ ഓണം വിപണനമേള ഇന്ന് (ആഗസ്റ്റ് 8) മുതല്‍

ജില്ലയില്‍ സംസ്ഥാന വനിത കമ്മീഷന്‍ നടത്തിയ അദാലത്തില്‍ 12 പരാതികള്‍ തീര്‍പ്പായി. കാസര്‍കോട് കളക്ടറേറ്റ് മിനി കോഫറന്‍സ് ഹാളില്‍ വനിത കമ്മീഷന്‍ അംഗം ഡോ.ഷാഹിദ കമാലിന്റെ അധ്യക്ഷതയില്‍ നടന്ന അദാലത്തില്‍ മൊത്തം 54 പരാതികളാണു പരിഗണിച്ചത്. ഇതില്‍ എട്ടു പരാതികളില്‍ പോലീസിനോടും വിവിധ വകുപ്പുകളോടും റിപ്പോര്‍ട്ട് തേടി. നാലു പരാതികളില്‍ ആര്‍ഡിഒ യോട്  റിപ്പോര്‍ട്ട് തേടി. രണ്ടു പരാതികളില്‍ കൗണ്‍സിലിംഗ് നിര്‍ദേശം നല്‍കി.     ലീഗല്‍പാനല്‍ അംഗങ്ങളായ അഡ്വ. പി.പി ശ്യാമളദേവി, അഡ്വ.എസ്.എന്‍ സരിത, വനിതാ പ്രൊട്ടക്ഷന്‍ ഓഫീസര്‍ എ.എസ് പ്രമീള, വനിതാ സെല്‍ എസ്.ഐ:എം.ലീല തുടങ്ങിയവര്‍ അദാലത്തില്‍ പങ്കെടുത്തു. 

സ്വത്തിനുവേണ്ടി വൃദ്ധയായ അമ്മയെ മകളും മരുമകനും ചേര്‍ന്നു മാനസികമായും ശാരീരികമായും പീഡിപ്പിക്കുന്നതായി വില്ലേജ് ഓഫീസറിന്റെ റിപ്പോര്‍ട്ടിന്റെ അടിസ്ഥാനത്തില്‍ ഇവര്‍ക്കെതിരെ കേസ് എടുക്കുവാന്‍ വനിത കമ്മീഷന്‍ പോലീസിനു നിര്‍ദേശം നല്‍കി. മാനസിക പീഡനം സഹിക്കാനാകാതെ മാനസിക സംഘര്‍ഷത്തില്‍ മരണത്തിനുവരെ കാരണമായേക്കാമെന്ന ഹോസ്ദുര്‍ഗ് വില്ലേജ് ഓഫീസറിന്റെ റിപ്പോര്‍ട്ടിന്റെ അടിസ്ഥാനത്തിലാണു വനിത കമ്മീഷന്‍ അംഗം ഡോ.ഷാഹിദ കമാല്‍ പോലീസിനോട് ഉടന്‍ കേസ് രജിസ്റ്റര്‍ ചെയ്യാന്‍ നിര്‍ദേശം നല്‍കിയത്.

പാലായി വളവ് റഗുലേറ്റര്‍ കം ബ്രിഡ്ജിന്റെ നിര്‍മ്മാണോദ്ഘാടനം ഈ മാസം 11ന് മുഖ്യമന്ത്രി പിണറായി വിജയന്‍ നിര്‍വഹിക്കും.ഉച്ചയ്ക്ക് 12ന് പാലായിയില്‍ നടക്കുന്ന ഉദ്ഘാടന ചടങ്ങില്‍ ജലവിഭവ വകുപ്പ്മന്ത്രി മാത്യു.ടി തോമസ് അധ്യക്ഷതവഹിക്കും. റവന്യു-ഭവനനിര്‍മ്മാണ വകുപ്പ്മന്ത്രി ഇ.ചന്ദ്രശേഖരന്‍, പി.കരുണാകരന്‍ എം.പി എന്നിവര്‍ മുഖ്യാതിഥികളായിരിക്കും. 

