സംസ്ഥാന ആര്‍ക്കൈവ്‌സ് വകുപ്പില്‍ സൂക്ഷിച്ചിട്ടുളള താളിയോലകളിലും പുസ്തകത്തിലുമുളള വിവിധ രാമായണങ്ങളുടെ പ്രദര്‍ശനം ആഗസ്റ്റ് എട്ടിന്  ആര്‍ക്കൈവ്‌സ് വകുപ്പ് ഡയറക്ടറേറ്റില്‍ പുരാരേഖാ, പുരാവസ്തു, മ്യൂസിയം, തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പളളി ഉദ്ഘാടനം ചെയ്യും.   അതോടനുബന്ധിച്ച് സ്വകാര്യ വ്യക്തികള്‍/സ്ഥാപനങ്ങള്‍ എന്നിവരുടെ പക്കലുളള അപൂര്‍വ്വങ്ങളായ താളിയോലകള്‍ ആര്‍ക്കൈവ്‌സ് വകുപ്പ് സൗജന്യമായി സംരക്ഷിച്ചു നല്‍കും.  കൂടുതല്‍ വിവരങ്ങള്‍ക്ക് : 8304999478.
 

11 കെവി ലൈനില്‍ അറ്റക്കുറ്റപ്പണി നടക്കുന്നതിനാല്‍ അരീക്കോട് ഇലക്ട്രിക്കല്‍ സെക്ഷന്‍ പരിധിയില്‍ പൂക്കോട്ടുചോല മുതല്‍ വെള്ളേരി വരെയും പൂക്കോട്ടുചോല മുതല്‍ പരിയാരക്കല്‍ വരെയും വാചാക്കല്‍, എളങ്കാവ് ഭാഗങ്ങളിലും ഓഗസ്റ്റ് എട്ടിന് രാവിലെ എട്ട് മുതല്‍ വൈകീട്ട് അഞ്ച് വരെ വൈദ്യുതി മുടങ്ങും.

സംസ്ഥാന ആരോഗ്യ വകുപ്പും ശ്രീ ചിത്ര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസും സംയുക്തമായി നടപ്പാക്കുന്ന ജീവിതശൈലീരോഗ നിയന്ത്രണ പദ്ധതിയിലേക്ക് ജില്ലയില്‍ കോര്‍ഡിനേറ്റര്‍മാരുടെ മൂന്ന്  ഒഴിവുണ്ട്. യോഗ്യത: ഡിപ്ലോമ ഇന്‍ ഹെല്‍ത്ത് ഇന്‍സ്പെക്ടര്‍, പൊതുജനാരോഗ്യ മേഖലയില്‍ പ്രവൃത്തിപരിചയം. ആറ് മാസത്തേക്കു കരാര്‍ അടിസ്ഥാനത്തിലാണ് നിയമനം. ജില്ലയില്‍നിന്നുള്ളവര്‍ക്ക് മുന്‍ഗണന. താല്പര്യമുള്ളവര്‍ dpmncdmpm@gmail.com ലേക്ക് ആഗസ്റ്റ് 18ന് വൈകുന്നേരം അഞ്ചിനകം ബയോഡാറ്റ  അയക്കണം.   ഫോണ്‍ 8848256858

    കേരളത്തില്‍ തൊഴിലെടുക്കുന്ന  ഇതര സംസ്ഥാന തൊഴിലാളികള്‍ക്ക്  തൊഴില്‍ വകുപ്പ്  നടപ്പാക്കിയ സൗജന്യ ആരോഗ്യ-അപകട ഇന്‍ഷൂറന്‍സ് പദ്ധതി 'ആവാസ്' പ്രകാരം പട്ടാമ്പി പട്ടിത്തറ വില്ലേജില്‍ വീട് നിര്‍മ്മാണത്തിനിടെ മരണപ്പെട്ട ഒഡീഷ സ്വദേശി ത്രിലോചന്‍ സുനാനിയുടെ  കുടുംബത്തിന് അനുവദിച്ച രണ്ട് ലക്ഷം  ബാങ്ക് അക്കൗണ്ട് മുഖേന വിതരണം ചെയ്തതായി ജില്ലാ ലേബര്‍ ഓഫീസര്‍ (എന്‍ഫോഴ്സ്മെന്‍റ്) അറിയിച്ചു.

