ഉതൃട്ടാതി ജലോത്സവം പ്രമാണിച്ച് ജില്ലയിലെ എല്ലാ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും ഈ മാസം 29ന് പ്രാദേശിക അവധി പ്രഖ്യാപിച്ച് ജില്ലാ കളക്ടര്‍ ഉത്തരവായി.          (പിഎന്‍പി 2250/18)

അഖിലേന്ത്യാ ട്രേഡ് ടെസ്റ്റ് മുന്‍നിശ്ചയ പ്രകാരം ചെന്നീര്‍ക്കര ഗവണ്‍മെന്റ                 ഐടിഐയില്‍ ഇന്ന് (ഏഴ്) നടക്കുമെന്ന് പ്രിന്‍സിപ്പല്‍ അറിയിച്ചു. 

വ്യാപാര സ്ഥാപനങ്ങളുടെ പേര് എഴുതിയിട്ടുള്ള ബോര്‍ഡില്‍ ഔദ്യോഗിക ഭാഷയായ മലയാളം ഉണ്ടെന്ന് തദ്ദേശസ്ഥാപനങ്ങള്‍ ഉറപ്പുവരുത്തണമെന്ന് അഡീഷണല്‍ ജില്ലാ മജിസ്‌ട്രേട്ട് പി.ടി. ഏബ്രഹാം നിര്‍ദേശിച്ചു. കളക്ടറേറ്റില്‍ ചേര്‍ന്ന മലയാളം ഔദ്യോഗിക ഭാഷ ജില്ലാതല ഏകോപന സമിതി യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.  വ്യാപാര സ്ഥാപനങ്ങളുടെ ലൈസന്‍സ് പുതുക്കി നല്‍കുമ്പോള്‍ തദ്ദേശസ്ഥാപനങ്ങള്‍ ഇക്കാര്യം ശ്രദ്ധിക്കണം. 

പൊതുവിദ്യാഭ്യാസ വകുപ്പും കേരള സംഗീത നാടക അക്കാദമിയും സംയുക്തമായി തിരുവല്ല എസ്.സി.എസ്.എച്ച്.എസ്.എസ്.എസില്‍ കലാപാഠം ശില്പശാല നടത്തി.          തിരുവല്ല നഗരസഭ വിദ്യാഭ്യാസ സ്ഥിരംസമിതി അധ്യക്ഷന്‍ ബിജു ലങ്കാഗിരി ഉദ്ഘാടനം           ചെയ്തു. വിദ്യാഭ്യാസ ഉപഡയറക്ടര്‍ എം.കെ.ഗോപി, സംഗീത നാടക അക്കാദമി പ്രോഗ്രാം ഓഫീസര്‍ എ.വി.രാജീവ്, കെ.മനോജ് എന്നിവര്‍ പങ്കെടുത്തു. കലാമണ്ഡലം ക്ഷേമാവതി, ശ്രീലക്ഷ്മി ഗോവര്‍ധന്‍, ഡോ.ഗായത്രി സുബ്രഹ്മണ്യന്‍, മീരാ രാജേഷ് എന്നിവര്‍ ക്ലാസുക ള്‍ക്ക് നേതൃത്വം നല്‍കി.          (പിഎന്‍പി 2246/18)

രണ്ടാം ലോകമഹായുദ്ധ സേനാനികള്‍ക്കും വിധവകള്‍ക്കുമുള്ള 2018-19 വര്‍ഷത്തേക്കുള്ള പ്രതിമാസ സാമ്പത്തിക സഹായം തുടര്‍ന്ന് ലഭിക്കുന്നതിന് ഈ മാസം 20ന് മുമ്പ് ഒപ്പിട്ട ലൈഫ് സര്‍ട്ടിഫിക്കറ്റ് നല്‍കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍: 0468 2222104.          (പിഎന്‍പി 2245/18)

ഹരിത കേരള മിഷനും കേരള കൃഷി വകുപ്പും സംയുക്തമായി പാറശാല നിയോജക മണ്ഡലത്തില്‍ നടപ്പിലാക്കിവരുന്ന സമ്പൂര്‍ണ്ണ തരിശ് നിര്‍മ്മാര്‍ജന ജൈവ കാര്‍ഷിക കര്‍മ്മ പദ്ധതിയായ തളിരിന്റെ ഭാഗമായി മണ്ഡലത്തിലെ ഒമ്പത് പഞ്ചായത്തുകളിലെയും തരിശുനിലങ്ങള്‍ കൃഷിയോഗ്യമാക്കാനുള്ള നടപടികള്‍ അന്തിമഘട്ടത്തിലാണ്.

* കുടുംബശ്രീ വനിതകളുടെ രക്തദാന കര്‍മസേന  ഗ്രൂപ്പ് സംസ്ഥാനത്താദ്യമായി
  ആനാട് രൂപീകരിച്ചു

* സ്ത്രീകള്‍ക്കും കുട്ടികള്‍ക്കും നേരെയുള്ള അതിക്രമങ്ങള്‍ തടയാനും
  പരിഹരിക്കാനും ജെന്റര്‍ വിജിലന്‍സ് ഗ്രൂപ്പ്.