നാനാത്വത്തോടും ബഹുസ്വരതയോടെയുളള ഇന്ത്യയുടെ മാറ്റമില്ലാത്ത പ്രതിജ്ഞാബദ്ധതയുടെ അടയാളമാണ്‌ കേരളത്തിലെ കൃസ്‌തന്‍ സമൂഹമെന്നും അതിന്റെ പാരമ്പര്യവും ചരിത്രവും രാജ്യത്തിന്‌ അഭിമാനമേകുന്നതാണെന്നും രാഷ്‌ട്രപതി രാംനാഥ്‌ കോവിന്ദ്‌ പറഞ്ഞു. തൃശൂര്‍ സെന്റ്‌ തോമസ്‌ കോളേജിന്റെ ശതാബ്‌ദി ആഘോഷങ്ങള്‍ ഉദ്‌ഘാടനം ചെയ്‌തു സംസാരിക്കുകയായിരുന്നു അദ്ദേഹം. ലോകത്തിലെ തന്നെ ഏറെ പഴക്കമുളള കൃസ്‌ത്യന്‍ സമൂഹമാണ്‌ കേരളത്തിലേത്‌. വിദ്യാഭ്യാസത്തിനും ശുശ്രൂഷയ്‌ക്കും പ്രാധാന്യം നല്‍കിയ സമൂഹം. ഈ കീര്‍ത്തി മറ്റ്‌ രാജ്യങ്ങളിലേക്കും വ്യാപിച്ചിരിക്കുന്നു. രാഷ്‌ട്രപതി പറഞ്ഞു.

പീരുമേട് താലൂക്ക്തല പതിവ് കമ്മിറ്റിയുടെ ആഗസ്റ്റ് മാസത്തെ യോഗം ആഗസ്റ്റ് 9ന് രാവിലെ 11 ന് താലൂക്ക് ആഫീസ് കോൺഫറൻസ് ഹാളിൽ കൂടും. യോഗത്തിൽ എല്ലാ അംഗങ്ങളും പങ്കെടുക്കണമെന്ന് തഹസീൽദാർ അറിയിച്ചു.

ഭിന്നശേഷിയുള്ളവരുടെ ശാക്തീകരണത്തിനായി കേന്ദ്ര സർക്കാർ ഏർപ്പെടുത്തിയിട്ടുള്ള ദേശീയ അവാർഡ് (ദിവ്യാഗൻ) 2018 നായി അപേക്ഷിക്കാം.  21 വിഭാഗങ്ങളിലായാണ് അവാർഡ് നൽകുന്നത്. അപേക്ഷകൾ ആഗസ്റ്റ് 10നകം തൊടുപുഴ മിനി സിവിൽ സ്റ്റേഷനിൽ പ്രവർത്തിക്കുന്ന ജില്ലാ സാമൂഹ്യനീതി ആഫീസിൽ ലഭിക്കണം. കൂടുതൽ വിവരങ്ങൾ ജില്ലാ സാമൂഹ്യനീതി ആഫീസിൽ നിന്നോ ംംം.ഷെറ.സലൃമഹമ.ഴീ്.ശി എന്ന വെബ്‌സൈറ്റിൽ നിന്നോ അറിയാം. ജില്ലാ സാമൂഹ്യനീതി ആഫീസ് ഫോൺ നമ്പർ 04862 228160.

ജില്ലാ ശിശുക്ഷേമ സമിതിയുടെ ആഭിമുഖ്യത്തിൽ ഓണത്തോടനുബന്ധ്ച്ച് ഏദിന നാടൻപാട്ട് പരിശീലനം ഒരുക്കുന്നു. ചെറുതോണി പോലീസ് സൊസൈറ്റി ഹാളിൽ ആഗസ്റ്റ് 11ന് രാവിലെ 9.30ന് ആരംഭിക്കുന്ന പരിപാടി ബാലൻ മാസ്റ്റർ (കൊല്ലം) കെ.ആർ. രാമചന്ദ്രൻ(കട്ടപ്പന) തുടങ്ങിയവർ നേതൃത്വം നൽകും. 

പരിശീലനത്തിൽ പങ്കെടുക്കാൻ താൽപ്പര്യമുള്ള യു.പി ഹൈസ്‌കൂൾ വിദ്യാർത്ഥികൾ പേര്, ക്ലാസ്, സ്‌കൂൾ, ഫോൺ നമ്പർ എന്നീ വിവരങ്ങൾ  എസ്.എം.എസായി 9447963226 എന്ന നമ്പരിലേക്ക് അയക്കണം. ആദ്യം രജിസ്റ്റർ ചെയ്യുന്ന 50 കുട്ടികളെയാണ് പരിശീലനത്തിൽ പങ്കെടുപ്പിക്കുകയെന്ന് ജില്ലാ ശിശുക്ഷേമ സമിതി സെക്രട്ടറി അറിയിച്ചു.