     പട്ടാമ്പി താലൂക്ക് ആശുപത്രി   പാലിയെറ്റീവ് കെയര്‍ പരിചരണത്തില്‍ സന്നദ്ധ പ്രവര്‍ത്തകര്‍ക്കുളള പരിശീലനം ഓഗസ്റ്റ് 11 ന് താലൂക്ക് ആശുപത്രിയില്‍ നടത്തും.  താത്പര്യമുളളവര്‍ 0466 2213769 നമ്പരില്‍ പേര് രജിസ്റ്റര്‍ ചെയ്യണമെന്ന് സൂപ്രണ്ട്  അറിയിച്ചു. 
 

മലപ്പുറം ഡി.ടി.പി.സിയുടെ ടൂറിസ്റ്റ് ബസ്സിന് ഡ്രൈവറെ ആവശ്യമുണ്ട്.  തൊഴില്‍ പരിചയവും ഹെവി വെഹിക്കിള്‍ ഡ്രൈവിങ് ലൈസന്‍സുമുള്ളവര്‍ രേഖകള്‍ സഹിതം ആഗസ്റ്റ് 10ന് രാവിലെ 10ന് കൂടിക്കാഴ്ചക്കായി ഓഫീസില്‍ എത്തണം.  ഫോണ്‍ 0483 2731504.

മലപ്പുറം ഡി.ടി.പി.സിയില്‍ പ്രൊജക്ട് എഞ്ചിനീയറുടെ ഒഴിവിലേക്ക് അപേക്ഷ ക്ഷണിച്ചു.  ബി.ടെക് (സിവില്‍ എഞ്ചിനീയറിങ്) യോഗ്യതയുള്ളവര്‍ രേഖകള്‍ സഹിതം ആഗസ്റ്റ് 13ന് രാവിലെ 10ന് ഡി.ടി.പി.സി ഓഫീസില്‍ കൂടിക്കാഴ്ചക്ക് എത്തണം.  ഫോണ്‍ 0483 2731504.

സംസ്ഥാന സോഷല്‍ സൊസൈറ്റി മിഷനില്‍ ലെയ്നന്‍ ഓഫീസര്‍ തസ്തികയില്‍ അഭിമുഖം നടത്തുന്നു.   ഒരു വര്‍ഷത്തേക്കാണ് നിയമനം. ഏതെങ്കിലും വിഷയത്തിലുളള ബിരുദാനന്തര ബിരുദവും ചുരുങ്ങിയത് ഗവ. ഓര്‍ഗനൈസേഷനില്‍ രണ്ട് വര്‍ഷത്തെ പ്രവൃത്തി പരിചയവുമാണ് യോഗ്യത.  പ്രായം- 25 നും 50 നുമിടയില്‍ . ശമ്പളം - 32000.
താത്പര്യമുളളവര്‍ ബയോഡാറ്റയുടെ രണ്ടു പകര്‍പ്പും ഒരു ഫോട്ടോയും അസല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം ഓഗസ്റ്റ് ഒമ്പത് രാവിലെ 10 ന് തിരുവനന്തപുരം പൂജപ്പുര, കേരള സോഷല്‍ സെകൂരിറ്റി മിഷന്‍ ഓഫീസില്‍  നടക്കുന്ന അഭിമുഖത്തിനെത്തണം.

കണ്ണൂര്‍ മയ്യില്‍ ജനസംസ്‌കൃതി സാംസ്‌കാരിക വകുപ്പിന് കീഴിലുള്ള കൊണ്ടോട്ടി മഹാകവി മോയിന്‍കുട്ടിവൈദ്യര്‍ മാപ്പിളകലാ അക്കാദമിയുടെ സഹകരണത്തോടെ മാപ്പിളപ്പാട്ട് മത്സരം സംഘടിപ്പിക്കുന്നു. പങ്കെടുക്കാന്‍ താല്‍പര്യമുള്ളവര്‍ ഓഗസ്റ്റ് 12നകം 9947675122 ല്‍ ബന്ധപ്പെടണം.